Eid ul fitr 2022 : ईदनिमित्त घरी तयार करा खास गोड शेवया, जाणून घ्या स्पेशल रेसिपी!
सुकामेवा, 2 कप शेवया, 1 कप कंडेन्स्ड दूध, बारीक केलेले बदाम, तूप, 50 ग्रॅम खवा. 1 टीस्पून हिरवी वेलची पावडर 3 चमचे मनुका इत्यादी साहित्य आपल्याला लागणार आहे. सर्वात अगोदर शेवया तुपात तळून घ्या. एका पॅनमध्ये तूप गरम करा, शेवया घाला आणि सुगंधित आणि सोनेरी तपकिरी होईपर्यंत तळा आणि गॅस मंद आचेवर ठेवा.
मुंबई : मुस्लिम समाजात ईदचा (Eid) सण मोठ्या उत्साहात साजरा केला जातो. ईद हा इस्लाम धर्मातील सर्वात खास सणांपैकी एक आहे. या दिवशी विविध स्वादिष्ट पदार्थ तयार केले जातात. त्यात दूध (Milk) फेणी, शीरमल आणि बाकरखानी इ. ईदला गोड शेवयाचा आनंद देखील मोठ्या प्रमाणात घेतला जातो. त्याला मिठी सेवियां असेही म्हणतात, विशेष म्हणजे मिठी सेविया हे जवळपास सर्वांनाच खाण्यासाठी आवडतात. घरी सहज उपलब्ध असलेल्या पदार्थांचा (Food) वापर करून तुम्ही गोड शेवया बनवू शकता. हे बनवण्यासाठी तुम्हाला शेवया, दूध, बदाम, तूप आदी साहित्य लागणार आहे. चला तर बघूयात गोड शेवयांची रेसिपी.
गोड शेवयाचे साहित्य
सुकामेवा, 2 कप शेवया, 1 कप कंडेन्स्ड दूध, बारीक केलेले बदाम, तूप, 50 ग्रॅम खवा. 1 टीस्पून हिरवी वेलची पावडर 3 चमचे मनुका इत्यादी साहित्य आपल्याला लागणार आहे. सर्वात अगोदर शेवया तुपात तळून घ्या. एका पॅनमध्ये तूप गरम करा, शेवया घाला आणि सुगंधित आणि सोनेरी तपकिरी होईपर्यंत तळा आणि गॅस मंद आचेवर ठेवा. दूध उकळून त्यात साखर घाला. कढईत दूध उकळवा, त्यात चिरलेला काजू घाला आणि 3 मिनिटे शिजवा, साखर घाला आणि विरघळू द्या. आता त्यात कंडेन्स्ड दूध घालून मंद आचेवर दुधात चांगले मिसळेपर्यंत शिजवा.
जाणून घ्या रेसिपी!
दुधात शेवया घाला आणि कोरडे होईपर्यंत शिजवा. खवा बारीक किसून दुधात मिसळा. मिश्रण घट्ट होईपर्यंत शिजवा, शेवया घाला आणि 5 मिनिटे शिजवा. आता वेलची घाला आणि चांगले मिसळा. आता त्यावर चिरलेल्या ड्रायफ्रुट्सने सजवा. थंड सर्व्ह करा. या गोड शेवया खाण्यासाठी अत्यंत चवदार आहेत. विशेष म्हणजे या रेसिपीसाठी तुम्हाला काहीही बाजारातून विकत घेण्याची अजिबात गरज नाहीये. आपल्या घरामध्ये असलेल्या साहित्याच्या मदतीने आपण ही रेसिपी तयार करू शकतो.