Diet | वजन कमी करण्यासाठी डाएट करताना या खास गोष्टी फाॅलो करा, वाचा सविस्तरपणे!

Image Credit source: nsplash.com

मुंबई : शारीरिक आणि मानसिक आरोग्य (Health) राखण्यासाठी संतुलित आहार घेणे अत्यंत आवश्यक आहे. प्रथिन्यांचा रोजच्या आहाराच्या समावेश असावा. दैनंदिन जीवनातील बदल, अति खाणे, तणाव हे सर्व वजन वाढण्यास जबाबदार आहेत. आणि त्यामुळे वजन कमी करण्यासाठी पण पौष्टिक आहार (Nutritious diet) तितकाच आवश्यक आहे. अनेकांना असे वाटते की जे उपाशी राहिल्याने वजन कमी होण्यास मदत होते. मात्र, जर तुम्हालाही असेच वाटत असेलतर तुम्ही 100 टक्के चुकीचे आहात. उपाशी राहून वजन कमी (Weight loss) करणे अशक्य गोष्टी आहे. उलट उपाशी राहिल्याने वजन कमी होण्याऐवजी आपल्या आरोग्याच्या समस्या अधिक निर्माण होऊ शकतात.

उपाशी राहून वजन कमी करणे चुकीचे

बऱ्याच लोकांचा असा समज असतो की, वजन कमी करण्यासाठी कमी अन्न खावे किंवा दिवसभर उपाशी राहवे. मात्र, हे चुकीचे आहे. जर तुम्हाला वजन कमी करायचे असेल तर तुम्ही आपल्या आहारामध्ये हेल्दी गोष्टींचा समावेश करा. तसेच बाहेरील फास्ट फूड आणि तेलकट पदार्थ खाणे बंद करा. याशिवाय आपल्या आहारामध्ये हिरव्या भाज्यांचा समावेश करा. ज्यामुळे वजन कमी होण्यास मदत होते. तसेच वजन कमी करण्यासाठी रात्रीचे जेवण खूप महत्वाचे आहे. रात्री सातच्या अगोदर जेवण करा आणि जेवण झाल्यानंतर थोडा वेळा फिरा. यामुळे वजन कमी होण्यास मदत होते.

गोड पदार्थ खाणे टाळाच

अनेकजणांना गोड खाण्याची इच्छा असते. मात्र, साखर खायची नाही, म्हणून ते मधासारखे पर्यायी पदार्थ शोधतात. असे लोक साखरेपेक्षा नैसर्गिकरित्या आढळणारे गोड पदार्थ चांगले आहे असं समजतात. मात्र, अशा गोड पदार्थांमध्ये कोणतेही अतिरिक्त पोषणद्रव्ये नसतात. शिवाय कॅलरिजचं प्रमाण देखील कमी नसतं. त्यामुळे साखर खाण्याऐवजी मध किंवा इतर गोड पदार्थ खाल्याने तसा काहीही फरक पडत नाही. यामुळे जर आपल्याला खरोखरच वजन कमी करायचे असेल तर आपण आहारामध्ये अजिबात गोड पदार्थांचा समावेश करून नये.