Protein Rich Vegetables : प्रथिने युक्त ‘या’ 7 पदार्थांचा आहारात समावेश करा आणि निरोगी राहा!

प्रथिने निरोगी आरोग्यासाठी अत्यंत फायदेशीर

मुंबई : निरोगी राहण्यासाठी शारीरिक हालचालींसोबतच हेल्दी आहार (Healthy diet) देखील खूप महत्वाचा आहे. निरोगी राहण्यासाठी हंगामी फळे आणि भाज्या खाण्याचा सल्ला नेहमीच दिला जातो. या पदार्थांमध्ये (Food) भरपूर प्रमाणात पोषक असतात. हे आरोग्यासाठी खूप फायदेशीर आहे. निरोगी (Healthy) राहण्यासाठी दररोज पुरेशा प्रमाणात भाज्यांचे सेवन केले पाहिजे. यामध्ये हिरवे वाटाणे, पालक, स्वीट कॉर्न आणि एवोकॅडो या भाज्यांचा समावेश आहे. चला जाणून घेऊया कोणत्या भाज्यांमध्ये प्रथिने भरपूर आहेत आणि कोणत्या आहारात तुम्ही समाविष्ट करू शकता.

1. मटार
   एका कप मटारमधून तुम्हाला 8.6 ग्रॅम प्रथिने मिळतात. मटारमध्ये प्रथिने भरपूर प्रमाणात असतात. मटार देखील फायबरचा चांगला स्रोत आहे. प्रथिने आणि फायबर मिळवण्यासाठी तुम्ही अनेक प्रकारच्या पदार्थांमध्ये मटार मिक्स करू शकता. दररोज नाश्त्यामध्ये मटार खाणे अधिक चांगले.
2. एवोकॅडो
   एक कप एवोकॅडोमध्ये सुमारे 4.6 ग्रॅम प्रथिने असतात. याचे अनेक आरोग्य फायदे आहेत. वजन कमी करणे, हृदय निरोगी ठेवणे आणि दात मजबूत करणे असे अनेक फायदे आहेत. त्यात पोटॅशियम आणि फायबर देखील भरपूर असते. ते खूप चवदार देखील आहे.
3. मशरूम
   जर तुम्ही 1 कप मशरूम खाल्ले तर तुम्हाला सुमारे 4 ग्रॅम प्रथिने मिळू शकतात. मशरूममध्ये व्हिटॅमिन बी देखील असते. अतिनील प्रकाशाच्या संपर्कात आलेल्या मशरूममध्ये व्हिटॅमिन डी भरपूर प्रमाणात असते. ते मुख्यतः पास्ता आणि सॅलडच्या स्वरूपात खाल्ले जातात.
4. पालक
   एक कप पालकामध्ये सुमारे 5.2 ग्रॅम प्रथिने असतात. पालकामध्ये प्रथिने भरपूर प्रमाणात असतात. यामध्ये व्हिटॅमिन ए, व्हिटॅमिन के आणि व्हिटॅमिन सी भरपूर प्रमाणात असते. हे पोषक घटक तुमची प्रतिकारशक्ती वाढवण्यास मदत करतात. यामुळे तुमच्या दररोजच्या आहारामध्ये पालकाचा समावेश करा.
5. स्वीट कॉर्न
   जर तुम्ही 1 कप स्वीट कॉर्न खाल्ले तर ते तुम्हाला सुमारे 4.7 ग्रॅम प्रथिने मिळतात. हे सहसा स्नॅक म्हणून खाल्ले जाते. हे खूप पौष्टिक आहे. हे अनेक प्रकारच्या पदार्थांमध्ये वापरले जाते. हे खूप चवदार आहे.
6. अंडी
   अंडी हे मुख्य आणि आवश्यक अन्न आहे, जे शरीराला आवश्यक प्रथिने प्रदान करते. नाश्त्यामध्ये अंडी समाविष्ट करणे आवश्यक आहे. अंडी तुमची प्रथिन्यांची कमतरता भरून काढतील. यामुळे दिवसभरातून किमान तीन अंड्याचा तरी आपल्या आहारामध्ये समावेश करावा.
7. ओट्स
   ओट्समध्ये प्रथिने आणि फायबरचे प्रमाण जास्त असते. फायबर पचायला वेळ लागतो. त्यामुळे पोट बराच काळ भरलेले राहते. विशेष म्हणजे ओट्समध्ये भरपूर प्रमाणात प्रथिने देखील आढळतात. ओट्स तयार करण्यासाठी विशेष वेळ देखील लागत नाही.

संबंधित बातम्या : 

Mumbai Fish : मुंबईकरांना कॅन्सरचा धोका? बोबिंल, घोळ, माशात मायक्रोप्लॅस्टिकचे अंश

Homemade Scrub : चमकदार त्वचेसाठी ‘हे’ घरगुती स्क्रब वापरा आणि सुंदर त्वचा मिळवा!