Health Care : खरबूज हे फळ खूप चवदार आणि आरोग्यासाठीही फायदेशीर, आहारात नक्की समावेश करा!
न्हाळ्याच्या हंगामात (Summer season) फळे खाणे आरोग्यासाठी अत्यंत फायदेशीर आहे. त्यामध्येही खरबूज खाणे तर उत्तमच खरबूजमध्ये भरपूर पाणी (Water) आणि फायबर असते. उन्हाळ्यात ते शरीराला हायड्रेट ठेवण्याचे काम करते. यात 90 टक्के पाणी असते, त्यामुळे रक्तदाब नियंत्रणात राहतो.
मुंबई : उन्हाळ्याच्या हंगामात (Summer season) फळे खाणे आरोग्यासाठी अत्यंत फायदेशीर आहे. त्यामध्येही खरबूज खाणे तर उत्तमच खरबूजमध्ये भरपूर पाणी (Water) आणि फायबर असते. उन्हाळ्यात ते शरीराला हायड्रेट ठेवण्याचे काम करते. यात 90 टक्के पाणी असते, त्यामुळे रक्तदाब नियंत्रणात राहतो. उन्हाळ्यात खरबुजापासून (Melon) बनवलेल्या रसाचे सेवनही करू शकता. ते तयार करणे खूप सोपे आहे. खरबूज खाण्याचे नेमके कोणते फायदे आहेत, याबद्दल आपण सविस्तरपणे जाणून घेणार आहोत.
उन्हाळ्याच्या हंगामात खरबूज खाण्याचे आरोग्य फायदे वाचा!
रोगप्रतिकारक शक्ती वाढण्यास मदत
खरबूजमध्ये बीटा कॅरोटीन असते. बीटा कॅरोटीन व्हिटॅमिन ए मध्ये रूपांतरित होते. हे शरीर मुक्त रॅडिकल्समुळे होणाऱ्या नुकसानापासून रक्षण करते. त्याचप्रमाणे खरबूजमध्ये व्हिटॅमिन सी देखील मोठ्या प्रमाणात असते, यामध्ये आपल्या शरीरामधील रोगप्रतिकारक शक्ती वाढण्यास मदत होते.
कर्करोगाचा धोका कमी होतो
खरबूज खाल्ल्याने कर्करोगाचा धोका कमी होतो. खरबूज फोलेटचा चांगला स्रोत आहे. त्याला व्हिटॅमिन बी-9 असेही म्हणतात. यामुळे काही कर्करोगाचा धोका कमी होऊ शकतो.
हायड्रेटेड राहण्यास मदत करते
खरबुजात 90 टक्के पाणी असते. खरबूज खाल्ल्याने तुम्हाला दिवसभर हायड्रेट राहण्यास मदत होते. निर्जलीकरणामुळे किडनी स्टोन, चक्कर येणे, डोकेदुखी, बद्धकोष्ठता आणि कोरडी त्वचा होऊ शकते. यामुळे उन्हाळ्याच्या हंगामात खरबूज खाणे अधिक फायदेशीर मानले जाते.
खरबूजचा रस अधिक फायदेशीर
आपण कच्चे खरबूज किंवा खरबूजचा रस देखील आपल्या आहारामध्ये घेऊ शकता. मात्र, खरबूजचा रस तयार करताना नेहमीच लक्षात ठेवा की, त्यामध्ये साखर अजिबात टाकू नका. शिवाय रसामध्ये दुधाचा देखील समावेश करा. खरबूजचा रस नेहमीच ताजा प्या.
संबंधित बातम्या :
पोटाच्या विकारांपासून राहा दूर… आहारात ‘या’ सुपरफूडचा समावेश करा
Weight Loss: पोटाची नको असलेली चरबी बर्न करण्यासाठी हे 3 चहा अत्यंत फायदेशीर!
