नवीन वर्षात करा आरोग्याचा संकल्प, किडनी निरोगी राहण्यासाठी करा हे 5 उपाय
kidney care : किडनी हे शरीरातील महत्त्वाचे कार्य करते. ज्यामुळे आपल्याला उर्जा मिळते. किडनी जर चांगले कार्य करत असेल तर कोणताही आजार होत नाही. त्यामुळे किडनीची काळजी घेणे फार महत्त्वाचे आहेत. कशी घ्याल किडनीची काळजी आमच्याकडून जाणून घ्या.
New Year 2024 Resolutions : नवीन वर्ष लवकरच सुरु होणार आहे. तुम्ही जर नवीन वर्षात काही संकल्प करायचा असेल तर नक्कीच करु शकतात. यामध्ये आम्ही तुम्हाला एक संकल्प सुचवत आहोत. ज्याचा तुमच्या आरोग्यावर सकारात्मक परिणाम होऊ शकतो. 2024 मध्ये आपल्या किडनीचे आरोग्य राखण्यासाठी आपल्या जीवनशैलीत बदल करा. यासाठी काय केले पाहिजे हे आम्ही तुम्हाला सांगणार आहोत.
मूत्रपिंड शरीरातील कचरा आणि अतिरिक्त द्रव फिल्टर करण्यात महत्त्वपूर्ण भूमिका बजावतात आणि ते शरीरातील मीठ, पाणी आणि इतर रसायनांचे प्रमाण नियंत्रित करण्यास देखील मदत करतात. जेव्हा मूत्रपिंड एखाद्या आजाराने ग्रासले जाते तेव्हा मात्र त्याचा विपरीत परिणाम पूर्ण शरीरावर दिसून येतो. त्यामुळे मूत्रपिंडाचे कार्य सुधारण्यासाठी आरोग्यदायी उपाय केले पाहिजे.
किडनी रक्तातील टाकाऊ पदार्थ, जास्तीचे पाणी आणि इतर अशुद्धता लघवीद्वारे फिल्टर करते. ते शरीरातील pH, मीठ आणि पोटॅशियमचे प्रमाण नियंत्रित ठेवण्यास आणि हाडांचे आरोग्य चांगले राखण्यास मदत करतात.
स्नायूंच्या कार्याचे नियमन करण्यासाठी व्हिटॅमिन डी सक्रिय करण्यासाठी देखील मूत्रपिंड जबाबदार असतात; मूत्रपिंडाचा आजार असलेल्या मोठ्या संख्येने लोकांना डायलिसिसची आवश्यकता असते. प्रकृती बिघडल्यास किडनी प्रत्यारोपणाची गरज भासले. त्यामुळे आपण सर्वांनी आपल्या किडनीची विशेष काळजी घेणे गरजेचे आहे.
पाणी पिण्याची सवय लावा
पाणी मूत्रपिंडातील विषारी पदार्थ बाहेर टाकण्यास मदत करते आणि मूत्रपिंडाच्या आजाराची शक्यता कमी करते. किडनी स्टोन होऊ नये म्हणून पुरेसे पाणी प्यावे.
धूम्रपानाची सवय सोडा
धुम्रपान केल्याने रक्तवाहिन्यांचे नुकसान होते, ज्यामुळे मूत्रपिंडातील रक्त परिसंचरण मर्यादित होते. धूम्रपानामुळे रेनल सेल कार्सिनोमाचा धोका देखील वाढतो. धूम्रपान सोडल्याने कर्करोगाचा धोका कमी होतो.
नियमित व्यायाम
जीवनशैलीतील हलगर्जीपणा टाळण्यासाठी दररोज व्यायाम करणे फायदेशीर आहे. हे फक्त हृदय किंवा फुफ्फुसासाठीच नाही तर किडनीसाठी देखील फायदेशीर आहे. नियमित व्यायामाने वजन नियंत्रित ठेवण्यास आणि किडनीच्या समस्या दूर ठेवण्यास मदत होते.
मीठ खाण्याकडे लक्ष द्या
पॅक फूड आणि जंक फूड यांसारख्या खारट गोष्टी अधूनमधून खाणे हानिकारक नाही, परंतु जास्त प्रमाणात सेवन केल्याने रक्तदाब वाढतो आणि तुमच्या किडनीलाही हानी पोहोचते.
बर्‍याच लोकांमध्ये किडनीच्या आजाराची लक्षणे दिसत नाहीत, त्यामुळे वर्षातून एकदा तुमच्या किडनीची तपासणी केल्याने तुम्ही तंदुरुस्त राहू शकता.