‘लेमन टी’ आहारात घ्या आणि रोगप्रतिकारक शक्ती वाढवा !

लेमन टी प्या आणि स्वस्थ राहा

मुंबई : सर्वजणच आपल्या दिवसाची सुरुवात चहा पिऊन करतात. सकाळचा चहा पिण्यामुळे शरीरात ऊर्जा आणि ताकद येते. या कारणास्तव, बहुतेक लोक आपला दिवस चहाने सुरू करतात. बऱ्याच घरात दुधाचा चहा बनवला जातो. परंतु, आपण इच्छित असल्यास आपल्याला आवडत असल्यास, विविध प्रकारचे चहा बनवू शकता. आणि त्यामध्येही लेमन टी हे आपल्या आरोग्यासाठी अत्यंत फायदेशीर आहे. (Taking lemon tea helps boost the immune system)

लेमन टीमुळे आपली रोगप्रतिकारक शक्ती वाढण्यास मदत होते. सध्याच्या कोरोनाच्या वातावरणात तर लेमन टी पिणे खूप गरजेचे झाले आहे. जर आपल्याला सर्दी आल्यासारखे वाटत असेल तर दिवसातून चार ते पाच वेळा आपण लेमन टी घेतली तर आपल्याला चांगला आराम मिळेल. लेमन टी प्यायल्यामुळे आपली रोगप्रतिकारक शक्ती मजबूत होते आणि आपण आजारांपासून दूर राहतो.

लेमन टी प्यायल्यामुळे शरीरातील विषारी घटक बाहेर पडतात. या चहात अँटी-बॅक्टेरियल आणि अँटी-व्हायरल गुणधर्म आहेत. तसेच हा चहा एक नैसर्गिक अँटी-सेप्टिक देखील आहे. म्हणुनच हा चहा लोकांना सर्व रोग आणि संक्रमणांपासून दूर ठेवतो. व्यायामासोबत योग्य आहार ठेवला तर वजन नियंत्रणात राहते. त्यामुळे सकाळी उठल्यावर व्यायाम करण्याआधी लेमन टी प्यायल्याने वजन कमी होण्यास मदत होते. तसेच भूकेचेही प्रमाण नियंत्रित राहते.

रोगप्रतिकारक शक्ती चांगली नसेल, तर हवामान बदलल्यामुळे लोकांना त्रास होऊ लागतो. अशा लोकांना हिवाळ्यात ताप, सर्दी, खोकला येणे, घसा खवखवणे, छातीत श्लेष्मा, कफ यासारखे त्रास उद्भवू लागतात. यावर आले आणि लिंबू घातलेला चहा गुणकारी ठरतो. लिंबूयुक्त चहा शरीरातील व्हिटामिन सीची कमतरता पूर्ण करतो. यामुळे त्वचेच्या सर्व समस्यांपासून संरक्षण होते, तसेच त्वचा चमकदार बनते.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Side Effect | केसांना ब्लीच करताय? सावधान…. वाचा काय परिणाम होऊ शकतो

Papaya Seeds Benefit | तुम्ही पपईच्या बिया फेकून देताय…? तर थांबा अगोदर हे वाचा!

(Taking lemon tea helps boost the immune system)