कुठंच नाही तर इथं तरी जा… थंडीच्या दिवसात ही सुंदर ठिकाणे फिराच
तुम्ही फिरायला उत्तम ठिकाण शोधात असाल तर राजस्थान या शहराला भेट द्यायला जाऊ शकता. येथे अतिशय सुंदर आणि ऐतिहासिक स्थळे आहेत.
प्रवासासाठी नोव्हेंबर आणि डिसेंबरचा महिना उत्तम आहे. या महिन्यांमध्ये वातावरणात थंडावा असल्याने तुम्ही बाहेर फिरायला जाण्याचा प्लॅन करू शकता. अशावेळी तुम्ही तुमच्या ट्रिपचा योग्य प्रकारे आनंद घेऊ शकता. तुम्ही फिरायला उत्तम ठिकाण शोधात असाल तर राजस्थान या शहराला भेट द्यायला जाऊ शकता. येथे अतिशय सुंदर आणि ऐतिहासिक स्थळे आहेत. राजस्थान आपल्या भव्य स्थापत्य आणि शाही वारशासाठी प्रसिद्ध आहे. येथे आपण अनेक ऐतिहासिक राजवाडे आणि सुंदर ठिकाणे शोधू शकता. नोव्हेंबर आणि डिसेंबरचे हवामान येथे फिरण्यासाठी योग्य असेल. चला तर मग जाणून घेऊया या सीझनमध्ये तुम्ही राजस्थानमध्ये कोणती ठिकाणे एक्सप्लोर करू शकता.
जयपूर
राजस्थानमधील जयपूरला पिंक सिटी असेही म्हटले जाते. येथे अशी अनेक पर्यटनस्थळे आहेत जिथे देश-विदेशातील लोकं फिरायला येतात. येथे तुम्ही आमेर किल्ला, हवा महल, जंतरमंतर, गलताजी मंदिर, नाहरगड किल्ला, जल महल, जयगड किल्ला, सिटी पॅलेस, रामबाग पॅलेस, पन्ना मीना का कुंड, गातोर, विद्याधर उद्यान, अनोखी म्युझियम ऑफ हँड प्रिंटिंग, राम निवास उद्यान, कनक वृंदावन, ईश्वर लाट, महाराणी की छत्री, सांभर तलाव, सोमेड महल आणि हथिनी कुंड अश्या ठिकाणांना भेट देऊ शकता. याशिवाय शॉपिंगकरीत तुम्ही पिंक सिटी मार्केटमध्ये जाऊ शकता.
उदयपूर
उदयपूरला तलावांचे शहर म्हटले जाते, अरावलीच्या डोंगररांगांनी वेढलेले या शहराचे नैसर्गिक सौंदर्य अतिशय आकर्षक आहे. येथे तुम्हाला तुमच्या जोडीदारासोबत बोटीवर फिरण्याची संधी मिळू शकते. येथे जाण्यासाठी तुम्ही लेक पॅलेस, उदयपूर सिटी पॅलेस, जय मंदिर, सज्जनगड मॉन्सून पॅलेस, फतेहसागर तलाव, पिछोला तलाव, सहेलियन की बारी, दूध तलाई तलाव, जयसमंद तलाव, बागोरे की हवेली आणि उदयपूरच्या अनेक बाजारपेठांना भेट देऊन खरेदी करू शकता.
माउंट आबू
राजस्थानमधील माऊंट आबूलाही तुम्ही भेट देऊ शकता. ही जागा अतिशय सुंदर आहे. येथे तुम्ही नक्की तलाव, माउंट अबू वन्यजीव अभयारण्य, तोड रॉक, अचलगड किल्ला, पीस पार्क, ट्रॅव्हलर्स टँक, हनीमून पॉईंट आणि सनसेट पॉईंट अशी ठिकाणे पाहू शकता. तुम्ही श्री रघुनाथ मंदिर, आधार देवी मंदिर आणि गौमुख मंदिराला भेट देऊ शकता. अशातच येथील माऊंट आबू मार्केट आणि तिबेटियन मार्केटला खरेदीसाठी भेट देता येते.
जैसलमेर
किल्ले आणि हवेलींचे शहर जैसलमेरलाही तुम्ही भेट देऊ शकता. जैसलमेर किल्ला, सॅम सॅंड टीन, डेझर्ट नॅशनल पार्क, गदिसर तलाव, सलीम सिंगची हवेली, सलीम सिंगची हवेली, पटों की हवेली, व्यास छत्री, सॅम सॅंड टीन्स आणि गादी सागर तलाव अशा ठिकाणांना भेट देता येईल.
