सुका मेवा खाणे आरोग्यासाठी चांगले मानले जाते. शरीरातील आवश्यक पोषक तत्वांची कमतरता सुका मेवा भरुन काढतात. तुम्ही सुका मेवा खात असाल तर रोज अक्रोड नक्की खा. अक्रोड खाल्ल्याने रोगप्रतिकारशक्ती मजबूत होते आणि त्यात आढळणारे ओमेगा-३ फॅटी ॲसिड हृदयाला निरोगी बनवतात. अक्रोड खाल्ल्याने मेंदू तीक्ष्ण आणि सक्रिय होतो. उन्हाळ्यात अक्रोड पाण्यात भिजवून खावे. यामुळे अक्रोड अधिक पौष्टिक बनते आणि उष्णता दूर होते.
तुम्ही रोज 2-3 अक्रोड खाऊ शकता. मुलांना दररोज एक अक्रोड तुम्ही देऊ शकता. जास्त अक्रोड खाल्ल्याने समस्या निर्माण होऊ शकतात.
उन्हाळ्यात भिजवलेले अक्रोड खावे. यामुळे उष्णता दूर होते आणि पौष्टिक घटक वाढतात. अक्रोड रात्रभर स्वच्छ पाण्यात भिजवून ठेवा आणि सकाळी भिजवलेले अक्रोड खा. मात्र, हिवाळ्यात तुम्ही अक्रोड न भिजवता खाऊ शकता.
अक्रोडमध्ये ओमेगा-३ फॅटी ॲसिड असते. याशिवाय अक्रोडमध्ये लोह, फॉस्फरस, तांबे, प्रथिने, कॅल्शियम, मॅग्नेशियम आणि सेलेनियम यांसारख्या पोषक तत्वांचा समावेश असतो.
रोज अक्रोड खाल्ल्याने मेंदू तीक्ष्ण होतो. अक्रोड खाल्ल्याने स्मरणशक्ती वाढते. अक्रोडमध्ये अँटी-ऑक्सिडंट्स आढळतात जे हृदयासाठीही फायदेशीर असतात. अक्रोड तणाव दूर करण्यास मदत करते. यामुळे झोप सुधारण्यास मदत करते. रक्तदाब नियंत्रित राहण्यासही मदत होते. अक्रोड खराब कोलेस्ट्रॉल कमी करण्यास मदत करते.