मेरी बहन को मारा म्हणत चाकूनेच भोसकलं, औरंगाबादमधील कॅन्सर हॉस्पिटलचे डॉक्टर गंभीर जखमी!

प्रातिनिधिक छायाचित्र

औरंगाबादः शहरातील शासकीय कर्करोग रुग्णालयातील डॉक्टरच्या घरात घुसून त्यांच्यावर एकाने प्राणघातक (knife attack) हल्ला केला. यात सदर डॉक्टर गंभीर जखमी झाले. कॅनॉट प्लेस परिसरातील एका अपार्टमेंटमध्ये मंगळवारी रात्री ही घटना घडली. डॉक्टरांवर खासगी रुग्णालयात उपचार सुरु आहेत.घटनेची माहिती मिळताच सिडको पोलीस ठाण्याचे अधिकारी, कर्मचारी घटनास्थळी दाखल झाले. तोपर्यंत डॉ. राफे यांना उपचारासाठी खासगी रुग्णालयात दाखल करण्यात आले.

पोट दुखत असल्याचा बहाणा करून आत घुसला

पोलिसांनी या प्रकरणी दिलेल्या माहितीनुसार, शासकीय कर्करोग रुग्णालय येथे कार्यरत असलेले डॉक्टर अब्दुल राफे हे कॅनॉट भागातील अपार्टमेंटमध्ये राहतात. ते नेहमीप्रमाणे कामावरून घरी आले. काही वेळाने त्यांच्या घरी एक व्यक्ती पोट दुखण्याच्या बहाण्याने आली. डॉक्टरांकडून चिठ्ठीवर गोळ्यांची नावे लिहून घेतली. त्या गोळ्या-औषधी दाखवण्यासाठी आत आला. डॉक्टर गोळ्या कशा पद्धतीने घ्यायच्या हे सांगत असतानाच डॉक्टर अब्दुल राफे यांच्या पोटात चाकू खुपसला.

मेरी बहन को मारा म्हणत पळून गेला

अचानक चाकू हल्ला झाल्यामुळे या घटनेत डॉक्टर गंभीर जखमी झाले. हल्लेखोर घरातून पळून जात असताना परिसरातील नागरिकांनी त्याला पकडले. तेव्हा त्याने इसने मेरी बहन को मारा म्हणत हाताला झटका देत पळ काढला. सदर आरोपीची दुचाकी अपार्टमेंटच्या खालीच राहिली. घटनेची माहिती मिळताच सिडको पोलीस ठाण्याचे अधिकारी, कर्मचारी घटनास्थळी दाखल झाले. तोपर्यंत डॉ. राफे यांना उपचारासाठी खासगी रुग्णालयात दाखल करण्यात आले. ही दुचाकी कर्नाटकातील गुलबर्गा येथील असल्याची प्राथमिक माहिती मिळाली आहे.

इतर बातम्या

VIDEO: लष्कराचे हेलिकॉप्टरला कोसळताच भीषण आग, झाडेही कापली; पाहा व्हिडीओंमधून अपघाताची भीषणता

अनिल परबांच्या अडचणी वाढल्या, दापोलीतील रिसॉर्टच्या जागेचा बिगरशेती परवाना रद्द!