निवडणुकीआधी धर्मवीर टू सिनेमावरुन प्रचाराआधीचा शाब्दिक ट्रेलर सुरु
- धर्मवीर टू चित्रपटाच्या ग्रँड प्रिमियर सोहळ्याला उपमुख्यमंत्री फडणवीसांनी हजेरी लावली आणि आता धर्मवीर 3 जेव्हा येईल तेव्हा त्याची पटकथा मी लिहिणार हेही फडणवीसांनी सांगितलं.
- फडणवीसांनी धर्मवीर तीनची पटकथा लिहिणार असल्याचं म्हणताच राऊतांनी अमित शाहांवरुन निशाणा साधला. महाराष्ट्र लुटायला जे औरंगजेब येत आहेत, त्यांच्यावर फडणवीसांनी चित्रपट काढावा अशी टीका राऊतांनी केली.
- दिवंगत धर्मवीर आनंद दिघेंच्या आयुष्यावर आधारित धर्मवीर चित्रपट मे 2022 मध्ये आला होता. ज्यात दिघेंनी ठाण्यात वाढवलेली शिवसेना आणि सर्वसामान्यांना कसा न्याय दिला हे दाखवलं होतं. आता धर्मवीर 2 मध्ये, हिंदुत्वावरुन डायलॉग असून एकनाथ शिंदेंनाही खास भूमिका आहे.
- धर्मवीर टू चित्रपटासाठी ऐन निवडणुकीचं टायमिंग साधण्यात आलंय. त्यातच फडणवीस धर्मवीर 3 वर भाष्य केल्यानं राऊतांनी अमित शाहांकडे मोर्चा वळवला.
- महाराष्ट्राच्या राजकारणात गेल्या साडे 4 वर्षात वेगवेगळे एपिसोड आलेत…त्यावरुन रोज टीकेचे बाण सुटत असतात…आता निवडणुकीआधी धर्मवीर टू सिनेमावरुन प्रचाराआधीचा शाब्दिक ट्रेलर सुरु झालाय…