भला मोठा प्राणी गिळंकृत, 12 फुटी अजगराचे प्राण संकटात, सर्पमित्रांनी जिकरीने रेस्क्यु ऑपरेशन राबवले
बुलडाणा तालुक्यातील पिंपळगाव सराई परिसरात बारा फूट लांबीचा अजगर आढळल्याने एकच खळबळ उडाली होती. मात्र, हा अजगर त्यावेळी संकटात होता. भला मोठा प्राणी गिळंकृत केल्याने त्याचे आयुष्य संकटात पडले होते. सर्पमित्रांनी मदतीला धावून येत या 12 फुटाच्या अजगराचे मोठ्या जिकरीने प्राण वाचवले आहे. त्यानंतर या अजगराला ज्ञानगंगा अभ्यारण्यात सोडण्यात आले.
बुलडाणा : बुलडाणा तालुक्यातील पिंपळगाव सराई परिसरात बारा फूट लांबीचा अजगर आढळल्याने एकच खळबळ उडाली होती. मात्र, हा अजगर त्यावेळी संकटात होता. भला मोठा प्राणी गिळंकृत केल्याने त्याचे आयुष्य संकटात पडले होते. सर्पमित्रांनी मदतीला धावून येत या 12 फुटाच्या अजगराचे मोठ्या जिकरीने प्राण वाचवले आहे. त्यानंतर या अजगराला ज्ञानगंगा अभ्यारण्यात सोडण्यात आले.
Buldhana Python Rescue
नेमकं काय घडलं?
बुलडाण्यातील पिंपळगाव सराई येथील विष्णू तरमळे यांच्या शेतात सोमवारी सायंकाळच्या सुमारास हरभऱ्यामध्ये बारा फूट लांबीचा आणि जवळपास 40 किलो वजनाचा अजगर आढळून आला. अजगर दिसल्याचं कळताच संपूर्ण परिसरात भीतीचे वातावरण निर्माण झाले होते.
त्यानंतर रायपूर येथील सर्पमित्रांना संपर्क करण्यात आला. या अजगराला रायपूर येथील सर्पमित्र संदीप कांबळेंसह त्यांच्या सहकाऱ्यांनी शेतामध्ये जाऊन मोठ्या जिकरीने त्या अजगराला पकडले. मात्र, यावेळी त्यांच्या लक्षात आलं की या अजगराने काहीतरी गिळले आहे, ज्यामुळे त्याला त्रास होतोय.
अजगराने काही तरी गिळल्याने तो एकाच ठिकाणी स्थिर होता आणि त्याचे पोट ही फुगलेले होते. सर्पमित्रांना कळाले की अजगराचे प्राण संकटात आहेत. त्यांनी तात्काळ अजगराच्या पोटातून मृत अवस्थेतील प्राण्याला बाहेर काढले आणि अगजराला जीवन दान दिले.
त्यानंतर सर्पमित्र त्या अजगराला पकडून ज्ञानगंगा अभ्यारण्यात सोडण्यात येणार असल्याचे सांगितले. पिंपळगाव सराई परिसरात एवढा मोठा अजगर दिसण्याची ही पहिलीच घटना असल्यामुळे अजगराला पाहण्यासाठी नागरिकांची मोठी गर्दी याठिकाणी जमली होती.
संबंधित बातम्या :
Video: पिलांच्या रक्षणासाठी आई काय करते पाहा, मादा अजगराचा व्हिडीओ तुफान व्हायरल!
Video: नदीत उडी मारुन सापाला असं पकडलं की, जसं तो एक खेळणं आहे, मुलाचा व्हिडीओ व्हायरल
