‘कैसा सीधा साधा…मैं कैसा भोला भला…’ गाण्यावर आमदाराचा भन्नाट डान्स, व्हिडिओ तुफान व्हायरल

prashant bumb

लोकप्रतिनिधी नेहमी कार्यकर्त्यांच्या गराड्यात दिसतात. कधीतरी गणेश उत्सव किंवा इतर एखाद्या मिरवणुकीत ठेकाही ते धरतात. परंतु एखाद्या गाण्यावर भन्नाट डान्स करणारे आमदार विरळच. भारतीय जनता पक्षाचे आमदार प्रशांत बंब अधूनमधून चर्चेत असतात. आता एका गाण्यावर त्यांनी केलेला डान्सचा व्हिडिओ व्हायरल झाला आहे. ‘डॉन ‘ या चित्रपटातील ‘छोरा गंगा किनारे वाला’ या बॉलीवूडमधील गाण्यावर प्रशांत बंब यांनी डान्स केला. चित्रपटात अमिताभ बच्चन यांनी या गाण्यावर डान्स केले होते.

कार्यकर्त्यांच्या स्नेह मेळाव्यात डान्स

प्रशांत बंब यांचा डान्स करतानाचा व्हिडिओ व्हायरल झाला आहे. ‘खाई के पान बनारस वाला’ या गाण्यावर प्रशांत बंब थिरकले. कार्यकर्त्यांच्या स्नेह मेळाव्यात प्रशांत बंब यांचा हटके अंदाज प्रथमच दिसून आला. त्यांच्या डान्सचा हा व्हिडिओ सोशल मीडियावर चांगलाच व्हायरल झाला आहे. त्यावर अनेक प्रतिक्रिया व्यक्त केल्या जात आहे.

एमबीए केल्यानंतर राजकारणात

छत्रपती संभाजीनगर जिल्ह्यातील गंगापूर विधानसभा मतदार संघातील आमदार प्रशांत बंब हे अधूनमधून चर्चेत येतात. घरात कोणतीही राजकीय पार्श्वभूमी नसताना राजकारणात त्यांनी पाऊल ठेवले. त्यांनी एमबीए केल्यानंतर एखाद्या कंपनीचे व्यवस्थापन करण्याऐवजी राजकारण सुरु केले. 2002मध्ये लासूर स्टेशन ग्रामपंचायत सदस्य, उपसरपंच, सरपंच, जिल्हा परिषद सदस्य, 2005मध्ये जिल्हा परिषदेच्या अर्थ व बांधकाम समितीचे सभापतीपद आदी पदे त्यांनी भूषविली आहेत. 2009, 2014 आणि 2019मध्ये ते सलग तीन वेळा विधानसभेवर निवडून आले आहेत.

मुलीच्या लग्नात केला होता भन्नाट डान्स

प्रशांत बंब यांनी त्यांचे मुलीचे लग्न साध्या पद्धतीने केले होते. त्यांची मुलगी बघायला ज्या दिवशी मुलगा आला त्याच दिवशी तिचे लग्न लावण्यात आले. केवळ 100 जणांचा उपस्थितीत साध्या पद्धतीने हे लग्न झाले होते. त्या लग्नात त्यांनी धमाकेदार डान्स केला होता. तो ही चर्चेचा विषय ठरला होता. त्यानंतर आता कार्यकर्त्यांच्या स्नेह मेळाव्यात प्रशांत बंब यांनी तुफान डान्स केला.