Dombivali Assembly election : भाजपच्या बालेकिल्ल्यात रवींद्र चव्हाण यांना कोण देणार तगडं आव्हान

२०१४ च्या विधानसभा निवडणुकीत डोंबिवली मतदारसंघात अनेक जण उभे होते. पण २०१९ मध्येही भाजप, काँग्रेस आणि मनसे अशी तिहेरी लढत झाली होती. आता पुन्हा एकदा महायुतीचे उमेदवार रविंद्र चव्हाण या मतदारसंघातून निवडणूक लढवत आहेत. रवींद्र चव्हाण हे देवेंद्र फडणवीस यांचं अत्यंत जवळचे सहकारी आहेत. राज्याच्या मंत्रिमंडळात ते मंत्री देखील आहेत. गेल्या तीन निवडणुकीत त्यांनी विजय मिळवला आहे आणि आता चौथ्यांदा ते रिंगणात आहेत. डोंबिवलीत अनेक विकास कामे रखडली आहेत. त्यामुळे यंदा त्यांना काहीसा फटका बसू शकतो. पण तरी देखील महाविकासआघाडीला उमेदवाराला येथे टफ फाईट देण्यासाठी मेहनत घ्यावी लागणार आहे.

महाविकास आघाडीकडून दीपेश म्हात्रे हे निवडणुकीच्या रिंगणात आहेत. ही निवडणूक त्यांच्यासाठी नक्कीच कठीण आहे. कारण त्यांच्यासमोर भाजपच्या रवींद्र चव्हाण यांचं तगडं आव्हान आहे. हा मतदारसंघ भाजपाचा पारंपरिक मतदारसंघ आहे. त्यामुळे भाजपच्या या बालेकिल्ल्यात जर सुरुंग लावायचा असेल तर महाविकास आघाडीला भरपूर प्रयत्न करावे लागणार आहेत. २०१९ मध्ये रवींद्र चव्हाण यांना मनसेचे श्रीकांत हळबे यांनी चांगली टक्कर दिली होती. श्रीकांत हळबे यांना ४१ हजार ३११ मते तर रवींद्र चव्हाण यांना ८३ हजार ८७२ मते मिळाली होती. पण यंदा मनसेने येथे आपला उमेदवार दिलेला नाही.

डोंबिवलीत मनसेच्या मतदारांची संख्या देखील भरपूर आहे. त्यामुळे मनसे नेते डोंबिवलीत ठाकरे गटाचे उमेदवार दीपेश म्हात्रे यांना मतदान न करण्याचं आवाहन करत आहेत. पण यामुळे कल्याण ग्रामीण मतदारसंघात समीकरणं बदलू शकतात. कारण मनसेचे आमदार राजू पाटील आणि रवींद्र चव्हाण यांच्यात मैत्रिपूर्ण संबंध आहेत. मनसेने डोंबिवलीत तसाही उमेदवार दिलेला नाही. त्यामुळे मनसेने येथे रवींद्र चव्हाण यांना मदत केली तर भाजप देखील कल्याण ग्रामीणमध्ये मनसेला मदत करु शकते. त्यामुळे कल्याण ग्रामीणमध्ये शिंदे गटाने नेते सावध झाले आहेत.

२०१९ मध्ये कल्याण ग्रामीणमधील विद्यमान आमदार सुभाष भोईर यांची उमेदवारी बदलून शिवसेनेने रमेश सुकऱ्या म्हात्रे यांना उमेदवारी दिली होती. कारण सुभाष भोईर यांना श्रीकांत शिंदे यांचा विरोध होता. भोईर यांची उमेदवारी बदलली राजकीय समिकरण राजू पाटील यांच्या बाजूने बदलले. २७ गावं आणि आगरी नेते हे यांचा देखील पाठिंबा रवींद्र चव्हाण यांना मिळू शकतो. मनसेने डोंबिवलीत उमेदवार न देता त्याचे संकेत आधीच दिले आहेत.

डोंबिवलीत रवींद्र चव्हाण यांच्या विरोधात श्रीकांत शिंदे यांचे एकेकाळचे समर्थक दिपेश म्हात्रे रिंगणात आहेत. दिपेश म्हात्रे यांच्या बंडखोरीमुळे अनेकांच्या भुवया उंचावल्या आहेत. मनसेकडून प्रल्हाद म्हात्रे हे इच्छुक होते. म्हात्रे यांना मानणारा मोठा मतदार डोंबिवलीत आहे. मनसेने येथे उमेदवार न देता केलेल्या मदतीची परतफेड कल्याण ग्रामीण मध्ये होण्याची शक्यता आहे. ठाणे जिल्ह्यात भाजपचा शिंदे पिता-पुत्रांंना विरोध आहे.

२०१९ च्या आकडेवारीनुसार या मतदारसंघात ३ लाख ३८ हजार ३३० मतदार आहेत. ज्यामध्ये १ लाख ७४ हजार ५४४ पुरुष मतदार आणि १ लाख ६३ हजार ७३४ महिला मतदार आहेत.

२०१९ चा निकाल

२०१४ चा निकाल

२००९ चा निकाल