शरद पवारांच्या दोन निकटवर्तीयांना ईडीची नोटीस, सोमय्यांचा दावा; अजित पवारांबद्दल मात्र यू टर्न
शरद पवारांचा उजवा आणि डावा हात जगदीश कदमांना ईडीनं दोन नोटीस पाठवली आहे. 100 कोटीची वसुली कशी केली, याचा हिशेब राजेंद्र पाटोळे आणि जगदीश कदमांनी दिला आहे. मग पवारांना त्याची भीती आहे का, त्यांना नेमकी कोणाची काळजी आहे, असा सवाल सोमय्यांनी केला.
मुंबईः अजित पवारांना अटक होणार, ते जेलमध्ये जाणार असा छातीठोक दावा करणारे भाजप नेते किरीट सोमय्यांनी रविवारी आपल्याच विधानावरून यू टर्न घेतल्याचे पाहायला मिळाले. जेलमध्ये जाणे म्हणजे कारवाई होणे, असा शोध लावत त्यांनी शब्दशः अर्थ घेऊ नका, असे आवाहन केले. मात्र, शरद पवारांच्या दोन निकटवर्तीयांना नोटीस दिल्याचा दावा त्यांनी केला. शिवाय शरद पवारांना नेमकी कशाची भीती वाटतेय, असा सवालही सोमय्यांनी केला.
पवारांना भीती कशाची?
ठाकरे सरकार पेट्रोलचे दर कधी कमी करणार आहे, असा सवाल सोमय्यांनी केला. महाराष्ट्रात लिटरमागे 30 रुपये ठाकरे सरकार घेत आहे. दारूवर 0 टक्के कमी करा. मात्र, पेट्रोलवरील 50 टक्के टॅक्स कमी करावा, अशी मागणी त्यांनी केली. यावेळी त्यांनी शरद पवारांवरही शरसंधाण साधले. ते म्हणाले, पवारांना एवढे प्रेम अजित पवारांबद्दल उफाळून आले आहे की, अनिल देशमुखांबद्दल. कंपन्यांच्या धाडीनंतर 1 हजार 50 कोटीची रक्कम बाहेर आली आहे. पवारांचा उजवा आणि डावा हात जगदीश कदमांना ईडीनं दोन नोटीस पाठवली आहे. 100 कोटीची वसुली कशी केली, याचा हिशेब राजेंद्र पाटोळे आणि जगदीश कदमांनी दिला आहे. मग पवारांना त्याची भीती आहे का, त्यांना नेमकी कोणाची काळजी आहे, असा सवाल सोमय्यांनी केला.
जेलमध्ये जाणे म्हणजे कारवाई होणे
अजित पवार जेलमध्ये जाणार का, असे विचारले असता सोमय्यांनी यू टर्न घेतला. ते म्हणाले, जेलमध्ये जाणे म्हणजे कारवाई होणे. प्रताप सरनाईक जेलमध्ये गेले नाहीत, पण त्यांची 78 एकर जमीन जप्त झाली ना. आपण शब्दप्रयोग वापरतो. सगळेच जेलमध्ये जात नसतात आणि जेलही टाकत नसते, असे सांगायला ते विसरले नाहीत.
अडसूळ, खोतकरांवरही निशाणा
सोमय्या म्हणाले, चोरी केली नाही तर आनंद अडसूळ का लपून बसलेत. आता मी आणखी एक नाव वाढवत आहे. मी अर्जुन खोतकरांच्या जालना सहकारी साखर कारखान्याचा घोटाळा बाहेर काढला आहे. खोतकरांनी स्पष्टीकरण दिलेय की त्याचा आणि माझा संबंध काय. मात्र, माझ्याकडे त्याची कागदपत्रे आहेत, असा दावाही त्यांनी केला.
Nashik: साहित्य संमेलनाचे उद्घाटन साहित्यिक विश्वास पाटील, गीतकार जावेद अख्तर, मुख्यमंत्र्यांच्या हस्ते होणारhttps://t.co/uuaiLJG8bv#Nashik|#SahityaSammelan|#ChiefMinisterUddhavThackeray|#GuardianMinisterChhaganBhujbal|#NovelistVishwasPatil|#LyricistJavedAkhtar
— TV9 Marathi (@TV9Marathi) November 21, 2021
इतर बातम्याः
Nashik: विद्या असूनही मती गेली, डॉक्टर नववधूच्या Virginity Testचा प्रयत्न, नवरा मर्चंट नेव्हीमध्ये!