Jalgaon Gold And Silver : अर्थसंकल्पानंतर प्रथमच जळगावच्या सराफ बाजारात सोने ७२ हजारांच्या पुढे, इतका वाढला भाव, चांदीने घेतली भरारी

जळगावमध्ये सोने ७२ हजारांच्या घरात

सीमाशुल्क कपातीच्या घोषणेनंतर घसरण झालेल्या सोन्याच्या भावात पुन्हा वाढ सुरू होऊन शनिवारी सोने एक हजार ६०० रुपयांनी वधारले. त्यामुळे अर्थसंकल्पानंतर २५ दिवसांनी सोने पुन्हा एकदा ७२ हजार ३०० रुपये प्रति तोळ्यावर पोहचले आहे. चांदीच्याही भावात शनिवारी एक हजार ५०० रुपयांची वाढ होऊन ती ८४ हजार ५०० रुपये प्रति किलोवर पोहोचली आहे.

गेल्या आठवड्यापासून दरवाढीचे सत्र

गेल्या आठवड्यापासून हे भाव पुन्हा वाढू लागले. त्यात अमेरिकेतील बँकांची स्थिती व इतर आंतरराष्ट्रीय घडामोडींचा परिणाम होऊन शनिवारी सोन्याच्या भावात थेट एक हजार ६०० रुपयांची वाढ होऊन ते ७२ हजार ३०० रुपयांवर पोहोचले. यापूर्वी २३ जुलै रोजी सकाळी सोने ७२ हजार १०० रुपयांवर होते. दुसरीकडे ८३ हजारांवर असलेल्या चांदीच्या भावात शनिवारी एक हजार ५०० रुपयांची वाढ झाल्याने ती ८४ हजार ५०० रुपये प्रति किलोवर पोहोचली. अमेरिकेतील बँकांची स्थिती व इतर आंतरराष्ट्रीय घडामोडींचा परिणाम झाल्याने सोने चांदीची दरात वाढ झाल्याची सराफ व्यावसायीकांनी माहिती दिली.

१४ ते २४ कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), २४ कॅरेट सोने ७०६४, २३ कॅरेट ७०,३२१, २२ कॅरेट सोने ६४,६७३ रुपयांवर घसरले. १८ कॅरेट आता ५२,९५३ रुपये, १४ कॅरेट सोने ४१,३०३ रुपये प्रति १० ग्रॅमवर आहे. एक किलो चांदीचा भाव ८१,५१० रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक ८९५५६६४४३३ या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.