Kolhapur North By Election 2022 : चंद्रकांतदादांनी खरोखरच हिमालयात जावं, मीही सोबत येईल; जयंत पाटलांनी उडवली खिल्ली
Kolhapur North By Election 2022 : कोल्हापूर उत्तर विधानसभा पोटनिवडणुकीचा निकाल महाआघाडीच्या बाजूने लागला. त्याचा आनंद आहे. महाविकास आघाडीने एकसंघ पद्धतीने काम केलं. पुरोगामित्वाकडे महाराष्ट्र झुकलेला आहे, याचे द्योतक हा निकाल आहे.
पुणे: कोल्हापूर उत्तर विधानसभा पोटनिवडणुकीचा (Kolhapur North Election Result) निकाल महाआघाडीच्या बाजूने लागला. त्याचा आनंद आहे. महाविकास आघाडीने एकसंघ पद्धतीने काम केलं. पुरोगामित्वाकडे महाराष्ट्र झुकलेला आहे, याचे द्योतक हा निकाल आहे. करवीर नगरीने दिलेला निकाल मार्गदर्शक आहे. राज्यात जातीय तेढ निर्माण करण्याचे काम काही लोक करतात त्यांना चपराक मिळाली आहे. कार्यकर्त्यांच्या कामामुळे विजय झाला. पराभव एका मताने केला काय आणि हजाराने केला काय, पराभव हा पराभव असतो. चंद्रकांत दादांना (chandrakant patil) हाही मतदार संघ सोडावा लागेल असं वाटतंय. इतकी आपुलकी इथे दिसतेय. ही संधी होती निवडणुकीला उभं राहायची, असं सांगतानाच चंद्रकांतदादांनी खरोखरच हिमालयात जावं. मी त्यांच्याबरोबर जाऊन येईल. काय कसं? कुठं ते बघायला. दादांचे आणि माझे सलोख्याचे संबंध आहेत. दादा जाणार असतील तर मीही जाईन. माझी ही इच्छा आहे हिमालयात जाण्याची, असा टोला राष्ट्रवादीचे प्रदेशाध्यक्ष जयंत पाटील (jayant patil) यांनी लगावला.
कोल्हापूर उत्तर विधानसभा पोटनिवडणुकीत महाविकास आघाडीच्या उमेदवार जयश्री जाधव यांचा विजय झाल्यानंतर ते मीडियाशी बोलत होते. धुळ्यात जी घटना झाली ती मुद्दाम दंगल झाली. महाविकास आघाडीचे आमदार, पक्ष फोडायचे काम झाले. आता दंगल घडवून सरकार अस्थिर करण्याचे प्रयत्न सुरुय. पण आम्ही खंबीर आहोत, असं जयंत पाटील म्हणाले.
आमच्यात हिंदुत्वाचा भाग आहे
प्रत्येकाची श्रध्दा असते. आमचीही रामावर श्रद्धा आहे. आमच्यात हिंदुत्वाचा भाग आहे तो आहेच. पण दुसऱ्या धर्माचा द्वेष करत नाही. फुले, शाहू, आंबेडकरांचे विचार आमच्यावर आहे, असं सांगतानाच 30 वर्ष यांना हनुमान चालीसा आठवला का नाही? असा सवाल त्यांनी केला.
चड्डी घेऊन फिरत होता तेव्हाच्या गोष्टी
भाजप जे सांगताहेत ते हे करताहेत. तिकडे ओवेसी बोलतात. थोड्या दिवसाने ओवेसी पिक्चरमध्ये येतील. या राज्यात तणाव निर्माण करण्याचा आणि त्या पुढे जाऊन काही तरी अघटीत घडवण्याचा या प्रयत्नांची सुरुवात आहे, असा संशयही त्यांनी व्यक्त केला. शरद पवारांवर बोलणं किंवा जुन्या गोष्टी उकरुन काढणं म्हणजे ते चड्डी घालून जेव्हा फिरत होते तेव्हाच्या गोष्टी सांगताहेत, असा हल्लाबोलही त्यांनी केला.
संबंधित बातम्या: