Lata Mangeshkar Health Update : प्रकृतीत सुधारणा, पण डिस्चार्ज कधी? लतादीदींबाबत आता डॉक्टरांनी काय म्हटलं?

लता मंगेशकर

मुंबई : गानसम्राज्ञी लता मंगेशकर (Lata Mangeshkar) यांच्या प्रकृतीत सुधारणा होत असल्याचं पाहायला मिळत आहे. मंगेशकर यांची प्रकृती सुधारल्यानं व्हेंटिलेटर काढण्यात आलां असून त्यांना ऑक्सिजनवर ठेवण्यात आल्याची माहिती आरोग्यमंत्री राजेश टोपे (Rajesh Tope) यांनी काल दिली होती. त्यानंतर आता लता दीदींवर उपचार सुरु आहेत. मात्र, त्यांना रुग्णालयातून डिस्चार्ज कधी मिळेल हे सांगणं कठीण असल्याचं ब्रिच कँडी रुग्णालयाचे (Birch Candy Hospital) डॉक्टर प्रतीत समदानी यांनी सांगितलं. दरम्यान, कोरोना (Corona) आणि न्यूमोनियातून लता मंगेशकर बऱ्या झाल्याची माहिती राजेश टोपे यांनी काल दिली. एएनआय या वृत्तसंस्थेनं यासंदर्भात ट्विट केलं आहे. लता मंगेशकर यांच्या तब्बेतीबाबत माहिती घेण्यासाठी ब्रिच कँडी रुग्णालयातील डॉक्टरांबरोर बोलून राजेश टोपे यांनी ही महत्वपूर्ण माहिती दिली आहे. लता मंगेशकर कोरोनातून आणि न्यूमोनियातून बऱ्या झाल्यानं त्यांच्या प्रकृतीत सुधारणा व्हावी यासाठी प्रार्थना करणाऱ्या चाहत्यांसाठी ही दिलासादायक बातमी म्हणावी लागेल.

लता मंगेशकर यांच्या ट्विटर हँडलवरुन प्रकृतीसंदर्भात माहिती

लता मंगेशकर यांच्या ट्विटरवर हँडलवरून 27 जानेवारीला त्यांच्या चाहत्यांना सांगण्यात आले होते की, त्यांच्या तब्बेतीत हळूहळू सुधारणा होत असून त्या डॉक्टरांच्या देखरेखीखाली उपचार घेत आहेत. त्यावेळी त्यांना लावण्यात आलेला व्हेंटिलेटरही काढण्यात आले होते. त्यांची काळजी घेण्यासाठी डॉ. प्रतीत सामदानी आणि त्यांची टीम काम करीत आहे.

याआधीही नोव्हेंबर २०१९ मध्ये लतादीदींना श्वास घेण्यास त्रास होत असल्याने रुग्णालयात दाखल करण्यात आले होते. यावेळी त्यांना न्युमोनियाची लागण झाली होती. त्यावेळी त्यांना २८ दिवसांनी डिस्चार्ज देण्यात आला होता.

इतर बातम्या : 

आरटीई 25 टक्के प्रवेश प्रक्रियेसाठीचे अर्ज 16 फेब्रुवारी पासून भरता येणार, शालेय शिक्षणमंत्र्यांची माहिती

‘उद्दिष्टपूर्तीची दिशा हरवलेला अर्थसंकल्प, नोकरदार आणि सर्वसामान्यांचा अपेक्षाभंग’, मुख्यमंत्र्यांची जोरदार टीका