Maharashtra Assembly Session 18 July 2023 | किरीट सोमय्या प्रकरण, महिलेची ओळख फक्त पोलिसांना सांगितली जाणार

| “आतापर्यंत पैशाच्या खंडणी बद्दल ऐकलं आहे ही सेक्स खंडणी आहे का? कालच्या व्हिडिओच्या माध्यमातून बरच काही बाहेर आलय. हे प्रकरण गंभीर आहे” वाचा सविस्तर….

सभागृहात काँग्रेस नेते, आमदार बाळासाहेब थोरात यांचं भाषण सुरु आहे. ते शेतकऱ्यांचे मुद्दे मांडत आहेत. LIVE पाहा

जो दुसऱ्यांसाठी खड्डा खणतो, एक दिवस तोच त्या खड्ड्यात पडतो. किरीट सोमय्यांवर नाना पटोलेंची प्रतिक्रीया. उद्यापर्यंत राज्याला विरोधी पक्षनेता मिळेल. काँग्रेस कोकणवासीयांच्या पाठीशी आहे. सरकारने लोकांचा आवाज ऐकावा. काँग्रेसचे प्रदेशाध्यक्ष नाना पटोलेंनी कोकणवासीयांच्या आंदोलनाला दिली भेट.

सभागृहात किरीट सोमय्याच्या व्हिडिओवर काय म्हणाले देवेंद्र फडणवीस?. आज विधिमंडळाच्या सभागृहात या कथित व्हिडिओचे पडसाद उमटले. अंबादास दानवे आणि अनिल परब यांनी सभागृहात हा विषय लावून धरला. वाचा सविस्तर….

किरीट सोमय्या यांच्या कथित अश्लील व्हिडिओ विषयावर विधिमंडळ सभागृहात चर्चा सुरु आहे. पाहा LIVE

“विरोधी पक्ष एकत्र जमायचे आणि जनभावनेचा सन्मान व्हायचा. फोडाफोडीच्या राजकारणाला जनता वैतागली आहे” असं जितेंद्र आव्हाड म्हणाले. “पवार साहेबांनी आपली भूमिका कृतीतून दाखवली आहे. विरोधी पक्षाच्या बैठकीला गेले. प्रत्येक गोष्ट तोंडाने बोलायची नसते. ओरिजनल पक्ष पवार साहेबांचा आहे. ते मनधरणी का करत आहेत, हे मला माहीत नाही” असं जितेंद्र आव्हाड म्हणाले.

विरोधी पक्षांच्या बैठकीत शरद पवार उपस्थित आहेत. या बैठकीतले फोटो त्यांनी फेसबुकवर शेअर केलेत आणि या बैठकीची माहिती दिली आहे.

शरद पवार यांची फेसबुक पोस्ट

आज बेंगळूरू येथे विरोध पक्षांच्या बैठकीसाठी उपस्थित राहिलो . यावेळी काँग्रेस राष्ट्रीय अध्यक्ष खा. मल्लिकार्जुन खरगे, काँग्रेस नेते राहुल गांधी, पश्चिम बंगालच्या मुख्यमंत्री ममता बॅनर्जी, बिहारचे मुख्यमंत्री नितीश कुमार, माजी मुख्यमंत्री लालूप्रसाद यादव, दिल्लीचे मुख्यमंत्री अरविंद केजरीवाल, सिपीआय नेते सीताराम येचुरी, समाजवादी पक्षाचे राष्ट्रीय अध्यक्ष माजी मुख्यमंत्री अखिलेश यादव, अखिल भारतीय तृणमूल काँग्रेसचे नेते खा. डेरेक ओ ब्रायन आणि विविध विरोधी पक्षांच्या मान्यवरांसोबत भेटीगाठी झाल्या. यावेळी उपस्थित सर्व नेत्यांकडून एकत्र लढू आणि जिंकू असा निर्धार करण्यात आला.

आज बंगळुरुमध्ये काँग्रेसच्या नेतृत्वाखाली विरोधी पक्षांची मोठी बैठक होत आहे. या बैठकीला राष्ट्रवादी काँग्रेसचे अध्यक्ष शरद पवार उपस्थित आहेत. त्यांनी एक फेसबुक पोस्ट केली आहे.

महाराष्ट्र विधानसभेच्या पावसाळी अधिवेशनाचा आज दुसरा दिवस आहे. विधानसभेत सुरु असलेल कामकाज LIVE पाहा.

“किरीट सोमय्या यांच्याबाबत कुठल्याही महिलेने कुठलीही तक्रार केलेली नाहीये आणि त्यामुळे हे अत्यंत खालच्या पातळीचे राजकारण सुरू असल्याचा आमच्या थेट आरोप आहे. कुठल्या महिलेचा त्यावर काही आक्षेप नाहीये. कुठली तक्रार प्राप्त नाहीये. केवळ आणि केवळ त्यांना बदनाम करण्याचे कारस्थान आहे” असं शिवसेनेचे प्रवक्ते संजय शिरसाठ यांनी म्हटलं आहे.

महाराष्ट्र विधानसभेच्या पावसाळी अधिवेशनाचा आज दुसरा दिवस आहे. विधानसभेत सुरु असलेल कामकाज LIVE पाहा.

शिवसेना ठाकरे गटाचं किरीट सोमेय्या यांच्या विरोधात नाशिकमध्ये आंदोलन

पंचवटी करंजावर शिवसैनिकांनी केलं आंदोलन

किरीट सोमेय्यांच्या फोटोला मारल्या लाथा

सोमेय्यांच्या कथित व्हिडियो व्हायरल झाल्यानंतर शिवसैनिक आक्रमक

किरीट सोमय्या यांनी माझी चौकशी करा, असं देवेंद्र फडणवीस यांना पत्र दिलं आहे. किरीट सोमय्या सातत्याने ईडी, सीबीआय चौकशीची मागणी करत होते. याच किरीट सोमय्यांच्या मागणीप्रमाणे तुम्ही त्यांची चौकशी ईडी, सीबीआयकडे देणार का? असा माझा देवेंद्र फडणवीस यांना प्रश्न आहे, असं ठाकरे गटाचे आमदार भास्कर जाधव यांनी म्हटलं आहे.

‘किरीट सोमय्या स्वत:च म्हणत असतील, तर तशी चौकशी करा’, असं ठाकरे गटाचे आमदार सचिन अहिर यांनी म्हटलं आहे. ‘प्रत्येकाच एक खासगी जीवन असतं. कोण कसं वागाव हे प्रत्येकाचा भाग आहे’ असं सचिन अहिर यांनी म्हटलं आहे. स्वतहून ते म्हणतायत, तर होऊं दे चौकशी.

विधानभवानच्या पाऱ्यांवर विरोधकांच आंदोलन सुरु आहे. शेतकरी उपाशी, मंत्री तुपाशी अशी घोषणाबाजी विरोधकांकडून केली जात आहे. ठाकरे गटाचे अंबादास दानवे, जितेंद्र आव्हाड, अनिल देशमुख हे राष्ट्रवादी काँग्रेसचे नेते विरोधकांच्या आंदोलनात सहभागी झाले आहेत. ‘खोक्यावर खोके, माजले बोके’ अशा घोषणा दिल्या आहेत.

किरीट सोमय्या यांच्या कथित अश्लील व्हिडिओवर ‘जो आपल्या कर्माने मरणार आहे त्याला धर्माने मारू नका’ असं सूचक टि्वट संजय राऊत यांनी केलं आहे.