Maharashtra News Live Update : शिवसेनेकडून उत्पल पर्रिरकरांविरोधातील उमेदवार अर्ज मागे, संजय राऊत यांचं ट्विट

सांकेतिक फोटो

मुंबई : आज 31 जानेवारी 2022. आज आपण राजकारणासह (Politics) सामाजिक आणि वेगवेगळ्या क्षेत्रातील महत्त्वाच्या घडामोडींचा आढावा एका क्लिकवर घेणार आहोत. राज्यात वेगवेगळ्या राजकीय घडामोडी घडण्याची दाट शक्यता आहे. तसेच शिवसेना आणि भाजप नेते एकमेकांवर टीका करताना दिसत आहेत. आजदेखील या दोन्ही पक्षांतील नेते आमनेसामने येण्याची शक्यता आहे. उत्तर प्रदेश (Uttar Pradesh) आणि गोवा, पंजाब, उत्तराखंड राज्याच्या विधानसभा निवडणुकांमुळे (Elections) राज्यातील वातावरण चांगलेच तापले आहे. तसेच बारा आमदारांच्या निलंबनाचा निर्णय सुप्रीम कोर्टान रद्द केल्यानंतर आता महाविकास आघाडी सरकारसाठी हा धक्का असल्याचे म्हटले जात असून त्यावरदेखील राजकारण तापले आहे. तर दुसरीकडे मागील काही दिवसांपासून राज्यातील हवामानात कमालीचे बदल जाणवले असून पुन्हा हुडहुडी वाढली आहे.