Maharashtra Breaking Marathi News Live : ‘शरद पवार यांच्या भाषणातील बारकावे लक्षात घेतले पाहिजेत’, उद्धव ठाकरे यांची प्रतिक्रिया

मुंबई :

“शरद पवार यांच्या भाषणातील बारकावे लक्षात घेतले पाहिजेत”, अशी प्रतिक्रिया उद्धव ठाकरे यांनी पुण्यातील कालच्या कार्यक्रमावर दिली. “भाजप सरकार चालवू शकत नाही हे मणिपूर आणि हरियाणाच्या घटनांमधून सिद्ध होतंय”, अशी टीका उद्धव ठाकरे यांनी दिली. “महिलांवर अत्याचार सुरु असताना हिंदूराष्ट्र कसा होणार?” असा सवाल त्यांनी केला.

हैद्राबादमधील तीन भाविकांकडे दोन हजाराची मागणी
श्री विठ्ठल दर्शन रॅकेटमधील पेड दर्शन साखळीतील सहभागींचा शोध सुरु
दर्शनास सोडत असताना भाविकांची चौकशी केली असता प्रकार उघडकीस

विहिर मालकावर गुन्हा दाखल होण्याची शक्यता
अडकलेले मजूर हाती लागल्यानंतर गुन्हा दाखल होणार
खाणीलाच विहीर करण्याचं होतं काम सुरू

यशोमती ठाकूर यांना धमकी देणारा आरोपी 48 तास उलटूनही अद्याप मोकाट
अमरावती पोलिसांनी आरोपीच्या कुटुंबीयांकडे नोटीस केली सुपूर्द
यशोमती ठाकूर यांना ट्विटर हँडलवरून जीवे मारण्याची धमकी दिल्यानंतर आरोपी फरार

पुण्यात परीक्षा केंद्रावर पोहचायला एक मिनिट उशीर झाल्याने 25 ते 30 विद्यार्थ्यांना बाहेर काढलं
वनविभागाच्या स्पर्धा परीक्षेसाठी पोहचायला उशीर झाल्याने विद्यार्थ्यांना परिक्षेपासून वंचित ठेवलं
वनविभागाच्या राज्यभरातील 7000 जागांसाठी आज परीक्षा

नितीन देसाईंनी एडलवाईज कंपनीकडून 180 कोटींचे कर्ज घेतले होते
व्याजासह 180 कोटींचं कर्ज 249 झालं
कर्जवसुलीसाठी मालमत्ता जप्तीचा प्रस्ताव कंपनीनं जिल्हाधिकाऱ्यांना पाठवला होता

माटरगाव जिल्हापरिषद शाळेत शिक्षकांची कमतरता असल्याने जिल्हा परिषदेसमोर आंदोलन
शिक्षक आणि पालक ही विद्यार्थ्यांसोबत, शैक्षणिक नुकसान होत असल्याची तक्रार
जिल्हा परिषद शाळेत विद्यार्थ्यांना बसायला पुरेसे बेन्च नसल्याचीही तक्रार

‘आज सकाळी ९ वा. दरम्यान एनडी स्टुडीओमध्ये नितीन देसाई यांचा मृतदेह दोरीला लटकलेला आढळून आला. खालापूर पोलीस स्थानकात अकस्मात मृत्यूची नोंद करण्यात आली आहे. फॉरेन्सीक टीम, सायबर फॉरेन्सीक टीम, डॉग स्कॉड आणि फिंगर प्रिंट टीम घटनास्थळी दाखल झाली आहे. पोलिसांकडून प्रत्येक पैलू तपासून घेण्यात येत आहेत.’ अशी माहिती पोलिसांनी दिली आहे. नितीन देसाई यांच्या निधनानंतर सर्वत्र खळबळ माजली आहे. नितीन देसाई यांच्या निधनामुळे चाहते आणि सेलिब्रिटींना मोठा धक्का बसला आहे. स्वतः उभ्या केलेल्या स्टुडीओमध्ये जीवन संपवल्यामुळे सर्वत्र खळबळ माजली आहे.

रेल्वेमध्ये घडलेल्या गोळीबाराच्या घटनेनंतर मुस्लिम लोकं दाढी ठेऊन आणि बुरखा प्रवास करायला घाबरत असल्याची चिंता अबु आझमी यांनी व्यक्त केली. मुस्लिम धर्मियांना बदनाम करणाऱ्यावर कारवाई होत नसल्याचेही ते म्हणाले.

सद्या राज्याचे पावसाळी अधिवेशन सूरू आहे. संभाजी भिडे यांनी केलेल्या वक्तव्यावरून राजकारण तापलेले आहे. सभागृहातही हा मुद्दा उठवला गेला मात्र शुक्रवारीच या वर बोलण्याची संधी दिल्याने आज तो मुद्दा अध्यक्षांनी मांडण्यास नकार दिला. यशोमती ठाकूर यांना काल ट्विटरवर जीवे मारण्याची धमकी देण्यात आली होती. हा मुद्दा त्यांनी सभागृहात मांडला. उपमुख्यमंत्री देवेद्र फडणवीस यांनी यशोमती ठाकूर यांची सुरक्षा वाढवण्याचे आश्वासन दिले तसेच धमकी देणाऱ्यावर कारवाई करण्यात येणार असल्याचेही सांगितले.

समृद्धी महामार्गावर गर्डर क्रेनमुळे झालेल्या अपघातात तब्बल विस जणांचा मृत्यू झाला. यासाठी जबाबदार असलेल्या संबंधीत ठेकेदार कंपण्यांवर कारवाई करावी अशी मागणी पृथ्वीराज चव्हाण यांनी केली आहे. या मार्गावर पुरेशा सोयी उपलब्ध होईपर्यंत किमान चार पाच महिने हा महामार्ग बंद ठेवावा अशी मागणीही त्यांनी केली. या काळात आवश्यक त्या सोयी करून हा महामार्ग सूरू केल्यास अनेकांचे जीव वाचतील असेही ते चव्हाण म्हणाले.

समृद्धी महामार्गावरचे काम घाईने आणि तातडीने पूर्ण करण्याचा आदेश दिल्याने निरपराध लोकांचा उपघातात बळी जात असल्याचा आरोप नाना पटोले यांनी केला. ते सभागृहात बोलत होते. राज्याच्या जनतेचा जीव घेऊन जर समृद्धी होत असेल तर ही चिंतेची बाब असल्याचे नाना पटोले म्हणाले. महाराष्ट्रातील जनता रस्त्यावरही सुखरूप नाही असा आरोप नाना पटोले यांनी केला.

मणिपूरमधील महिलांवर झालेल्या अत्याचाराचे देशभरात पडसाद उमटले असून या घटनेविरोधात महाराष्ट्रात ठाकरे गटही आता रस्त्यावर उतरला आहे. तोंडाला काळ्या फिती बांधून आंदोलन करत सरकारचा निषेध करण्यात येत आहे.

मंत्रालय परिसरातील महात्मा गांधींच्या पुतळ्यासमोर हे आंदोलन सुरू आहे.

संभाजी भिडे हा राष्ट्रद्रोही माणूस आहे. ते जिथे दिसतील तिथून त्यांना अटक करा, अशी मागणी विजय वडेट्टीवार यांनी केली आहे. संभाजी भिडे हे ओबीसी आणि बहुजनांविरोधात आहेत. त्यांनी राष्ट्रध्वजाचाही अपमान केला आहे, अशी शब्दांत त्यांनी भिडे यांच्यावर टीकास्त्र सोडले आहे.

विरोधी पक्षनेत्यांकडून लोकसभेत सतत गोंधळ घालण्यात येत आहे. त्या पार्श्वभूमीवर लोकसभेचं कामकाज दुपारी २ वाजेपर्यंत स्थगित करण्यात आले आहे.

प्रसिद्ध कलादिग्दर्शक नितीन देसाई यांनी आत्महत्या केली. कर्जतमधील एनडी स्टुडिओमध्ये गळफास घेऊन त्यांनी जीवन संपवलं आहे. त्यांच्या आत्महत्येचं कारण अद्याप अस्पष्ट आहे. नितीन देसाई यांनी ‘लगान’, ‘हम दिल दे चुके सनम’, ‘मिशन काश्मीर’, ‘देवदास’, ‘खाकी’, ‘स्वदेस’ यांसारख्या चित्रपटांसाठी प्रॉडक्शन डिझायनर म्हणून काम केलं होतं. 2000 मध्ये त्यांनी ‘हम दिल दे चुके सनम’ आणि 2003 मध्ये ‘देवदास’ या चित्रपटांसाठी त्यांनी सर्वोत्कृष्ट कला दिग्दर्शकाचा राष्ट्रीय पुरस्कार पटकावला होता. वाचा सविस्तर..

येरवडा कारागृहात आत्महत्येचा प्रयत्न करण्यात आला आहे. बंदी धनंजय दिघेने हे टोकाचं पाऊल उचललं आहे. जेलमध्ये आरोपीच्या हातात ब्लेड पाहायला मिळालं.  दिघेने स्वत:च्याच हातावर ब्लेडने वार केले.  आत्महत्येच्या प्रयत्नाचे कारण अद्याप समोर आलेलं नाही. येरवडा पोलीस ठाण्यात दिघेंविरोधात गुन्हा दाखल करण्यात आला आहे.

इचलकरंजी शहरातील सर्वपक्षीय नेत्यांनी जिल्हाधिकारी यांची सुळकूळ योजनेसाठी भेट घेतली आहे. त्यावर शासनाकडे अहवाल पाठवून पुढील निर्णय घेतला जाईल, असं जिल्हाधिकारी यांनी शिष्टमंडळाला सांगितलं. इचलकरंजी शहराला दूध गंगेतून सुळकुड योजना ही पाणी योजना मंजूर करण्यात आली आहे. या योजनेला कागलकर नेत्यांनी विरोध दर्शवला आहे. तर इचलकरंजी हे गाव पाकिस्थानमध्ये नाही असे खासदार धैर्यशील माने आणि माजी खासदार राजू शेट्टी यांनी मंत्री हसन मुश्रीफ यांना लगावला टोला आहे.  इचलकरंजीला सुळकुड योजनेतूनच पाणी आणण्याचा सर्वपक्षीय एकमुखी निर्णय घेण्यात आलाय.

केंद्र सरकारने ओबीसी आरक्षणासाठी नेमलेल्या रोहिणी आयोगाचा अहवाल राष्ट्रपतींकडे सुपूर्द करण्यात आला आहे. सुप्रीम कोर्टातील निवृत्त न्यायाधीश जी रोहिणी यांच्यासह चार जणांचा 2017 मध्ये हा आयोग बनवण्यात आला होता. अहवालत नेमकं काय याची मात्र गुप्तता पाळण्यात आली आहे. पण पुढच्या आठ महिन्यांवर लोकसभा निवडणूक आल्या असलताना हा अहवाल राष्ट्रपतींकडे सुपूर्द केला आहे. आतापर्यंत ओबीसी आरक्षणाचा लाभ न मिळालेल्या काही घटकांना आरक्षणात प्राधान्य दिलं जाण्याची शक्यता आहे. कालच बिहार सरकारच्या जातीनिहाय जनगणनेचा मार्ग मोकळा झाल्याने देशभरात जातीनिहाय जनगणना करण्याची मा35गणी केली जात आहे.

आजपासून सुप्रीम कोर्टात कलम 370 रद्द केलेल्या विरोधात एकत्रित याचिकांवर सुनावणी होणार आहे.  सरन्यायाधिश धनंजय चंद्रचूड यांच्यासह पाच जणांच्या खंडपिठासमोर सुनावणी होणार आहे. पाच ऑगस्ट 2019 ला सरकारनं जम्मू-काश्मीरमधील कलम 370 रद्द केला होता. त्या विरोधात सुप्रीम कोर्टात अनेक याचिका दाखल केल्या गेल्या होत्या. सोमवार आणि शुक्रवार सोडता दररोज सुप्रीम कोर्टात ही सुनावणी होणार आहे. दोन याचिकर्त्यांनी आतापर्यंत आपल्या याचिका मागे घेतल्या आहेत.

सातत्याने पडत असलेल्या पावसामुळे पुण्यातील हिंजवडीमधील रस्त्यांची अक्षरशः चाळण झालेली आहे. त्यामुळे प्रवाशांना मोठ्या त्रासाला सामोरं जावं लागत आहे. अखेर संतापलेल्या स्थानिक नागरिक आणि शिवसेना उद्धव बाळासाहेब ठाकरे गटाच्या कार्यकर्त्यांनी स्वखर्चाने रस्ते दुरुस्तीचं काम केलंय. आयटीपार्क असून ही सर्वच यंत्रणा याकडे दुर्लक्ष करत असल्याचा आरोप स्थानिकांनी केलाय. तात्काळ रस्ता दुरुस्त करण्यात यावा, अशी मागणीही करण्यात आलीय.

टीम इंडिया आणि वेस्ट इंडिजमधील तिसऱ्या (IND vs WI 3rd ODI) आणि एकदिवसीय सामन्यामध्ये कॅरेबियन संघाचा पराभव झाला आहे. वाचा सविस्तर….

प्रियंका गांधी उत्तर प्रदेशातून निवडणूक लढवू शकतात. अमेठी लोकसभा मतदारसंघातून प्रियंका गांधी यांना उमेदवारी देण्याविषयी चाचपणी सुरु आहे. 2019 च्या लोकसभा निवडणुकीत अमेठीमधून स्मृती इराणी यांनी राहुल गांधी यांचा पराभव केला होता.

भाजपा, शिवसेना आणि राष्ट्रवादी काँग्रेसच्या (अजित पवार गट) आमदारांची आज मुंबईच्या ताज हॉटेलमध्ये बैठक होणार आहे. संध्याकाळी 7 वाजता ही बैठक होईल, आगामी काळातील निवडणुकीची रणनिती ठरवण्याच्या दृष्टीने महायुतीच्या आमदारांची ही महत्वाची बैठक होत आहे.

जयपूर एक्सप्रेस फायरिंग घटनेतील चौथ्या मृतदेहाची ओळख पटली आहे. सैयद सैफुदिन (43) असं मृत व्यक्तीच नाव आहे. ते हैदराबादच्या बाजारघाट येथे राहत होते. मूळच्या कर्नाटक बिदरचे रहिवासी असलेले सैफुदिन हे पंधरा वर्षापासून हैदराबादमध्ये आपल्या कुटुंबासह राहतात. त्यांना तीन मुली आहेत. हैदराबादमध्ये मोबाईल दुरुस्तीचे त्यांचे छोटे दुकान होते. जेव्हा ही घटना घडली तेव्हा ते अजमेर शरीफ वरुन परतत होते. त्यांच्या पत्नीला सरकारी नोकरी द्या, तिन्ही मुलींना पंचवीस लाख रुपये द्यावे अशी मागणी त्यांच्या कुटुंबासह आलेले हैदराबादचे आमदार जाफर हुसेन यांनी केली आहे.

आजपासून कोकण किनारपट्टीवर मासेमारीला सुरवात होणार आहे. 20 टक्याहून अधिक मच्छिमार आजच्या मच्छिमारीच्या मुहुर्तावर मासेमारी हंगामाला सुरुवात करणार. मच्छिमारीचा मुहुर्त साधण्यासाठी मच्छिमारांना अजूनही पोषक वातावरण नाही. समुद्र अजूनही खवळलेला असून खोल समुद्रात वेगवान वारे देखील वाहत आहेत. शासनाच्या निर्देशानुसार 31 जुलैपर्यत मच्छिमारांना मासेमारी करण्यास बंदी असते.

संभाजी भिडे यांच्या कोकण दौऱ्याला विरोध करण्यात आला आहे. 8 विविध संघटनांनी हा विरोध केला आहे. उद्या 3 ऑगस्ट रोजी भिडे यांची चिपळूण येथे सभा होण्याची शक्यता आहे. त्यामुळे कोकणात तणाव निर्माण होण्याची शक्यता आहे.

महाविकास आघाडीच्या आमदारांची आज बैठक पार पडणार आहे. या बैठकीला माजी मुख्यमंत्री उद्धव ठाकरे, काँग्रेस नेते बाळासाहेब थोरात आणि राष्ट्रवादीचे नेते जयंत पाटील मार्गदर्शन करणार आहेत

पुढील पाच दिवस मुंबईतील समुद्राला मोठी भरती येणार आहे. रोज पाच दिवस समुद्रात पावणे पाच मीटर उंचीच्या लाटा उसळणार आहेत. या काळात मुंबईत मुसळधार पाऊस झाल्यास मुंबईत पाणी तुंबण्याची शक्यता आहे.