Mumbai Maharashtra News Live | 29 दिवसांनंतर धनगर समाज रस्त्यावर उतरेल, गोपीचंद पडळकर यांचं राज्य सरकारला अल्टीमेटम

सांगली | धनगर आरक्षणावरुन आमदार गोपीचंद पडळकर यांनी आक्रमक भूमिका घेतलीय. धनगर आरक्षणाच्या अंमलबजावणीमध्ये कोणी विरोधात गेले तर त्याला तुडवून जाण्याची आमची सगळ्यांची भूमिका आहे, असं म्हणत पडळकर यांनी रोखठोक भूमिका मांडली आहे. तसेच त्यांनी राज्य सरकारच्या कारभारावर टीका केली आहे.

60 दिवसांची मुदत दिली ,पण सरकारकडून अद्याप कोणत्याही प्रकारचा पाउले उचलली नाहीत. 29 दिवसांनंतर धनगर समाज रस्त्यावर उतरेल, असं अल्टीमेटमही पडळकर यांनी राज्य सरकार दिलं आहे.

गृहमंत्री काय करत आहेत? आम्ही नावे सांगणार असे ते म्हणाले. ड्रग्स नेक्सस सांगा आम्ही तुम्हाला पाठिंबा देऊ. राज्यातील तरुणांशी आपण बरोबर थांबल पाहिजे, असे सुप्रिया सुळे यांनी म्हटले आहे.

आझाद मैदान येथे शिवसेनेचा होणाऱ्या दसरा मेळाव्याच्या अनुषंगाने आज आढावा बैठक घेण्यात येत आहे. आझाद मैदान येथे आसन व्यवस्था आणि वाहन पार्किंग व्यवस्था बद्दल आढावा घेण्यात येतोय. ट्रॅफिक पोलीस अधिकारी आणि स्थानिक पोलीस स्टेशन अधिकारी उपस्थित आहेत.

भाजपा आमदार गोपीचंद पडळकर यांच्या दसरा मेळाव्याला सुरुवात. कवठेमहांकाळच्या आरेवाडीच्या बनात पार पडतो हा दसरा मेळावा. बिरोबा देवाचं दर्शन घेऊन आमदार गोपीचंद पडळकर मेळाव्याच्या ठिकाणी दाखल. आमदार गोपीचंद पडळकर स्टेजवर आले आणि दोन्ही गुडगे खाली टेकवून सर्वाना हात जोडून नमस्कार केला

छत्रपती संभाजीनगरमध्ये पुणे डीआरआयने मोठी कारवाई केली आहे. या कारवाईत 500 कोटींचे ड्रग्ज जप्त केल्याची वृत्त समोर येत आहे. यामुळे एकच खळबळ उडाली आहे. पोलिसांनी याप्रकरणात दोघांना अटक केल्याची माहिती सूत्रांनी दिली आहे .

मुंबईतील शिवाजी पार्कवर शिवसेनेच्या दसरा मेळाव्यासाठी जय्यत तयारी सुरु आहे. ठाकरे गट या ठिकाणी मेळाव्याची तयारी करत आहे. शिवाजी पार्कवरील दसरा मेळाव्यासंदर्भात ठाकरे गटाची बैठक सुरु आहे. अनिल देसाई हे या बैठकीत आढावा घेत आहेत.

येत्या 24 ऑक्टोबर रोजी मराठा समाजाला आरक्षण न दिल्यास 25 ऑक्टोबरपासून पुन्हा आमरण उपोषण करण्याचा इशारा मनोज जरांगे पाटील यांनी इशारा दिला आहे. त्यानंतर अंतरवाली सराटी येथे पुढाऱ्यांना गावबंदी करण्याचा निर्णय पण त्यांनी जाहीर केला. उपचार, अन्न-पाणी घेणार नसल्याचे त्यांनी स्पष्ट केले.

राष्ट्रवादीच्या फुटीनंतर राष्ट्रवादीतील दोन गट प्रथमच एकाच मंचावर आले आहेत. शरद पवार, अजित पवार आणि सुप्रिया सुळे एका कार्यक्रमानिमित्त एकाच मंचावर आले आहेत. भिगवणमधील अनंतराव पवार शाळेचं उद्धघाटनाच्या कार्यक्रमात हे सर्व एकत्र आले आहेत.

पुणे : ड्रग प्रकरणातील आरोपी अरविंद लोहारेला २५ तारखेपर्यंत पोलीस कोठडी. भूषण पाटील आणि अरविंद बालकवडे यांना १ दिवसाची पोलीस कोठडी देण्यात आली आहे. या प्रकरणी पुणे पोलिसांची कोर्टात मोठी माहिती दिलीय. चाकणच्या ड्रग्ज प्रकरणात अरविंद लोहारे याला अटक करण्यात आली होती.

भिवंडी : भिवंडी पोलिसांनी एका तरुणाला अटक केली आहे. त्या तरुणाकडून पोलिसांनी सात लाख रुपये किमतीची 110 ग्रॅम एम डी ड्रग्ज पावडर पोलिसांनी जप्त केली आहे.

ठाणे : ज्या शिवसैनिकांनी शिवसेना स्थापन होताना समाजवादी आणि कम्युनिस्ट पक्षाशी लढा दिला. त्यात कित्येक लोकांचे बळी गेले त्यांच्याशी आपण आघाडी करता. आपण शत्रूला भेटणारे आहात त्याची तुम्हाला लाज वाटली नाही. ते रडत राऊत कायम रडत राहतात. दसरा मेळाव्यात तुम्ही सावरकरांच्या बाजूने बोलणार आहात, हिंदुत्वाच्या बाजूने बोलणार आहात की काँग्रेसच्या विरोधात बोलणार आहात याचं पहिलं उत्तर द्या अशी टीका शिंदे गटाचे प्रवक्ते नरेश म्हस्के यांनी केली.

जालना : आरक्षणाचा प्रश्न मिटेपर्यंत राजकीय नेत्यांना गावबंदी. आम्ही तुमचा सन्मान राखला तुम्ही मराठ्यांचा सन्मान राखा. आता काही वेळ देत नाही. आरक्षण कसे द्यायचे हे आम्ही सांगितले. आता २५ तारखेपासून परिणाम दिसतील. राज्यभर साखळी उपोषण करणार.

जालना : सरकारने आरक्षण देण्यासाठी वेळ दिला होता त्याबाबत आम्ही दिशा स्पष्ट करत आहोत. राज्य सरकारने 24 तारखेच्या आत मराठा आरक्षण निर्णय घेतला नाही तर 25 तारखेपासून मी आमरण उपोषण सुरू करणार. त्या उपोषणात अन्न, पाणी, औषध घेणार नाही अशी घोषणा मनोज जरांगे पाटील यांनी केली.

राष्ट्रवादी फुटल्यानंतर शरद पवार आणि अजित पवार पहिल्यांदाच एकत्र आले आहे. दौंड येथे एका शाळेच्या इमारतीच्या उद्धघाटनासाठी काका पुतण्याने एकत्र हजेरी लावली. शरद पवार यांनी लाल फित कापून उद्धाघाटन केले. ते तोघेही एकाच मंचावर असले तरी एकमेकांच्या शेजारी बसणार नाहीत.

दौंड येथे एका शालेय इमारतीच्या उद्धाटन कार्यक्रमाला शरद पवार आणि सुप्रिया सुळे हजर झाले आहेत. आताच त्यांचे आगमण झाले. तर अजित पवारही या कार्यक्रमाला हजर राहाणार आहेत.

शरद पवार आणि अजित पवार आज एकाच मंचावर येणार आहेत. एका कार्यक्रमाला सुप्रिया सुळे, अजित पवार आणि शरद पवार हे उपस्थित राहाणार आहेत. दौंडमध्ये शाळेच्या इमारतीच्या उद्धघाटन सोहळ्याला हे सर्व उपस्थित राहतील.

आरक्षणाच्या मुद्दयावर सरकारने वेळकाढूपणा करु नये. सरकारने 1 महिना मागितला आम्ही 40 दिवस दिले. आता सरकारने EWS हे नवे पिल्लू आणलं आहे. पण आम्ही कुठे मागितलं असेही मनोज जरांगे यांनी सांगत आम्ही दिलेली मुदत 24 तारखेला संपत आहे असा इशाराही दिला आहे.

दौंड येथील एका शाळेच्या उद्घाटनाच्या कार्यक्रमात राष्ट्रवादीच्या फुटीनंतर शरद पवार आणि अजित पवार एकत्र येणार असले तरी ते शेजारी-शेजारी बसणार नसल्याचे स्पष्ट झाले आहे. त्यांच्या मध्ये व्यासपीठावर पवारांच्या पत्नी प्रतिभाताई पवार यांचे आसन ठेवण्यात आले आहे.

शासनाला दिलेली 24 तारीख जवळ आल्याने मराठा आरक्षण प्रकरणाची पुढील दिशा ठरविण्यासाठी मराठी नेते मनोज जरांग आज दुपारी 2 वाजता महत्वाची बैठक घेत आहेत.

कल्याण सूचक नाका परिसरात वाहन चालकाचा ताबा सुटल्याने ट्रक चढला डिव्हायडरवर. मुंबईवरून नाशिकच्या दिशेने जाणाऱ्या ट्रक असून पहाटेच्या सुमारास चालकाचे नियंत्रण सुटल्याने घडला अपघात. ट्रकमध्ये काच बनवणारे केमिकल पावडर असून सध्या क्रेनच्या सहाय्याने ट्रक मधले सामान बाजूला ठेवत ट्रक बाहेर काढण्याचे काम सुरू.

नवरात्र उत्सवाला देवीची मूर्ती संपूर्ण महाराष्ट्रामध्ये वेगवेगळ्या रूपात स्थापन होते. नवी मुंबईतील वाशी येथे आई तुळजा भवानी, आई एकविरा देवी,कोल्हापूरची देवी, कालीमाता, मुंबादेवी, अशा सर्व प्रकारच्या देवी येथे नवी मुंबई अनिल कौशिक प्रतिष्ठान यांच्या माध्यमातून नऊ दिवस बसविण्यात आल्या आहेत. अशा विविध देवीचे नऊ दिवस भक्तांना दर्शन एकाच जागेवर घेता येत आहे. नवरात्र उत्सवाला 29 वर्ष झाली असून ह्या मंडळाचे 9 दिवस सर्व काम हे महिला पाहतात एकाच जाग्यावर सर्व देवीचं दर्शन मिळत असल्यामुळे अनेक भक्त आवर्जून देवीच्या दर्शनाला येत आहेत.

आमदार सुरेश धस यांच्या पत्नीवर आदिवासी महिलेला धमकावल्याचा आरोप. सुरेश धस यांच्या पत्नीसह तिघांवर ॲट्रॉसिटीचा गुन्हा दाखल. आरोप खोटा, राजकीय दबावापोटी हा आरोप झाल्याचं आमदार सुरेश धस यांचं स्पष्टीकरण.

सध्या नाशिकच्या येवला तालुक्यात दरोडेखोरांचा धुमाकूळ पाहायला मिळतोय. नगरसुल इथं मध्यरात्रीच्या दरम्यान दरोडा पडला.  दरोडेखोरांच्या मारहाणीत 10 ते 11 जण जखमी झालेत.  जखमींमध्ये महिलांचाही समावेश आहे.  जखमींवर येवल्यातील उपजिल्हा रुग्णालयात उपचार सुरू आहेत.  या दरोड्या प्रकरणी येवला तालुका पोलीस ठाण्यात गुन्हा दाखल झालाय.

सगळ्यात आधी देवेंद्र फडणवीसांनी माफी मागतली पाहिजे. शरद पवार काय मंत्रिमंडळात नव्हते. आज देवेंद्र फडणवीस यांच्याबरोबर जे सहकारी आहेत तेच आधी सरकारमध्ये होते. गैरसमज पसरवला म्हणूम त्यांनी माफी मागितली पाहिजे.  मला देवेंद्र फडणवीस यांच्याबद्दल सहानुभूती आहे की मुख्यमंत्री असणार माणूस हा उपमुख्यमंत्री झाला आहे, असा टोला सुप्रिया सुळे यांनी देवेंद्र फडणवीसांना लगावला आहे.

प्रकाश आंबडेकरांची कालची भेट ही महाविकास आघाडीत समावेशाबाबत नव्हती.  मात्र त्यांचं स्वागत केलं पाहिजे. त्याबाबतीत मी एकटा निर्णय घेऊ शकत नाही, असं म्हणत शरद पवार यांनी काल प्रकाश आंबेडकर यांच्यासोबतच्या बैठकीवर भाष्य केलंय.

अमरावतीत खासदार नवनीत राणा आणि आमदार रवी राणा यांच्या पदयात्रेला सुरवात झाली आहे. अमरावतीत राणा दाम्पत्याची अनवायी पायाने पदयात्रा करत आहेत.  विदर्भाच कुलदैवत असलेल्या अमरावतीच्या अंबादेवीच्या दर्शनासाठी राणा दाम्पत्याची पदयात्रा करत आहेत.  गंगा -सावित्री निवासस्थाना पासून 2 किलोमीटरच्या अंबादेवी पर्यंत पदयात्रा सुरु आहे.  अंबादेवीची राणा दाम्पत्य महाआरती करणार आहेत.  अंबादेवीला साकडंही घालणार आहेत.

पंतप्रधान नरेंद्र मोदीं विरोधात एकत्र आलेल्या इंडिया आघाडीची बिघाडी होणार आहे. पुन्हा देशाचे नरेंद्र मोदी व्हावे यासाठी अंबादेवीकडे घालणार असल्याचं खासदार नवनीत राणा यांनी सांगितंल आहे.

आतापर्यंत ३३ हजार मतदारांशी थेट संवाद साधला आहे. महायुतीचे ४५ पेक्षा जास्त खासदार निवडून येणार असा दावा चंद्रशेखर बावनकुळे यांनी केला आहे.

ललित पाटील याला पोसणारा तुमच्या मंत्रिमंडळात, दादा भुसे यांनी ललित पाटील याला शिवसेनेत आणलं. राज्य सरकारच्या आशीर्वादाने ड्रग्जचं साम्राज्य सूरू असल्याचं संजय राऊत म्हणाले.

शिवतीर्थावर यंदाचा दसरा मेळावा अभूतपूर्व होणार आहे. बनावट माल येतो आणि जातो, असं म्हणत राऊत यांनी शिंदे गटाला मारला टोला

नागपूरच्या पवित्र दीक्षाभूमीवर यावर्षी धम्मचक्र प्रवर्तन दिनाची विशेष तयारी सुरू झाली आहे. लाखो अनुयायी हजेरी लावणार आहेत. त्यामुळे विशेष तयारी केली जात आहे. प्रशासन आणि सुरक्षेच्या दृष्टीने पोलिसांनी विशेष तयारी सुरू केली. मोठ्या प्रमाणात पोलीस बंदोबस्त धम्मचक्र प्रवर्तन दिनाच्या दिवशी असणार…

आज राज्यातील मराठा समाजाला दिशा देणार, तुम्ही तयारीला लागा असं आवाहन जरांगे पाटील यांनी मराठा समाजाला केलं आहे. २४ तारखेला सरकारला दिलेली मुदत संपत असून आज पुढची दिशा ठरवण्यात येणार आहे. म्हणून आज सकाळी जरांगे यांच्याकडून एक बैठकीचं आयोजन करण्यात आलं आहे. शिवाय दुपारी तीन वाजता जरांगे पाटील यांची पत्रकार परिषद असणार आहे.

केंद्रीय निवडणूक आयोगाने शिवसेना नाव आणि चिन्ह धनुष्यबाण मुख्यमंत्री एकनाथ शिंदे यांना प्रदान करण्याच्या निर्णयाविरुद्ध सुप्रीम कोर्टात 20 नोव्हेंबरला सुनावणी होणार आहे. उध्दव ठाकरे गटाच्या वतीने याचिका दाखल करण्यात आली आहे. सरन्यायाधीश धनंजय चंद्रचूड यांच्या तीन सदस्यीय खंडपीठापुढे होणार सुनावणी.

ललित पाटील याला घेऊन मुंबई पोलीस नाशिकमध्ये दाखल झाले आहेत. शिंदेवाडी गावात ललित पाटील याचा ड्रग्ज कारखाना असल्याची माहिती समोर आली आहे. ललित पाटीलच्या मोडस ऑपरेंडीचा पोलिसांकडून तपास सुरु…

शरद कोळी यांची शिवसेनेच्या उपनेतेपदी निवड झाल्यानंतर सोलापूर जिल्ह्यात नाराजी पसरली आहे. सहसंपर्कप्रमुख साईनाथ भाऊ अभंगराव यांनी पदाचा राजीनामा दिला आहे. शरद कोळी यांचे शिवसेनेत योगदान काय आहे? असा सवाल त्यांनी केला आहे.

बारामतीत रेडबर्ड प्लाईट ट्रेनिंग सेंटरच्या विमानाचा पुन्हा आपघात झाला आहे. या विमानात एक पायलट ट्रेनर आणि प्रशिक्षणार्थी होता. त्यांना किरकोळ दुखापत झाली आहे. बारामती तालुक्यातील गाडीखेल परिसरात अपघात झाला.

दसरा मेळाव्याच्या परंपरेत आणखी एका मेळाव्याची भर पडली आहे. अहमदनगर जिल्ह्यातल्या चौंडी येथे धनगर समाजाचा दसरा महामेळावा आयोजित करण्यात आला आहे. यशवंत सेना या संघटनेने या मेळाव्याचे आयोजन केले आहे. धनगर आरक्षणाच्या मागणीसाठी हा मेळावा होणार आहे.

आझाद मैदानावर होणाऱ्या शिवसेनेच्या ( शिंदे गट) दसरा मेळाव्यामुळे तेथील रामलीला आयोजकांना रावणदहनासाठी क्रॉस मैदानात जागा देण्याचा निर्णय घेण्यात आला आहे.त्यामुळे ‘रावणदहना’ ने रामलीलाची सांगता विजयादशमीलाच होणार आहे.

पुणे महापालिकेत समाविष्ट झालेल्या २३ गावाच्या विकास आराखड्याबाबत मुंबईत बैठक होणार आहे. उपमुख्यमंत्री अजित पवार ही बैठक घेणार आहे. २३ गावांचा डीपी तयार करण्याच काम पीएमआरडीएकडे आहे. मात्र इतर काम पुणे महापालिकेला करावी लागणार आहे.

येत्या 24 तारखेला ठाकरे गटाचा दसरा मेळावा होत आहे. मुंबईच्या शिवाजी पार्कात हा मेळावा होत आहे. त्यामुळे या मेळाव्याच्या आढाव्यासाठी उद्धव ठाकरे यांनी बैठक बोलावली आहे. या ऑनलाईन बैठकीला ठाकरे गटाचे पदाधिकारी उपस्थित राहणार आहेत. त्यामुळे या बैठकीकडे सर्वांचं लक्ष लागलं आहे.

राज्य सरकारला मराठा आरक्षणासाठी देण्यात आलेल्या डेडलाईनला दोन दिवस बाकी आहे. या पार्श्वभूमीवर मनोज जरांगे पाटील आज समाजातील कार्यकर्त्यांसोबत बैठक घेणार आहेत. जालन्याच्या अंतरवली सराटीत ही बैठक होणार आहे. त्यानंतर मनोज जरांगे पाटील आज पत्रकार परिषद घेऊन आपली भूमिका जाहीर करणार आहेत. त्यामुळे जरांगे काय भूमिका जाहीर करतात? काय प्लान सांगतात? याकडे सर्वांचं लक्ष लागलं आहे.

काँग्रेसचे नेते अशोक चव्हाण यांच्याकडे तेलंगना निवडणुकीची जबाबदारी देण्यात आली आहे. त्यांची तेलंगनाचे विशेष निरीक्षक म्हणून नियुक्ती करण्यात आली आहे. काँग्रेसचे राष्ट्रीय अध्यक्ष मल्लिकार्जुन खरगे यांनी ही नियुक्ती केली आहे.

राष्ट्रवादीच्या फुटीनंतर प्रथमच ज्येष्ठ नेते शरद पवार, उपमुख्यमंत्री अजित पवार आणि खासदार सुप्रिया सुळे हे एकाच व्यासपीठावर येणार आहेत. दौंड तालुक्यातील स्वामी चिंचोली येथील विद्या प्रतिष्ठान संस्थेने उभारलेल्या अनंतराव पवार इंग्लिश मीडियम स्कूलच्या नव्या वास्तूचे उद्घाटन शरद पवार यांच्या हस्ते होणार आहे.

या कार्यक्रमाला उपमुख्यमंत्री अजित पवार, सुप्रिया सुळे यांच्यासह पवार कुटुंबीय उपस्थित राहणार आहेत. राष्ट्रवादीतील फुटीनंतर पहिल्यांदाच हे नेते या कार्यक्रमाच्या निमित्तानं एकत्र येत आहेत. त्यामुळं या कार्यक्रमाकडे अवघ्या राज्याचं लक्ष लागलं आहे..