ajit pawar baramati live speech | बायकोने घेतले नाहीत, एवढे किस कार्यकर्त्यांनी घेतले – अजित पवार

अजित पवार बारामतीत त्याच्या स्वागत सभेत बोलताना म्हणतायत, एवढी रेटारेटी, एवढी गर्दी मला भेटण्यासाठी या आधी आयुष्यात कधी पाहिली नाही, अनेकांनी हातात हात घेतले, ढकला ढकली होत होती, हातात हात असताना कार्यकर्ते म्हणत होते, दादा सोडा, व्हढत्यायत, ढकलतायत, काहींनी तर किसच घेतले, है रे पठ्ठ्या, बायकोने घेतले नाहीत, एवढे किस कार्यकर्त्यांनी घेतले. अजित पवार यांचा हा दिलखुलास अंदाज आता बारामतीत दिसून आला. त्यांनी मनमोकळेपणाने बारामतीकरांनी केलेल्या स्वागताला उत्तर देताना अशा शब्दात दाद दिली.

मी मुख्यमंत्र्यांचा कामाचा व्याप कमी करण्याचा प्रयत्न करतोय आणि त्यात मी आढावा घेतला तर गैरकाय, एकनाथ शिंदे यांचं काम हलक करण्यासाठी बैठक घेतली, मुख्यमंत्री एकनाथ शिंदे यांना याविषयी कोणतीही हरकत नाही, असं अजित पवार यांनी बारामतीतील त्यांच्या स्वागत सभेत बोलताना सांगितली, अजित पवार हे उपमुख्यमंत्री झाल्यानंतर बारामतीत दाखल झाले त्यांचं मोठ्या जल्लोषात जंगी स्वागत करण्यात येत आहे.

बारामतीत अजित पवार आज दाखल झाले आहेत, त्यांची स्वागत सभा सुरु असताना एका कार्य़कर्त्याने जोरदार घोषणाबाजी त्यांच्यासाठी केली, कार्य़कर्त्यांनी एकच वादा, अजितदादा ही घोषणाबाजी सुरु ठेवली, या दरम्यान मिश्किल अजितदादा यांच्यातला मिश्किलपणा पुन्हा जागृत झाला आणि एकच वादा अजितदादा या घोषणेला उत्तर देताना म्हणाले, राहू दे, राहु दे, जोर राहु दे … उद्याच ये आणि एजन्सी याला देऊन टाका

अजित पवार यांनी बारामतीच्या त्यांच्या स्वागत सभेत संस्थाची आणि साखर कारखान्यांची नावं वाचून दाखवली, काही कार्यकर्त्यांना स्थानिक स्वराज्य संस्थेच्या निवडणुका सध्या होत नसल्याने संधी मिळत नाही, यानंतर कोणकोणत्या संस्था आहेत, जेथे प्रतिनिधित्व देतो येईल याची तोंडी यादीच त्यांनी बारामतीच्या सभेत वाचून दाखवली.
सुदैवाने सत्तेच्या तिजोरीच्या चाव्या आपल्याकडे – अजित पवार

तुम्ही झोपेत असताना मी कामं करतो – अजित पवार

तुमच्या गर्दीमुळे कामाची साईटच पाहता येत नाही, म्हणून मी पहाटेच साईट पाहून येतो – अजित पवार

केंद्राने पिण्याच्या पाण्याच्या योजना केल्या आहेत – अजित पवार

पुणे – नगर – नाशिक रेल्वे मार्गाच्या कामाला गती देण्याचा प्रयत्न करणार – अजित पवार

सुदैवाने राज्याच्या तिजोरीची चावी आपल्याकडे आली – अजित पवार

मी सत्तेसाठी हापापलेलो नाही, ताम्रपट घेऊन जन्माला आलेलो नाही – अजित पवार

मी कामात रममाण होणारा कार्यकर्ता, मला काम करायला आवडतं, मी जातीचा-पातीचा, नात्याच्या-गोत्याचा विचार केला नाही, शेवटच्या घटकालाही वाटलं पाहिजे हा व्यक्ती आपल्यासाठीही काम करतो, अनेकवेळा पद भोगत असताना ते लक्ष्य डोळ्यासमोर ठेवून काम करत असतो. लोकप्रतिनिधी म्हणून मी नेहमी कामं केली – अजित पवार

विकासकामं करताना कधीकधी कठोर निर्णय घ्यावे लागतात. भावना असते, श्रद्धा असते, पण नाईलाजास्तव निर्णय घ्यावा लागतो, लोक टीका करतात, पण नव्या पिढीला माहित आहे, हे सर्व बारामतींकरांसाठी मी करतो- अजित पवार

बारामतीकरांचं ऋण मी कधीच फेडू शकत नाही-अजित पवार

मी जसा आहे, तो बारामतीकरांमुळेच-अजित पवार

मला पाचव्यांदा उपमुख्यमंत्रीपदाची संधी एकनाथरावांच्या मंत्रिमंडळात मिळाली-अजित पवार

बारामतीकरांचे मनापासून आभार-अजित पवार

शाहु, फुले, आंबेडकरांचा विचारांचा वारसा पुढे नेण्याचं काम मी करत आलो आहे-अजित पवार

बारामती :  उपमुख्यमंत्री अजित पवार यांचं आज बारामतीत त्यांच्या कार्यकर्त्यांकडून जंगी स्वागत करण्यात येत आहे. अजित पवार यांना आज बारामतीकरांकडून नागरी सत्कार देवून सन्मानित करण्यात येणार आहे. त्याआधी त्यांची कार्यकर्त्यांकडून भव्य मिरवणूक काढण्यात आली आहे. अजित पवार यांच्यासोबत त्यांचे पुत्र पार्थ पवार हे त्यांच्यासोबत आहेत. अजित पवार नुकतंच बारामतीतील कसबा चौकात दाखल झाले. यावेळी ढोल-ताशांच्या गजरात, जेसीबाने फुलांची उधळण करत अजित पवारांचं बारामतीत स्वागत करण्यात आलं. अजित पवार यांच्या गटाकडून शक्तीप्रदर्शन करण्यात कोणतीही कसूर सोडली नसल्याचं बघायला मिळत आहे.

महाविकास आघाडीच्या काळात राज्यातील काही नेत्यांवर खोटे आरोप करण्यात आले. त्यांना खोट्या गुन्ह्यात अडकविण्याचा प्रयत्न करण्यात आला, असा आरोप मुख्यमंत्री एकनाथ शिंदे यांनी केला. आज सीबीआयने काही प्रकरणात दूध का दूध आणि पाणी का पाणी केल्याचे त्यांनी सांगितले.

अमरावती जिल्हा रुग्णालयात गेल्या तीन तासांपासून बत्तीगुल झाल्याचा प्रकार समोर आला आहे. अमरावती येथील जिल्हा रुग्णालयात विद्युत पुरवठा खंडित झाल्याने रुग्णांचे प्रचंड हाल सुरु आहे. याविषयी संताप व्यक्त करण्यात येत आहे.

नितीन देसाई आत्महत्या प्रकरणामधील आरोपी रशेस शाहा आणि इतरांचे फोन बंद असल्याची माहिती समोर आली आहे. त्यासोबतच ते घरात आणि कार्यालयातही नसल्याचं समोर आलं आहे.

अमरावती जिल्ह्यातील घुईखेड येथील प्राथमिक शाळेमध्ये इयत्ता दुसरीच्या विद्यार्थ्यांना चौथीचे विद्यार्थी शिकवण्याचे व्हिडिओ व्हायरल झाला आहे. शाळेत शिक्षक गैरहजर असल्याने विद्यार्थ्यांचे विद्यार्थी शिक्षक बनले. प्राथमिक शाळेतील विद्यार्थ्यांचा यामुळे पाया कसा मजबूत होणार असा प्रश्न उपस्थित झाला आहे.

ठाकरे गटाचे नेते मिलिंद नार्वेकर आणि मुंबई क्रिकेट असोसिएशनचे (MCA) अध्यक्ष अमोल काळे यांची श्री तिरुपती देवस्थानच्या विश्वस्तपदी वर्णी लागली आहे. श्री तिरुपती देवस्थानच्या नव्या सदस्यांची यादी आंध्र प्रदेशच्या मुख्यमंत्री कार्यालयाकडून 24 ऑगस्टला यादी जाहीर करण्यात आलीये. मिलिंद नार्वेकर यांची दुसऱ्यांदा तर अमोल काळे पहिल्यांदाच सदस्य झाले आहेत.

पुणे : उपमुख्यमंत्री अजित पवार आज बारामतीत करणार मोठं शक्तीप्रदर्शन करणार आहेत. अजित पवार आज बारामती दौऱ्यावर आहेत. दौऱ्याची सुरुवात सुप्यातील नवीन पोलीस स्टेशनच्या उद्घाटनाने करणार असून थोड्या वेळात अजित पवारांच्या हस्ते पोलीस स्टेशनचं उद्घाटन होणार आहे. उपमुख्यमंत्री झाल्यानंतर अजित पवार आज पहिल्यांदाच बारामतीला आले आहेत.

पंतप्रधान नरेंद्र मोदी यांचं आज दिल्लीत भव्य स्वागत करण्यात आलं. चांद्रयान-3 मधील विक्रम लँडर जिथे उतरला, त्या जागेला शिवशक्ती पॉइंट नाव देण्यात आलय. शिव म्हणजे शुभम आणि शक्ती म्हणजे देशातील नारी शक्ती असं पंतप्रधान मोदी म्हणाले.

“मी मधल्या सीटवर झोपली होती. आगीबद्दल ऐकताच. आम्ही लगेच पळत सुटलो. खिडकीजवळ पोहोचलो. पण खिडकी बंद होती. मग आम्ही कशीबशी खिडकी उघडली. जे मागे होते ते पळाले. जे पुढे बसले होते, ते अडकले” असं मदुराई एक्सप्रेसला लागलेल्या आगीत जखमी झालेल्या रेखा म्हणाल्या.

“शरद पवार हे जे बोलतात ते करत नाहीत. तुमच्या आघडीमध्ये बिघाडी झाली आहे. उद्धव ठाकरे यांनी बडबड करणाऱ्या भोंग्यांना लाथ मारून बाहेर काढले पाहिजे” असं संजय शिरसाठ म्हणाले. “सुप्रिया सुळे यांना पुढे आणायचे आहे. अजित पवार सभा घेत आहेत, ती सभा शरद पवार यांना चॅलेंज करणारी सभा नाही. उद्धव ठाकरे जे सभा घेत आहेत, त्यातून काही होणार आहे का?. अजित पवार यांना शंभर खोके म्हणायची ताकत आहे का?” असा सवाल संजय शिरसाठ यांनी विचारला.

“कांद्याला 4 हजार रुपये भाव द्या असं विजय वेडट्टीवार म्हणत आहेत. 350 रुपयांची मदत यापूर्वी कधी केलीय का?. तोंडात येईल तो शब्द काढत आहेत. बातम्या छापून येण्यासाठी बोलू नका. शेतकरी हिताचे बोला. नाफेडबाबत डॉ भारती पवार आणि इतर सर्वांना घेऊन चर्चा करू. स्टोरेज वाढविण्यासाठी आमचा प्रयत्न आहे” असं गिरीश महाजन म्हणाले.

अजित पवारांची उद्या बीडमध्ये जाहीर सभा होणार आहे. जाहीर सभेच्या निमित्ताने अजित पवार गटाचे बीडमध्ये जोरदार शक्ती प्रदर्शन करण्यात येणार आहे. अजित पवारांच्या स्वागतासाठी संपूर्ण बीड शहरात मोठे बॅनर लावण्यात आले आहेत. बीडमध्ये लागलेल्या अजित पवारांच्या स्वागत बॅनरवरती शरद पवारांचे फोटो अद्यापही कायम आहेत. माझे फोटो वापरू नका अन्यथा, कायदेशीर कारवाई करणार असा इशारा शरद पवारांनी दिला होता.

नागपूर विभागातील आठवी आणि नववीच्या वर्गात शिकणारे तब्बल ३ हजार ४८७ विद्यार्थी मुख कर्करोग होण्याच्या उंबरठ्यावर आहेत. नागपूरातील शासकीय दंत महाविद्यालयाने केलेल्या मुख तपासणीत हे धक्कादायक वास्तव पुढे आलं आहे.

राष्ट्रवादीचे नेते शरद पवार थोड्याच वेळात घेणार शाहू समाधी स्थळाचे दर्शन घेणार आहेत. कोल्हापुरातील नर्सरी बागेतल्या समाधी स्थळाचे दर्शन घेणार आहेत अशी माहिती समजली आहे.

लोकं त्यांना जागा दाखवतील म्हणून निवडणुकांना विलंब, शरद पवारांनी भाजपला खोचक टोला लगावला आहे. आज शरद पवार कोल्हापूरात अनेक ठिकाणी भेट देणार आहेत.

भाजप आणि भाजपला पाठींबा देणाऱ्या जनतेमध्ये सध्या संभ्रम निर्माण झाला आहे. युवकांसह ज्येष्ठ नागरिकांमध्ये नाराजी आहे.महाविकास आघाडीच्या जागावाटपाबाबत लवकरचं निर्णय घेणार आहोत . राहूल गांधीच्या भारत जोडो यात्रेने विरोधकांची स्थिती सुधारली असल्याचं शरद पवार यांनी कोल्हापूरमध्ये सांगितलं आहे.

सातारा येथे राष्ट्रीय महामार्गावर कारचा भीषण अपघात होऊन तीन जण ठार तर एक व्यक्ती गंभीर जखमी झाली आहे. टायर फुटल्याने कारची टेम्पोला धडक बसून हा अपघात झाल्याचे समजते.

मुश्रीफ 18 वर्ष मंत्री होते, त्यांनी काय केलं मग ? जितेंद्र आव्हाडांचा मुश्रीफांना सवाल

इतकी वर्ष मंत्रीपद उपभोगल्यानंतरही मुश्रीफांचं रडगाणं सुरू आहे, आव्हाडांचा टोला

उपमुख्यमंत्री झाल्यावर अजित पवार आज पहिल्यांदाच बारामतीमध्ये येणार असून तेथे त्यांचा नागरी सत्कार करण्यात येणार आहे. त्यांची आज सभाही होणार आहे.

जे पक्ष सोडून गेले त्यांच्यावर टीका करून त्यांना महत्व देणार नाही, असे शरद पवार म्हणाले.

मुश्रीफांवर ईडीची कारवाई सुरू होती, ती नंतर थांबली. त्यांनी कोणाशी संवाद साधला मला माहीत नाही, अशा शब्दांत मुश्रीफांच्या प्रश्नावर पवारांनी उत्तर दिले.

येत्या 1 सप्टेंबर रोजी ‘इंडिया’ची मुंबईत बैठक होणार असल्याचे शरद पवार यांनी सांगितले. या बैठकीला विविध पक्षांचे अध्यक्ष उपस्थित राहणार असल्याचेही त्यांनी नमूद केले.

आमच्यातून काही आमदार बाजूला झाले ही वस्तूस्थिती. पण काही आमदार बाजूला गेले म्हणजे पक्षात फूट नाही. आमदार म्हणजे काही पक्ष नाही, असे शरद पवार म्हणाले.

लोकसभा निवडणुकीला कसे समोरे जावे यासंदर्भात निर्णय इंडिया आघाडीच्या बैठकीत होणार आहे, अशी माहिती राष्ट्रवादी काँग्रेसचे अध्यक्ष शरद पवार यांनी दिली. सताधाऱ्यांकडून सत्तेचा गैरवापर करुन विरोधी पक्षांना तोडण्याचा प्रयत्न केला जात असल्याचा वापर शरद पवार यांनी केला.

आम्ही अजित पवार यांच्यासोबत का गेलो? हे याआधी सांगितले आहे. आमचा हा निर्णय पक्षाच्या विस्तारासाठी आहे. हा सामूहीक निर्णय आहे. याबाबतच्या चर्चा आमच्या दैवताबरोबर झाल्या होत्या, असा दावा राष्ट्रवादी काँग्रेसचे नेते हसन मुश्रीफ यांनी केला आहे.

पुण्यात महानगरपालिकेचा अजब कारभार समोर आला आहे. महानगरपालिकेकडून रस्ता रुंदीकरणासाठी 35 झाडांची कत्तल करण्यात आली. पुण्यातील शास्त्रीनगर भागातील रस्त्यांच्या कामासाठी ही झाडे तोडण्यात आली.

पुणे महापालिकेत समाविष्ट झालेल्या गावांचा विकास आराखडा अद्याप रखडलेला आहे. 2017 साली समाविष्ट झाल्या गावांचा डीपीआर अद्याप तयार झालेला नाहीच. पुणे शहराच्या हद्दी लगतची ११ गावे २०१७ मध्ये महापालिकेत समाविष्ट झाली आहे.

अजित पवार यांचा आज बारामतीत जाहीर कार्यक्रम होणार आहे. यासंदर्भात स्थानिक वर्तमानपत्रात पुणे जिल्हा मध्यवर्ती बँकेच्या संचालकांनी जाहिरात दिली आहे. जाहिरातीत फक्त अजित पवार आणि दिलीप वळसे पाटील यांचा फोटो आहे.

तामिळनाडूमधील मदुराईमधील एका रेल्वेचा डब्यास आग लागली. या रेल्वेतील आठ प्रवाशांचा मृत्यू झाला आहे. ही रेल्वे लखनऊवरुन रामेश्वरम येथे जात होती. रेल्वेच्या टूरिस्ट कोचमध्ये ही आग लागली. सकाळी 5.15 वाजता ही घटना घडली.

तामिळनाडूमधील मदुराईमधील एका रेल्वेचा भीषण अपघात झाला. या रेल्वेच्या एका डब्यास आग लागली. या आगीत आठ प्रवाशांचा मृत्यू झाला आहे. आगीवर पूर्णपणे नियंत्रण मिळवण्यात आले आहे.

पंतप्रधान नरेंद्र मोदी यांनी इस्त्रो मुख्यालयातून तीन मोठ्या घोषणा केल्या. चंद्रावरील दोन पाईंटचे नामकरण शिवशक्ती आणि त्रिरंगा करण्यात आले. त्यानंतर २३ ऑगस्ट हा दिवस नॅशनल स्पेस डे म्हणून साजरा करण्याची घोषणा केली.

तुम्ही जो ठरवता ते करून दाखवता हे तुम्ही दाखवून दिलं आहे. देशातील जनतेचा तुमच्यावर विश्वास आहे. विश्वास कमावणे ही सोपी गोष्ट नाही. देशातील जनतेचा आशीर्वाद आहे. त्यामुळेच भारत विज्ञान आणि तंत्रज्ञानाच्या जोरावर ग्लोबल लीडर बनेल, असा विश्वास पंतप्रधान नरेंद्र मोदी यांनी व्यक्त केला.

आपण चंद्रयान मोहीम यशस्वी केलीय. हे साधारण यश नाहीये., तर अनंत ब्रह्मांडात भारताची वैज्ञानिक क्षेत्रातील उपस्थिती आहे. आज भारत चंद्रावर आहे आणि चंद्रावर भारताचा राष्ट्रीय गौरव आहे, असं मोदी म्हणाले.

पंतप्रधान नरेंद्र मोदी हे इस्रोतील शास्त्रज्ञांशी संवाद साधतान भावूक झाले होते. त्यांचा कंठ दाटून आला होता. आजचं जे यश आहे ते निव्वळ आपल्या शास्त्रज्ञांचं यश आहे, असं मोदी म्हणाले.

23 ऑगस्ट रोजी भारताने चंद्रावर तिरंगा फडकवला. त्यामुळे 23 ऑगस्ट हा दिवस ‘नॅशनल स्पेस डे’ म्हणून जाहीर केला जाईल. त्या दिवशी देशभर जल्लोष करण्यात येणार असल्याची घोषणा पंतप्रधान नरेंद्र मोदी यांनी केली.

तुम्ही संपूर्ण पिढीवर तुमच्या यशाची छाप सोडली आहे. आता कोणताही मुलगा रात्री चंद्राला पाहिल तेव्हा त्याला वाटेल माझा देश ज्या हिंमतीने पोहोचला, तीच हिंमत त्या मुलामध्ये निर्माण होईल. तुम्ही भारतीय मुलांमध्ये अपेक्षांचं बीज रोवलं आहे. उद्या त्याचं वटवृक्षात रुपांतर होईल, असं मोदी म्हणाले.

तुम्ही मेक इन इंडियाला चंद्रावर पोहोचवलं आहे. तुम्ही जे प्रयत्न केले, ते देशवासियांना माहीत झालं पाहिजे. भारताच्या दक्षिणेपासून चंद्राच्या दक्षिणे ध्रुवापर्यंतचा हा प्रवास सोपा नव्हता. मून लँडरची सॉफ्ट लँडिंग करण्यासाठी आपल्या शास्त्रज्ञांनी इस्रोने आर्टिफिशयल चंद्र बनवला. त्याची टेस्टही केली. एवढ्या परीक्षा दिल्यानंतर आपलं लँडर चंद्रावर गेलं. त्यामुळे यश मिळायलाच हवं होतं, असं मोदी म्हणाले.

जेव्हा हर घर तिरंगा आहे. प्रत्येक मन तिरंगा आहे. चंद्रावरही तिरंगा आहे. त्यामुळे चंद्रयान-2शी संबंधित जागेला तिरंगा नावाशिवाय दुसरं काय नाव राहू शकतं? चंद्रयान-2ने चंद्राच्या ज्या पॉइंटवर गेलं होतं. त्या पॉइंटला तिरंगा हे नाव दिलं जाणार आहे, अशी घोषणा मोदी यांनी केली.

चंद्रयान मोहीमेत महिला वैज्ञानिकांनी मोठी भूमिका बजावली आहे. चंद्राचा शिवशक्ती पॉइंट भारताच्या या संशोधकांच्या प्रयत्नांचा साक्षीदार होईल. हा शिवशक्ती पॉइंट येणाऱ्या पिढींना प्रेरणा देणार. आपल्याला विज्ञानाचा उपयोग मानवतेच्या कल्याणासाठी करायचा आहे. मानवतेचं कल्याण हीच आपली सर्वोच्च जबाबदारी आहे, अशी घोषणा मोदी यांनी केली.

या मिशनने चंद्राचं रहस्य उलगडेलच. पण पृथ्वीवरील समस्यांचंही निराकरण केलं जाणार आहे. चंद्राच्या ज्या भागावर आपलं चंद्रयान उतरलं. त्या स्थानाला भारताने नाव देण्याचा निर्णय घेतला आहे. ज्या स्थानावर चंद्रयान -3चं मून लँडर उतरलं आहे. त्या पॉईंटला शिवशक्ती या नावाने ओळखलं जाणार आहे, अशी घोषणा पंतप्रधान नरेंद्र मोदी यांनी केली आहे.

तुमचं कौतुक करावं तेवढं कमीच आहे. आपलं प्रज्ञान सातत्याने चालत आहे. आपल्या पायाचे ठसे चंद्रावर उमटवत आहे. मी फोटो पाहिले ते अद्भूत आहे. पृथ्वीच्या इतिहासात पहिल्यांचा चंद्राचे फोटो लोक पाहत आहे. आणि हे चित्र जगाला दाखवण्याचं काम भारताने केलं आहे. तुम्ही सर्व शास्त्रज्ञांनी केलं आहे. सर्व जग आज भारताच्या विज्ञान क्षेत्राचं आणि तंत्रज्ञानाचं कौतुक करत आहे. चंद्रयान महाभियान केवळ भारताची नव्हे तर संपूर्ण मानवजातीचं यश आहे, असं मोदी यांनी सांगितलं.

चंद्रावर पोहोचणं हा प्रेरणदायी क्षण आहे. आपलाच विजय झाल्याचं प्रत्येक भारतीयाला वाटत होतं. आपण कठीण परीक्षेत पास झाल्याचं प्रत्येक भारतीयांना वाटत होतं. आजही कौतुकांचा वर्षाव होत आहे. हे केवळ तुमच्यामुळेच शक्य झालं, असं मोदी म्हणाले.

तुम्ही चंद्रयान मोहीम यशस्वी केली ही साधी गोष्ट नाही. ही फार मोठी गोष्ट आहे. भारत आज चंद्रावर आहे ही मोओठी अभिमानाची गोष्ट आहे. हा आपल्या देश गौरवाचा क्षण आहे. जिथे कोणीच गेलं नाही तिथे आपण पोहोचलो आहोत. कुणी केलं नाही केलं ते आपण केलं. हा आजचा भारत आहे, निर्भिड भारत. नवे स्वप्न नव्या पद्धतीने पाहणारा हा भारत आहे, असं पंतप्रधान नरेंद्र मोदी म्हणाले.

मी दक्षिण आफ्रिकेत होतं. पण माझं मन तुमच्याकडे लागून राहिलेलं होतं. इस्रो सेंटरमध्ये आल्यावर मला वेगळाच आनंद वाटत आहे. भारतात येऊन लवकरात लवकर तुमचं दर्शन घ्यायचं होतं. तुम्हा सर्वांना मी सॅल्यूट करतो, असं पंतप्रधान नरेंद्र मोदी म्हणाले.

पंतप्रधान नरेंद्र मोदी इस्रो सेंटरमध्ये पोहोचले आहेत. यावेळी त्यांचं स्वागत करण्यात आलं. तर मोदी यांनीही प्रत्येक शास्त्रज्ञांचं अभिनंदन करतानाच त्यांच्याशी चर्चाही केली. इस्रो सेंटरमधील विक्रम लँडरच्या प्रतिकृतीही त्यांनी पाहिल्या आणि त्याचीही माहिती घेतली.

पंतप्रधान नरेंद्र मोदी बंगळुरूत येताच थेट इस्रो सेंटरकडे निघाले आहेत. त्यांचा रोड सो सुरू आहे. यावेळी रस्त्याच्या दुतर्फा हजारो लोक हातात तिरंगा घेऊन उभे असून मोदींचं स्वागत करत आहेत. तर मोदी या सर्वांना अभिवादन करत आहेत.

मुंबईसह ठाण्यात आज पावसाने दमदार हजेरी लावली. बऱ्याच दिवसापासून दडी मारलेल्या पावसाने आज पहाटे पहाटेच जोरदार हजेरी लावल्याने अनेक ठिकाणी पाणी भरलं आहे. त्यामुळे कामावर जाणाऱ्या चाकरमान्यांची चांगलीच तारांबळ उडाली आहे.

पंतप्रधान नरेंद्र मोदी यांची बंगळुरूत मोठी रॅली निघाली आहे. यावेळी त्यांनी देशातील जनतेशी संवाद साधला. हा संवाद साधत असताना पंतप्रधान नरेंद्र मोदी यांनी जय जवान, जय विज्ञान, जय अनुसंधानचा नारा दिला. तसेच भारत माता की जयच्याही घोषणा दिल्या.

चांद्रयान मोहीम यशस्वी केल्याबद्दल पंतप्रधान नरेंद्र मोदी हे इस्रोतील शास्त्रज्ञांचं अभिनंदन करणार आहेत. मोदी बंगळुरूत पोहोचले असून तिथून ते इस्रोच्या सेंटरमध्ये जाणार आहेत. यावेळी ते इस्रोच्या शास्त्रज्ञांना पुढच्या मिशनच्या शुभेच्छाही देणार आहेत.