Maharashtra Marathi News Live | नरेंद्र मोदी यांचा एकेरी उल्लेख, प्रकाश आंबेडकर यांचा पंतप्रधानांवर निशाणा

मुंबई | वंचितचे सर्वेसर्वा प्रकाश आंबेडकर यांनी पंतप्रधान नरेंद्र मोदी यांच्यावर हल्लाबोल केला आहे. नरेंद्र मोदी यांचा एकेरी उल्लेख करत प्रकाश आंबेडकर यांनी पंतप्रधानांवर निशाणा साधला आहे. तसेच प्रकाश आंबेडकर यांनी पंतप्रधान नरेंद्र मोदी यांची हिटलरसोबत तुलना केली.

मुंबई | राज्य सरकारच्या मंत्रिमंडळ विस्ताराबाबत मोठी माहिती समोर आली आहे. राज्यात 16 ऑक्टोबरनंतर मंत्रिमंडळ विस्तार होण्याची चर्चा आहे. घटस्थपनेनंतर हा विस्तार होणार असल्याची माहिती समोर आली आहे. मुख्यमंत्री आणि उपमुख्यमंत्र्यांकडे मंत्र्यांची यादी तयार असल्याचीही माहिती समोर आली आहे. शिवसेना आणि भाजपमधील मागच्या मंत्र्यांपैकी प्रत्येकी 2 मंत्री हटवण्यात येतील. तसेच त्याजागी आणखी 2 नवीन मंत्री त्यांची जागा घेतील. तसेच खात्यांची अदलाबदल होण्याची शक्यता आहे.

मुंबई | मुंबईत डेंग्युचा वाढता धोका पाहता पालिका प्रशासन अलर्ट मोडवर आली आहे. मुंबई महापालिकेने आतापर्यंत मलेरिया आणि डेंगी आजारांच्या प्रतिबंधासाठी विशेष शोध मोहिम राबवली. या मोहिमेअंतर्गत महानगरपालिका कार्यक्षेत्रातील 1 लाख 6 हजार 898 डासांची उत्पत्ती स्थळं नष्ट करण्यात आली. तसेच पालिकेने घरात आणि सोसायटी परिसर नियमित स्तरावर स्वच्छ ठेवण्याचं आवाहन नागरिकांना केलंय.

मुंबई | राज्यभरातील सरकारी रुग्णालयांमधील रुग्णांच्या मृत्यू प्रकरणी फक्त आरोग्य विभाग नाही, तर संपूर्ण मंत्रिमंडळ जबाबदार असल्याचा खळबळजनक दावा आरोग्यमंत्री तानाजी सावंत यांनी केला. त्यानंतर आता मुंबई काँग्रेसने आक्रमक पवित्रा घेतला आहे.गेल्या वर्षभराच्या खोटारड्या कारभारानंतर आरोग्यमंत्री पहिल्यांदा खरं बोलत असून या प्रकरणाची जबाबदारी स्वीकारत शिंदे-फडणवीस-पवार यांच्या संपूर्ण मंत्रिमंडळाने राजीनामा द्यावा, अशी मागणी मुंबई प्रदेश काँग्रेस अध्यक्षा आणि आमदार वर्षा गायकवाड यांनी केली आहे.

नितेश राणे सारख्या शेम्बड्या पोरांवर मी बोलत नाही, असे थेट सुषमा अंधारे यांनी म्हटले आहे. यावेळी मोठी टिका करताना सुषमा अंधारे या दिसल्या आहेत.

ठाकरे गटाच्या लोकाधिकार समिती महासंघाच्या संलग्न विविध समित्यांची आज तातडीची बैठक शिवसेना भवनवर सुरू आहे.  या बैठकीला खासदार अनिल देसाई व विलास पोतनीस उपस्थित आहेत.

16 आमदार अपात्र होतील नाही होतील, राष्ट्रवादीला पक्ष चिन्ह मिळेल की नाही मिळेल याच्यापेक्षा आता विधानसभा अध्यक्ष राहुल नार्वेकर हे अध्यक्ष राहण्यास पात्र आहेत का याचा आधी खटला चालला पाहिजे, असे सुषमा अंधारे यांनी म्हटले.

मुळात कोण आहेत या शालिनी ठाकरे, मला माहिती नाही. असल्या बीनमहत्वाच्या नेत्यांबद्दल मी काहीही बोलत नाही, असे थेट सुषमा अंधारे यांनी म्हटले आहे.

इस्रायली हवाई दलाच्या डझनभर लढाऊ विमानांनी आता गाझा पट्टीत अनेक ठिकाणी हमास या दहशतवादी संघटनेच्या स्थानांवर हल्ले केले आहेत.

“खूप छान वाटतंय. माझ्यावर विश्वास दाखविल्याबद्दल मी भारतीय संघ व्यवस्थापन आणि निवडकर्त्यांचे आणि खेळाशी संबंधित प्रत्येकाचे आभार मानू इच्छितो”, असं भारतीय कर्णधार ऋतुराज गायकवाड म्हणाला. आशियाई क्रीडा स्पर्धेत भारतीय क्रिकेट संघाने सुवर्ण पदक पटकावलं आहे.

मध्य प्रदेश: जबलपूरमध्ये एक बांधकाम सुरू असलेला उड्डाणपूलाचा काही भाग कोसळला. या दुर्घटनेत काही कामगार जखमी झाले आहेत. जखमी कामगारांना रुग्णालयात दाखल करण्यात आले आहे.

भारतीय वंशाची आणि अमेरिकेत राहणारी आंतरराष्ट्रीय पंजाबी गायिका जस्मिन सेडलास हिला लॉरेन्स बिश्नोईच्या नावाने जीवे मारण्याच्या धमकी मिळाली आहे. जस्मिन दिल्ली विमानतळावर पोहोचताच तिला परदेशी क्रमांकावरून जीवे मारण्याच्या धमक्या आल्या. दिल्लीतील जवाहरलाल नेहरू स्टेडियमवर लेडी सिंगरचा लाईव्ह कार्यक्रम आहे.

मुंबई | ठाकरे गटाच्या लोकाधिकार समिती महासंघाच्या संलग्न विविध समित्यांची आज तातडीची बैठक शिवसेना भवनवर होणार आहे. काही वेळात या बैठकीला सचिव खासदार अनिल देसाई, कार्याध्यक्ष आमदार विलास पोतनीस, आमदार सुनील शिंदे, सरचिटणीस प्रदीप मयेकर उपस्थित राहणार आहेत.

मुंबई | नांदेड, नागपूर आणि संभाजीनगर येथील रुग्णालयांमध्ये झालेल्या मृत्यूनंतर राष्ट्रवादी काँग्रेस पक्षाच्या शरद पवार गटाच्या कार्यकर्त्यांनी कांदिवली स्थानकाजवळ सरकारविरोधात आंदोलन केले. देवेंद्र फडणवीस मोठमोठी आश्वासने देत असतात आणि एवढी मोठी घटना घडली असून अद्याप कोणालाही अटक झालेली नाही, असे कार्यकर्ते यावेळी म्हणाले.

मुंबई | शिवसेना नेते संजय शिरसाट यांना समज दिली जाणार असल्याची माहिती सूत्रांनी दिली आहे. संजय शिरसाट यांनी देवेंद्र फडणवीस यांनी दिल्लीत जावं असं विधान केलं होतं. याच वक्तव्यावरुन त्यांना आता समज दिलं जाणार असल्याची माहिती समोर आलीय.

पुणे | दौंडचे आमदार राहुल कुल यांनी पत्रकार परिषदेत दौंड तालुक्यास स्वतंत्र प्रांत कार्यालयास मंजुरी मिळाल्याची माहिती दिली. प्रांत कार्यालय 2013-14  मध्ये दुसऱ्या आमदारांच्या मतदारसंघात का गेले याचे उत्तर विरोधकांनी द्यावे, असं राहुल कुल म्हणाले. संजय राऊत यांना सध्या काहीच काम नसल्यामुळे ते काही बोलत असतात. मनोरंजना व्यतिरिक्त संजय राऊत यांना गंभीरतेने घेण्याची गरज नाही, अशी टीका त्यांनी यावेळी केली.

इस्त्राईलवरील दहशतवादी हल्ल्याने धक्का बसला आहे. या हल्ल्यातील पीडित आणि त्यांच्या कुटुंबियासोबत आमच्या प्रार्थना आहेत. या कठीण प्रसंगात आम्ही इस्त्राईलसोबत आहोत, असे पंतप्रधान नरेंद्र मोदी यांनी स्पष्ट केले. हमास या संघटनेने हल्ला केल्यानंतर इस्त्राईलने युद्धाची घोषणा केली आहे.

मध्यप्रदेश विधानसभा निवडणुकीसाठी काँग्रेस पक्ष रणनीती, धोरण आखत आहे. या निवडणुकीसाठी उमेदवारांची नावे अंतिम करण्यासाठी दिल्लीत पक्षाच्या केंद्रीय निवडणूक समितीची बैठक सुरु आहे. यापूर्वी भाजपने मोठे फेरबदल केल्याने काँग्रेस कोणते कार्ड खेळते याकडे सर्वांचे लक्ष लागले आहे. या बैठकीला अध्यक्ष मल्लिकार्जुन खरगे, सोनिया गांधी, राहुल गांधी यांच्यासह इतर सदस्य उपस्थितीत आहेत.

अजित पवार यांना मुख्यमंत्री करण्यासाठी ताकद द्यावी लागेल असे छगन भुजबळ यांनी आवाहन केले. जिथे जिथे राष्ट्रवादीचे उमेदवार असतील, ते निवडून येतील यासाठी तयारी करावी लागेल, असे त्यांनी स्पष्ट केले. एकीकडे शिंदे गट एकनाथ शिंदे यांनाच पुढेचा मुख्यमंत्री म्हणून समोर आणत आहे, त्याचवेळी आता अजित पवार यांनी पण मुख्यमंत्री करावं यासाठी पवार गट सक्रिय झाला आहे.

कामगारचे प्रश्न सुटावेत आणि नवीन निर्णय होतात त्याची अंमलबजावणी झाली पहिजेत. कामगार सुट्टीचा एक महिना पगार घेतात मग त्यांनी एक महिना कुटुंबा सोबत सुट्टीवर गेलेच पाहिजे कारखान्यांनी ते अरेजमेंट केले पाहिजे. भाषण कामगार शिबीर पन्हाळा येथे ते बोलत होते.

नांदेड व इतर शासकीय रुग्णालयात झालेल्या मृत्यू संदर्भात योग्य ती चौकशी करून आरोग्य मंत्री तानाजी सावंत यांनी राजीनामा द्यावा अशी मागणी आज पुण्यात पत्रकार परिषद घेत महाराष्ट्र डॉक्टर्स कॉर्डिनेशन कमिटीच्या वतीनं करण्यात आली आहे. त्यासोबतच या सगळ्या प्रकरणी राज्य सरकारने योग्य ती चौकशी करावी त्यासोबतच याबाबत योग्य ती समिती स्थापन करावी अशी मागणी देखिल महाराष्ट्र डॉक्टर्स कॉर्डिनेशन कमिटीकडून करण्यात आली आहे.

सातारा जिल्ह्यातील पुसेसावळी येथे झालेल्या घटनेत पोलीसांनी गुन्हा नोंद करण्यास विलंब केल्याचा आरोप करत या सगळ्या प्रकरणाचा तपास CBI किंवा NIA कडे सोपवावा अशी मागणी भारतीय मानवाधिकार परिषदेने पुण्यात पत्रकार परिषद घेत केली आहे.

संजय राऊत हे उत्तर देण्याच्या लायकीचे नाहीत. राऊत काहीही बोलतात असं टीका फडणवीसांनी केली. मंत्रीमंडळाचा लवकरचं विस्तार होणार आहे. त्याबाबत सध्या चर्चा सुरु आहे अशी माहिती फडणवीसांनी दिली.

महाराष्ट्र नवनिर्माणसेनेच्या वतीने उत्तर पश्चिम मुंबई लोकसभा मतदार संघात लोकसभा निवडणुकीची तयारी सुरू झाली आहे. मनसे सरचिटणीस शालिनी ठाकरे आणि विभागप्रमुख संदेश देसाई यांच्या नेतृत्वाखाली महाराष्ट्र नवनिर्माण सेनाच्या पदाधिकारी आढावा बैठक घेण्यात आली.

यवतमाळ- महागाव तालुक्यातील डोंगरगाव येथे डेंगूच्या आजारामुळे दोन चिमुकल्यांचा मृत्यू. शाळा व्यवस्थापन समितीने ठराव घेऊन 20 ऑक्टोबर पर्यंत शाळा बंद ठेवण्याचा घेतला निर्णय.

महाराष्ट्र राज्य साखर कामगार प्रतिनिधी मंडळ यांचे तीन दिवसीय शिबिर पन्हाळा येथे आयोजित करण्यात आले आहे या कार्यक्रमाला प्रमुख पाहुणे म्हणून राष्ट्रवादीचे प्रदेशाध्यक्ष जयंत पाटील हजर.

विक्रोळी कांजूरमार्ग ठिकाणी असणाऱ्या कचरा डम्पिंग ग्राउंडच्या विरोधात स्थानिक नागरिक आणि शिंदे गट आक्रमक. डम्पिंग ग्राउंड मुळे होणारा त्रास आणि दुर्गंधीमुळे नागरिक हैराण परेशान. डम्पिंगच्या आत जाणाऱ्या कचऱ्याच्या गाड्या अडवण्यात आल्या. पूर्व द्रुतगती मार्ग हायवे अडवण्यात आला

उपमुख्यमंत्री देवेंद्र फडणवीस यांच्या कडून आमदार बच्चू कडु यांचं कौतुक. अकोल्याचे तत्कालीन पालकमंत्री बच्चू कडू यांच्या पुढाकाराने अकोला मध्ये हुतात्मा स्मारक उभारण्यात आले त्यांचं मी विशेष अभिनंदन करतो. देशाच्या लढ्यात योगदान देणाऱ्या सर्व शूरवीर यांना अभिवादन करतो. शहिदांच्या परिवाराचे मी आभार मानतो; तुम्ही देशासाठी तुमचा सुपुत्र दिला. अशा सुपुत्रामुळे लोकशाही अबाधित राहत आहे. आपले जवान उन्हात देखील काम करतात.अकोला हा पहिला जिल्हा असेल की सर्व शहिदाचे पुतळे एका ठिकाणी संग्रहीत केले.

सिक्कीममध्ये आलेल्या पुरात छत्रपती संभाजीनगरच्या सिल्लोडमधील 8 पर्यटक अडकले. या पर्यटकांना वाचवण्यासाठी अब्दुल सत्तार यांनी सिक्कीमच्या आयुक्तांना पत्र पाठवलं.

सध्या नाशिकच्या दौऱ्यावर असलेल्या अजित पवार यांनी वणी येथे जाऊन सप्तश्रृंगी देवीची पूजा केली. छगन भुजबळ, सुनील तटकरेही देवीच्या चरणी झाले लीन.

उपमुख्यमंत्री अजित पवार आज नाशिकच्या दौऱ्यावर आहेत. मात्र कांदा आणि टोमॅटो उत्पादकांनी अजित पवार यांचा ताफा अडवण्याचा प्रयत्न केला. ताफ्यासमोर कांदे, टोमॅटो फेकत शेतकऱ्यांनी व्यक्त केला संताप.

छत्रपती संभाजीनगर जिल्ह्यामध्ये ऑक्टोबर महिन्यातच टँकरने पाणीपुरवठा सुरू झाला आहे. संभाजीनगर जिल्ह्यात ६३ टँकरने तर संपूर्ण मराठवाड्यात ७०० टँकरद्वारे पाणीपुरवठा सुरू झाला आहे.

काँग्रेस प्रदेशाध्यक्ष नाना पटोले यांनी महाविकास आघाडीच्या समन्वय समितीत दिलेली नावं काँग्रेसच्या वरिष्ठ नेत्यांनी नाकारली असल्याची माहिती सूत्रांनी दिली आहे.  काँग्रेसच्या केंद्रीय पातळीवरील वरिष्ठांची परवानगी न घेता पटोले नाव दिल्याची माहिती सूत्रांनी दिली आहे. पटोले यांनी कळवलेली यादी अंतिम नसल्याचं मित्रपक्षांना कळवलं. के सी वेणूगोपाल यांनी शिवसेना पक्षप्रमुख उद्धव ठाकरे यांना फोन करून यादीवर केंद्रीय पातळीवरून शिक्कामोर्तब झाल नसल्याचं कळवलं असल्याची माहिती सूत्रांकडून मिळतेय.

पुण्यात परराज्यातून आलेल्या अवैध दारूचा साठा जप्त करण्यात आला आहे. राज्य उत्पादन शुल्क विभागाने ही कारवाई केली आहे.  कात्रज परिसरातून एका लगझरी बसमधून  दारूचा मोठा साठा जप्त केला गेला आहे. राज्य उत्पादन शुल्क विभागाने कारवाई करत दारूचे 15 बॉक्स जप्त केलेत. एकुण 42 लाख 90हजार रूपयांचा दारूचा साठा करण्यात जप्त आला आहे. या प्रकरणी राज्य उत्पादन शुल्क विभागाकडून तीन आरोपींना अटकही करण्यात आली आहे.

बातमी छत्रपती संभाजीनगरमधून… मराठा क्रांती मोर्चाचे समन्वयक रमेश केरे यांनी मंत्री चंद्रकांत पाटलांवर गंभीर आरोप केलेत. चंद्रकांत पाटील हे मराठा समाजाला गाजर दाखवण्याचे काम करत आहेत. दीड वर्षे झाले उपसमितीचे अध्यक्ष चंद्रकांत पाटील झोपले होते का? आंदोलन पेटल्यानंतर चंद्रकांत पाटील यांना का जाग आली? चंद्रकांत पाटील मराठा समाजाची दिशाभूल करत असल्याचा आरोप रमेश केरे यांनी केला आहे.

अजित पवार आज नाशिक दौऱ्यावर आहेत. ठिकठिकाणी त्यांचं स्वागत केलं जात आहे. अवनखेड ग्रामपंचायतींच्या जगदंबा माता भक्तनिवासाचं अजित दादांकडून भूमिपूजन करण्यात आलं. दिंडोरीच्या लखमापूर फाट्यावर क्रेनने हार घालून स्वागत केलं जातंय.

अमरावतीत विदर्भाचा राजा गणपती विसर्जन मिरवणुकीत चोरांनी मोबाईल आणि सोनसाखळीवर डल्ला मारला आहे. मिरवणुकीत 3 सोनसाखळी आणि तबल 20 मोबाईल चोरीस गेल्याच्या तक्रारी पोलिसांकडे आल्या आहेत.

आता नाशिकच्या गोदापार्कवर थिम पार्कसह रोपवेही असणार आहे. सिंहस्थ कुंभमेळ्याच्या पार्श्वभूमीवर पर्यटन स्थळांचा विकास करण्यात येणार आहे. पर्यटन स्थळे निर्मिती आणि विकसित करण्यासाठी 65 कोटींचा प्रस्ताव तयार केला आहे.

निवडणुका जवळ येतील तेव्हा अजित पवार यांना समर्थन वाढणार आहे. तसेच मुख्यमंत्री एकनाथ शिंदे यांना समर्थन वाढत असल्याचे भाजप प्रदेशाध्यक्ष चंद्रशेखर बावनकुळे यांनी सांगितले.

उद्धव ठाकरे आणि शरद पवार यांची परिस्थिती आज अशी का झाली आहे. राजकारणात काहीही होऊ शकते. याचा विचार करायला हवा. देवेंद्र फडणवीस मुख्यमंत्री व्हावे, असे भाजप कार्यकर्त्यांची इच्छा आहे, असे भाजप प्रदेशाध्यक्ष चंद्रशेखर बावनकुळे यांनी म्हटले आहे.

गडचिरोली येथील गोंडवाना विद्यापीठात सहायक प्राध्यापकांच्या रिक्त ३० जागांसाठी भरती प्रक्रियेत अंतिम निवड यादी प्रकाशित केली नाही. त्यामुळे अधिसभा सदस्यांनी भरती प्रक्रियेच्या पारदर्शकतेवर सवाल उपस्थित केले आहे.

सोलापुरात API आनंद मळाळे या पोलीस अधिकाऱ्याने जीवन संपवले. त्यांनी स्वतःच्या सर्व्हिस रिव्हॉल्वरमधून गोळी झाडून घातली. API मळाळे हे मूळचे सोलापूरचे असून सध्या नांदेड येथे पोलीस अधिकारी म्हणून कार्यरत होते.

घटस्थापनेच्या दिवशी आता मंत्रिमंडळ विस्तार मुहूर्त पाहून करावा असे इच्छुक मंत्र्यांचा सूर… 8 ते 14 तारखेच्या दरम्यान होणार होता राज्य मंत्रिमंडळाचा विस्तार परंतू आता हा विस्तार 15 तारखेनंतर होईल अशी सुत्रांची माहिती..

पुण्यातील झेड ब्रिजजवळ मोठा अपघात झाला आहे. चारचाकी वाहनाने ३-४ वाहनांना उडवत पादचाऱ्यांना धडक दिली आहे. अपघातात एकाचा जागीत मृत्यू झाला असून ३-४ जण जखमी आहे.

सुषमा अंधारे यांनी पुन्हा शालिनी ठाकरे यांच्यावर ट्विट करत टीका केली आहे. मी कधीही आणि कुठेही यायला तयार आहे.. असं ट्विटमध्ये सुषमा अंधारे म्हणाल्या आहेत. लोकांचे मृत्यू पाहून तुमच्या आतड्याला पीळ पडत नाही का? असा प्रश्न देखील सुषमा अंधारे यांनी उपस्थित केला.

नाशिकच्या स्मार्ट घोटाळ्याची तक्रार थेट पंतप्रधानांकडे करण्यात आली आहे. 800 कॅमेराचे एम्र्जन्सी ऑपरेशन सेंटर चर्चेत आहेत. 60 कोटींच्या ठेक्याची खिरापत वाटल्याची चर्चा सध्या होत आहे. स्मार्ट सिटी कंपनीकडून होणारी अनेक कामे वादात अडकली आहेत.

सरसेनापती संताजी घोरपडे साखर कारखाना मनी लॉन्ड्रिंग प्रकरणी ईडीच्या विशेष कोर्टाने हसन मुश्रीफ यांचे सीए महेश गुरव यांचा जामीन अर्ज फेटाळला आहे. मुश्रीफ यांच्यासह त्यांच्या मुलाने शेतकऱ्यांची फसवणूक केल्याचं निरीक्षण कोर्टाने नोंदवलं आहे. त्यामुळे मुश्रीफ यांच्या अडचणीत वाढ झाल्याचं सांगितलं जात आहे.

2000 रुपयांची नोट बदलून घेण्याचा आज शेवटचा दिवस आहे. उद्यापासून या नोटा बदलता येणार नाही. तसेच या नोटांची काहीच व्हॅल्यू राहणार नाही. यापूर्वी 30 सप्टेंबरपर्यंत नोटा बदलण्याची डेडलाईन देण्यात आली होती. पण आरबीआयने ही मुदत वाढवून 7 ऑक्टोबर केली होती.

पुण्यातील झेड ब्रिजजवळ मोठा अपघात झाला आहे. नारायण पेठ परिसरात झालेला हा अपघात अत्यंत विचित्र होता. चारचाकी वाहनाने 3-4 वाहनांना उडवत पादचाऱ्यांना जोरदार धडक दिली. त्यात एकाचा मृत्यू झाला तर 3 ते 4 जण जखमी झाले आहेत. याप्रकरणी मद्यपान केलेल्या चालकाला पोलिसांनी ताब्यात घेतलं आहे. पोलिसांनी गुन्हा दाखल केला असून अधिक तपास करत आहेत.

आशियाई गेम्समध्ये भारताने आज सूवर्ण कामगिरी केली आहे. भारताने आज सूवर्ण आणि कांस्य पदक पटकावलं आहे. तिरंदाजीत ज्योती वेन्नम हिने सूर्वण तर कंपाऊंड तिरंदाजीत अदिती स्वामीने कांस्य पदक पटकावलं आहे. या स्पर्धेत भारताने आतापर्यंत 23 सूवर्ण, 34 रजत, 40 कांस्य मिळून एकूण 97 पदकं पटकावली आहेत.