Independence Day Live Updates : कोरोनाचे नियम पाळा, लवकर कोरोनाला हद्दपार करु- उद्धव ठाकरे

जळगाव : देशभरात सर्वत्र स्वातंत्र्यदिनाचा 75 वा अमृतमहोत्सव साजरा होत आहे. याच दिनाचे औचित्य साधत पाचोरा तालुक्यातील शिंदाड येथे 75 वर्षांच्या सर्व ज्येष्ठ नागरिकांचा रुमाल तसेच गुलाबाचे पुष्प देऊन सत्त्कार करण्यात आला. या उपक्रमाने सर्व ज्येष्ठ नागरिक भारावले होते.

नांदेड : स्वातंत्र दिनाच्या निमित्ताने नांदेडमध्ये आज सुवर्ण कामगारांनी तिरंगा रॅली काढली.

भव्य दिव्य तिरंगा झेंड्याची ही रॅली पाहण्यासाठी नांदेडकरांनी मोठी गर्दी केली होती.

देशभक्तीच्या जोरदार घोषणाबाजीमुळे तिरंगा रॅली आकर्षण ठरली होती.

यावेळी अनेकांनी या रॅलीचे स्वागत केलं.

अकोला : जिल्हातल्या मूर्तीजापूर येथील क्रीडा संकुल येथे मूर्तीजापूरचे उपविभागीय अधिकारी अभयसिंह मोहिते यांच्या हस्ते ध्वजारोहण करण्यात आले

पुढचा स्वातंत्र्यदिन भयमुक्त, कोरोनामुक्त साजरु करु, असा सगळ्यांनी निश्चय करावा

नियमांचं पालन करणं गरजेचं आहे, तरच आपण कोरोनाला घालवू शकतो

लसीकरणाने वेग घेतलाय… काल राज्यभरात साडे नऊ लाख लोकांचं लसीकरण… राज्यात लसीकरणाचा उच्चांक….

आपण एक निश्चय करु,  मी माझं राज्य, देश कोरोनामुक्त करणारच!

कोरोनाचं संकट घोंघावतंय… आपण कोरोनाचा कहर अनुभवलाय… आरोग्य सुविधा आपण वाढवतोय… शिथीलता देत असताना ऑक्सिजनचा पुरवठा ठरवून आपण शिथिलता देत आहोत… ज्यावेळी असं लक्षात येईल, की ऑक्सिजनचा पुरवठा कमी होतोय, त्यावेळी आपल्याला नाईलाजाने लॉकडाऊन लावावं लागेल

ज्यांनी ज्यांनी स्वातंत्र्य मिळवून देण्यासाठी आपल्या प्राणाची आहुती दिली त्या ज्ञात अज्ञात हुतात्म्यांना माझं वंदन

महापुरुषांनी स्वराज म्हणजे काय, स्वातंत्र्य म्हणजे काय याचा अर्थ समजावून सांगितला

मला अभिमान आहे, महाराष्ट्रातील 4 पोलिस अधिकाऱ्यांना राष्ट्रपती पदकं मिळाली

स्वातंत्र्यदिनाचं औचित्य साधून नवी मुंबई महानगरपालिका मुख्यालयाला तिरंग्याची रोषणाई करण्यात आली आहे. ही रोषणाई नवी मुंबईकरांचे मन मोहून घेत आहे. त्याचबरोबर पनवेल येथील मुख्य रस्त्यावर असणाऱ्या आयकर भवनची विद्युत रोषणाई देखील मन मोहून घेत आहे.