राजकीय हवा कशीही असू द्या, मलबार हिलची हवा चांगली असते; मुख्यमंत्र्यांची फटकेबाजी
राजभवानातील नव्या दरबार हॉलचे आज राष्ट्रपतींच्या हस्ते उद्घाटन झाले. जुनं ते कायम ठेवून आपण ही वास्तू नव्याने उभी केली आहे. या वास्तूचं सौंदर्य अप्रतिम असंच आहे. पुन्हा एकदा नव्या दमाने ही वास्तू उभी आहे.
मुंबई: राजभवानातील (rajbhavan) नव्या दरबार हॉलचे आज राष्ट्रपतींच्या (president) हस्ते उद्घाटन झाले. जुनं ते कायम ठेवून आपण ही वास्तू नव्याने उभी केली आहे. या वास्तूचं सौंदर्य अप्रतिम असंच आहे. पुन्हा एकदा नव्या दमाने ही वास्तू उभी आहे. या परिसरातील हवा खूप थंड असते. राजकीय हवा कशीही असू द्या. पण मलबार हिलची हवा चांगली असते, अशी टोलेबाजी मुख्यमंत्री उद्धव ठाकरे यांनी आज केली. राष्ट्रपती रामनाथ कोविंद (ramnath kovind) यांच्या हस्ते आज राजभवनातील नव्या दरबार हॉलचं उद्घाटन करण्यात आले. यावेळी मुख्यमंत्री उद्धव ठाकरे बोलत होते. यावेळी राज्यपाल भगतसिंह कोश्यारी. उपमुख्यमंत्री आदित्य ठाकरे आणि सार्वजनिक बांधकाम मंत्री अशोक चव्हाण आदी मान्यवरांसह आघाडीतील अनेक नेते उपस्थित होते.
नव्या वास्तूचं सौंदर्य अप्रतिम असं आहे. तुम्ही पुन्हा एकदा नव्या दमाने ही वास्तू उभी केली आहे. कदाचित हे देशातील सर्वोत्तम राजभवन असेल. या वास्तुला 50 एकरची जागा लाभली आहे. एका बाजूला अथांग समुद्र आहे. दुसऱ्या बाजूला गर्द हिरवीगार झाडी आहेत. या परिसरातील हवा थंड असते. राजकीय हवा कशी असू द्या. पण मलबारहिलची हवा चांगली असते, असा टोला मुख्यमंत्री उद्धव ठाकरे यांनी लगावला. या आवारात मोरही आहेत. विषारी नागही आहेत. सर्प मित्रांनी नागांचे पकडलेले फोटो आपण पाहतच असतो, असंही ते म्हणाले.
वास्तू नव्या दमाने सज्ज
या संपूर्ण वास्तूचं वर्णन करायचं म्हणजे जुना वारसा कायम ठेवून आपण आधुनिकीकरणाकडे जात आहोत. या वास्तूने ऊन, वारा आणि पावसाचा तडाखा सोसला आहे. त्यामुळे वास्तूची थोडी नासधूस होते. म्हणून वास्तूची रचना कायम ठेवून ही वास्तू आपण जपली आहे. आपण जुन्याची मोडतोड करून नव्याकडे जात असतो. पण आपली संस्कृती आपण जपली पाहिजे. आपण मॉर्डन तर आहोतच. मॉर्डन व्हायचं आहे. पण संस्कृतीही जपायची आहे. पारतंत्र्याच्या घडामोडी बघणारी वास्तू आता लोकशाहीच्या सशक्त अशा पुढच्या घडामोडी पाहण्यासाठी नव्या दमाने सज्ज झाली आहे, असं ते म्हणाले. नव्या वास्तूत चांगल्या घटना घडतील. आनंददायी घटना घडतील अशी अपेक्षा करतो, असंही ते म्हणाले.
36 जिल्हे 50 बातम्या | 11 February 2022 pic.twitter.com/rDcm3KOJ8Q
— TV9 Marathi (@TV9Marathi) February 11, 2022
संबंधित बातम्या:
Maharashtra News Live Update : आपल राजभवन देशातील सर्वोत्तम राजभवन, इथली हवा शांत : उद्धव ठाकरे