नाशिकच्या काँग्रेस-भाजप संघर्षात राष्ट्रवादीची एन्ट्री, दिलीप वळसे यांनी डिवचले राष्ट्रवादीला

दिलीप वळसे पाटील

मुंबई : पाकळ्या मिटून घेण्याचं हे नवं ऑपरेशन कमळ म्हणावं का? असा सवाल करत राष्ट्रवादी काँग्रेसचे ज्येष्ठ नेते आणि माजी गृहमंत्री दिलीप वळसे पाटील यांनी ट्वीट करत भाजपला चांगलेच डिवचले आहे. नाशिक विधान परिषद निवडणुकीत (vidhan Sabha election)भाजपने उमेदवार दिला नाही. यामुळे भाजपचे हे ऑपरेशन कमळ आहे का?  असा सवाल दिलीप वळसे यांनी विचारला. सुधीर तांबे (sudhir tambe) यांना काँग्रेसकडून उमेदवारी जाहीर झालेली असताना सत्यजित तांबे यांनी अपक्ष उमेदवारी अर्ज दाखल केला आहे. आता या मागे भाजप आहे का? ही चर्चा सुरु झाली आहे. त्यावर दिलीप वळसे पाटील यांनी ट्विट करत निशाणा साधला आहे.

भाजपने नाशिक पदवीधर मतदारसंघातून अधिकृत उमेदवार उभा केला नाही तर दुसरीकडे कॉंग्रेसचे उमेदवार डॉ. सुधीर तांबे यांनी अर्ज दाखल न करता त्यांचा मुलगा सत्यजित तांबे यांच्यासाठी माघार घेतली त्यामुळे या निवडणुकीत नवीन ट्वीस्ट आल्याचे पहायला मिळाले. दरम्यान नाशिक पदवीधर मतदारसंघात भाजपने अखेरच्या क्षणापर्यंत एबी फॉर्म कुणालाही दिला नाही किंवा अधिकृत उमेदवारही घोषित केला नाही असे ट्वीटमध्ये दिलीप वळसे पाटील यांनी म्हटले आहे.

फडणवीस यांनी काय म्हटले होते :

नाशिकमध्ये महिन्याभरापुर्वी एक कार्यक्रम झाला होता. त्या कार्यक्रमात देवेंद्र फडणवीस (devendra fadnavis) यांनी सत्यजित तांबे यांच्यांवर आपली नजर असल्याचे म्हटले होते. कारण नाशिकमध्ये भाजपने आपला उमेदवार अजून दिला नाही. अर्ज भरण्यासाठी फक्त एक दिवस बाकी आहे. भाजपने इतर चार जागांवर उमेदवार जाहीर केले आहे. फक्त अपवाद नाशिकचा आहे. दुसरीकडे नाशिकमध्ये सुधीर तांबे यांना कॉंग्रेसकडून उमेदवारी जाहीर झालेली असतानाही सत्यजित तांबे यांनी अपक्ष उमेदवारी अर्ज दाखल केला आहे. यामुळे फडणवीस यांनी जे सांगितले, ते आता प्रत्यक्षात उतरणार आहे की काय? ही चर्चा आहे.