ST Strike: आता एकच निर्धार 10 नोव्हेंबरपासून मंत्रालयाच्या दारातच थाटू संसार, गोपीचंद पडळकरांचा ठाकरे सरकारला इशारा
महाराष्ट्र राज्य परिवहन महामंडळ म्हणजेच एसटीच्या कर्मचाऱ्यांनी विविध मागण्यांसाठी संप पुकारला आहे. राज्यातील जवळपास 59 आगारांमध्ये संप सुरु आहे. एसटीचं राज्य सरकारी विभाग म्हणून विलीनीकरण करण्याच्या प्रमुख मागण्यासाठी संप सुरु केलाय.
मुंबई: महाराष्ट्र राज्य परिवहन महामंडळ म्हणजेच एसटीच्या कर्मचाऱ्यांनी विविध मागण्यांसाठी संप पुकारला आहे. राज्यातील जवळपास 59 आगारांमध्ये संप सुरु आहे. एसटीचं राज्य सरकारी विभाग म्हणून विलीनीकरण करण्याच्या प्रमुख मागण्यासाठी संप सुरु केलाय. एसटीच्या संपावरुन भाजप आमदार गोपीचंद पडळकर आक्रमक झाले आहेत. गोपीचंद पडळकर यांनी मुख्यमंत्री उद्धव ठाकरे आणि महाविकास आघाडी सरकारवर एसटी कर्मचाऱ्यांच्या आत्महत्यांवरुन टीका केलीय. मराठी माणसांच्या मुद्यावर राजकारण करायचे आणि संकटात त्यांच्या कुटुंबाला वाऱ्यावर सोडायचे, अशी टीका पडळकर यांनी केलीय. एसटी कर्मचाऱ्यांच्या मागण्या मान्य झाल्या नाही तर 10 नोव्हेबंर रोजी मंत्रालयात आंदोलन करणार असल्याचा इशारा गोपीचंद पडळकर यांनी दिलाय.
28 कर्मचाऱ्यांच्या आत्महत्या तरी अबोला सुटेना
महाराष्ट्रातील एसटी कर्मचाऱ्यांपैकी मागील काही दिवसात 31 मराठी एसटी कर्मचाऱ्यांनी आत्महत्या करण्याचा प्रयत्न केला. तीन जणांचे प्राण देवच्या कृपने वाचले. 28 कर्मचाऱ्यांना जीव गमवावा लागला, तरी तरी या ठाकरे सरकारचा अबोला सुटत नाही, असा आरोप गोपीचंद पडळकर यांनी केला.
एसटी कर्मचाऱ्यांच्या दारात जाऊन त्यांचे अश्रु पुसणं तर सोडा. साधे दोन ओळीचे सांत्वनाचे पत्रही मुख्यमंत्र्यांनी पाठवले नाही. मराठी माणसाच्या भरवश्यावर आपले राजकारण करायचे आणि संकटात असताना त्याला व त्याच्या कुटुंबाला वाऱ्यावरती सोडायचे, हाच यांचा मराठी बाणा आहे, अशी टीका गोपीचंद पडळकर यांनी केली आहे.
दोन ओळीचे सांत्वनाचे पत्रही #मुख्यमंत्र्यांनी पाठवले नाही.
#एसटी_कर्मचाऱ्यांनो
आता एकच निर्धार 10 नोव्हेंबरपासुन मंत्रालयाच्या दारातच थाटू संसार.
आता #आत्महत्येचं पाऊल कुणीही उचलू नका.कारण आता लढायचंय आणि लढण्यासाठीचं जगायचंय.. #CMOMaharashtra#BJPMaharashtra #MSRTC pic.twitter.com/mwHMOm2r7J— Gopichand Padalkar (@GopichandP_MLC) November 5, 2021
10 नोव्हेंबरला मंत्रालयाबाहेर संसार थाटू
ठाकरे सरकारच्या मनात एसटी कर्मचाऱ्यांचे संसार उघड्यावरतीच आणायचे असतील, तर मी समस्त एसटी कर्मचाऱ्यांना आवाहन करतो. चला आपला संसार आपल्या पोरा-बाळांसहीत येत्या 10 नोव्हेंबरपासून मंत्रालयाच्या आवारातच उघड्यावर थाटू, असं गोपीचंद पडळकर यांनी म्हटलं आहे. आपण आपलं 10 तारखेचं आंदोलन लोकशाही मार्गानं लढू आणि जिंकूही. पण, या आंदोलनाला कोणतही गालबोट लागता कामा नये, याची काळजी आपण सर्व एसटी कर्मचाऱ्यांनी व त्यांच्या कुटुंबीयांनी घ्यायची आहे, असं गोपीचंद पडळकर म्हणाले.
आता एकच निर्धार मंत्रालयाच्या दारातच थाटू संसार, असं आवाहन गोपीचंद पडळकर यांनी एसटी कर्मचाऱ्यांना केलं आहे. आता आत्महत्येचं पाऊल कुणीही उचलू नका, कारण आता लढायचंय आणि लढण्यासाठीचं जगायचंय, जयहिंद,जय महाराष्ट्र, जय मल्हार, असं गोपीचंद पडळकर म्हणाले आहेत.
इतर बातम्या:
Gopichand Padalkar appeal to ST Workers if Thackeray Government not solve issue we will protest at Mantralaya
