Mumbai Avighna Tower Fire Live | मुंबईतल्या अविघ्न इमारतीतील आग आटोक्यात आणण्यात अग्निशमन दलाला यश

मुंबई : उंच इमारतीच्या आगीच्या संदर्भात घटना वाढत आहेत. यावर महापालिका प्रशासन निश्चित धोरण तयार करणार आहे. उंच इमारती होतात तेव्हा फायर सेफ्टी महत्त्वाची आहे. स्प्रिंग आणि हायड्रोलिक वॉटर सिस्टीम तिथं कार्यरत होती हे प्रत्यक्षात जाणवलं आहे.इमारतीच्या आगीच्या दुर्घटनेची चौकशी तर होणारच आणि कारवाई ही होणार, असे महापोर किशोरी पेडणेकर यांनी सांगितलं.

अशा ठिकाणी आम्ही थोडे मागे राहतो. पण थोडं समजून घेणं गरजेचं आहे. या घटना घडणं चुकीचं आहे. कधीकधी फायरब्रिगेड, पोलीस, वॉचमॅन थोडं कठोरपणे वागतात. आग लागल्यानंतर इतरांना वाचवणं गरजेचं आहे. फायर रिफ्यूजर आणि फायर हायड्रिंग सिस्टिम हे आग विझविण्यासाठी तसेच मोठी आग लागून नये यासाठी महत्त्वाचे आहेत.

मुंबईतल्या अविघ्न इमारतीतील आग आटोक्यात आणण्यात अग्निशमन दलाला यश

सुमारे दोन ते अडीच तासांच्या अथक परिश्रमानंतर आग आटोक्यात

आगीत एकाचा मृत्यू, सुदैवाने दुसरी कोणतीही जीवितहानी नाही

नागरिकांचं रेस्क्यू ऑपरेशन व्यवस्थितपणे

आग लागली तेव्हा आम्ही घरात होतो. पण धुराचे लोट पसरल्याने काही तरी जळाल्यासारखा वास आला. ही दुर्गंधी अधिकच वाढल्याने आम्ही खिडकी आणि दरवाजा उघडून पाहिल्यानंतर आमच्याच सोसायटीला आग लागल्याचे दिसले. धुराच्या लोटाने परिसर काळवंडून गेला होता. हे दृश्य पाहून काळजात धस्स झालं अन् आम्ही आहे त्या अवस्थेत घरातून तात्काळ बाहेर धाव घेतली… करीरोडच्या अविघ्न पार्क सोसायटीत राहणाऱ्या व्यक्तीने आँखो देखी सांगितली.

अविघ्न इमारतीच्या 19 व्या आणि 20 व्या मजल्यावर आग जास्त पसरली
काहीच मिनिटांमध्ये महापालिकेचे अग्निशमन दलाचे अधिकारी दाखल झाले
आग विझवण्यावर आणि लोकांच्या रेस्क्यूवर जास्तीत जास्त भर दिला
याप्रकरणी जो कुणी दोषी असेल त्यांच्यावर कडक कारवाई करु
अनधिकृत बांधकामांवर कारवाई होणारच, कुणालाही अभय नाही
आगीची संपूर्ण चौकशी केली जाईल, चौकशीनंतर दोषींवर कारवाई करु

अविघ्नला लागलेल्या आगीमुळे मोनोसेवा बंद करण्यात आलेली आहे. कारण इमारतीला लागूनच मोनोसेवेचा ट्रॅक आहे. खबरदारी म्हणून मोनोसेवा तूर्तास बंद करण्याचा निर्णय घेण्यात आहे.

avighna park Fire photo

अग्निशमन दलाचे लोक शिडी लावून चढेपर्यंत अरुण तिवारीचा हात खाली निसटला आणि तो खाली पडला. बहुतेक 19 व्या मजल्यावर फर्निचरचं काम सुरु होतं. यातून आग लागल्याची माहिती आहे. सोसायटीतले लोक सांगतायत त्यांची वॉटर सिस्टम चालू नव्हती. दरवेळी महापालिका काय करेल, सगळ्या सिस्टम आहेत. पण सिस्टम वर्किगमध्ये ठेवलं नाही. इमारतीचे जे कोणी मॅनेजमेंट आहेत, ते प्रथमदर्शनी दोषी दिसतायत. त्यांच्यावर कारवाई झाली पाहिजे, असं महापौर पेडणेकर म्हणाल्या.

करी रोड आणि लोअर परेल स्टेशनजवळ असलेल्या अविघ्न टॉवर या साठमजली इमारतीमध्ये 19 व्या मजल्यावर आग लागली. आगीनंतर इमारतीतून जीव वाचवण्याचा प्रयत्न करणारा एक रहिवासी बाहेर लटकत होता. मात्र यावेळी तो उंचावरुन खाली पडल्याने त्याचा दुर्दैवीरित्या मृत्यू झाला आहे. अरुण तिवारी असं त्याचं नाव आहे.

अविघ्न पार्कमधील 19 मजल्यावर आग आगली. मी रहायला 20 व्या मजल्यावर आहे. मला जसंही आगीचे लोट दिसले, तसंही मी लगोलग खाली उतरले. इतरांनाही आगीची माहिती दिली. आगीची भीषणता खूपच होती. माझ्या माहितीप्रमाणे 19 व्या मजल्यावर कुठेतरी फर्निकरचं काम सुरु होती. त्यावेळी आग लागली. परंतु बिल्डिंगमध्ये ऑटोमॅटिक फायर सिस्टम आहे. रहिवासी इमारत असल्याने नागरिक अडकल्याची भीती व्यक्त करण्यात येत आहे. परंतु रेस्क्यू ऑपरेशन जवळपास पूर्ण झालेलं हे. नागरिक अडकल्याची भीती राहिलेली नाही.

भीषण आग लागली आहे. सध्या महापालिकेचे अग्निशमन दलाचे अधिकारी दाखल झाले आहेत. रेस्क्यू ऑपरेशन सुरु झालं आहे. मात्र इतकी मोठी इमारत असूनही आगीनंतरची काही यंत्रणा तिथे उपलब्ध होती, असं चित्र दिसलं नाही. मी आता घटनास्थळी आहे. अधिकाऱ्यांना सूचना दिलेल्या आहेत.

आग हळूहळू अनेक मजल्यांवर पसरतीय. 19 ते 25 मजल्यांवरती सध्या आग आहे. परंतु वाऱ्याचा वेग जास्त असल्याने आग जोरात पसरतीय. लोकांना बाहेर काढण्यासंबंधी तत्काळ अधिकाऱ्यांना सूचना दिल्या आहेत. अधिकारी काम करत आहेत, अशी माहिती मुंबईच्या महापौर किशोरी पेडणेकर यांनी दिली आहे.

अविघ्न बिल्डिंमधील 19 व्या मजल्यावर आग
इमारतीतील नागरिकांचं रेस्क्यू ऑपरेशन सुरु
महापालिकेडून रेस्क्यू ऑपरेशनला सुरुवात
अग्निशमन अधिकारी घटनास्थळी दाखल
अनेक जण इमारतीत अडकल्याची माहिती