Maharashtra Rain Live | बिपीन रावत यांनी माझ्या विनंतीवरून नौदलास मदत करण्याचे निर्देश दिले : संभाजीराजे

चिफ ऑफ डिफेन्स स्टाफ जनरल बिपीन रावत यांनी माझ्या विनंतीवरून नौदलास महाराष्ट्र पूरस्थिती मदतकार्यासाठी तैनात होण्याचे व सर्वतोपरी मदत करण्याचे निर्देश दिले आहेत, असं खासदार संभाजीराजे म्हणाले.

पुणे :

कोल्हापूर जिल्ह्यानंतर आता पुणे जिल्ह्यातही पुराचं थैमान

पुणे जिल्ह्यात 420 गावं पुरानं बाधित,

आतापर्यंत दोन व्यक्तीचा झाला मृत्यू

तब्बल 700 लोकांना प्रशासनानं केलं स्थलांतरित,

3 हजार 114 हेक्टरवरती झालं पिकांच नुकसान,

तर 6 जनावरे पाण्यात गेली वाहून,

मुळशी आणि वेल्हा तालूक्याला मोठा फटका ,

साताऱ्यात कैलास स्मशानभूमीत शिरलं पुराचं पाणी, अंत्यसंस्कार सुरु असाताना पूर आला, साताऱ्याच्या संगम माहूली येथील संबंधित प्रकार घडला, यावेळी कर्मचाऱ्यांची प्रचंड धांदल उडाली

मुंबई : मुंबईच्या सायन-कोळीवाडा परिसरामध्ये चार मजली इमारतीचा काही भाग कोसळल्याची माहिती समोर आली आहे. बिल्डींग नंबर 10 अशी हाी इमारत आहे. या परिसरामध्ये एकूण 25 अशी जुनी इमारत आहेत. जुनी आणि धोकादायक असल्यामुळे संबंधित इमारत मुंबई महानगरपालिकाने आधीच खाली केली आहे. इमारत रिकामी असल्याने यामध्ये रहिवासी अडकायची शक्यता कमी आहे. सध्या मुंबई पोलिसांच्या टीम घटनास्थळावर दाखल होऊन अधिक माहिती घेत आहेत.

पालघर जिल्ह्यात संततधार पावसामुळे उपटलेल्या विद्युत खांबांच्या दुरुस्तीसाठी नवीन लाईन टाकत असताना आज संध्याकाळी दोन लाईनमेन पालघर तालुक्यातील वैतरणा नदीपात्रात अडकले होते. त्या दोघांना सुखरूप बाहेर काढण्यात एनडीआरएफला यश आलं आहे .

तटरक्षक दलामार्फत चिपळूण, महाडला मदतकार्य
खाद्यपदार्थ, पाणी हेलिकॉप्टरमधून टाकले जात‌ आहे
दोन्ही शहरात पावसाचा हाहाकार

बारामती : नीरा देवधर धरण क्षेत्रात पावसाचा जोर कायम
– दिवसभरात ११७ मिमी पावसाची झाली नोंद
– सायंकाळी पावर हाऊसमधून ८०० क्युसेक पाण्याचा विसर्ग
– धरणातून अद्याप पाण्याचा नियमीत विसर्ग नाही
– पावसाचा जोर कायम असल्याने दक्षता घेण्याचं आवाहन

सिंधुदुर्ग : जिल्ह्यातील २९० कुटुंबांचे सुरक्षित स्थळी स्थलांतर, २९० कुटुंबातील १२७१ व्यक्तींचे स्थलांतर करण्यात आल्याची माहिती जिल्हा प्रशासनाकडून देण्यात आली आहे. यामध्ये दोडामार्ग तालुक्यातील १०७ कुटुंबातील ४२५ व्यक्ती तर सावंतवाडीतील ८४ कुटुंबातील ४५१ व्यक्ती व कुडाळ तालुक्यातील ७२ कुटुंबातील २७३ व्यक्सींह इतर अन्य तालुक्यातील आहेत. ओरिसा वरून निघालेल्या NDRF च्या दोन टीम गोव्यात पोचल्या असून तिथून त्या टीम सिंधुदुर्गकडे येण्यास निघाल्या असल्याची माहिती प्रशासनाकडून देण्यात आली आहे.

गडचिरोली : इंद्रावती नदीला पूर आल्यामुळे छत्तीसगड-महाराष्ट्र राष्ट्रीय महामार्ग बंद झाला आहे.  छत्तीसगड राज्यातून उगम पावणारी नदी इंद्रावती नदीला मोठा पूर आलेला आहे. यामुळे जगदलपुर ते निजामबाद हा राष्ट्रीय महामार्ग महाराष्ट्र राज्यात प्रवेश करतो. पाहतागुडम सोमनपल्ली गावातील मार्गावर तीन फुट पाणी असल्यामुळे मार्ग बंद आहे. या राष्ट्रीय महामार्गावरून कोणी प्रवास करू नये. पाण्याचा प्रभाव सर्वात जास्त असल्यामुळे गडचिरोली जिल्हा प्रशासनाकडून अलर्ट करण्यात आला आहे. महाराष्ट्राच्या अंतिम सीमेवरून गडचिरोली जिल्ह्यातील सिरोंचा तालुक्यातील सोमंपल्ली इथुन मार्ग बंद आहे.

महाराष्ट्रातील पूर परिस्थितीच्या पार्श्वभूमीवर राष्ट्रवादीच्या खासदार सुप्रिया सुळे यांनी केंद्रीय गृहमंत्री अमित शाह यांची भेट घेतली. यावेळी शिवसेनेचे खासदार प्रियंका चतुर्वेदी आणि अनिल देसाई देखील होते. या भेटीत पूराच्या पार्श्वभूमीवर मदतीविषयी चर्चा झाल्याची माहिती समोर आली आहे. यावेळी शाह यांनी सर्वतोपरी मदतीचं आश्वासन दिलं.

सोलापूर :

अलमट्टी उपडेट :

अलमट्टी धरणातून केला जाणारा विसर्ग आणखी वाढवला

तब्बल 3 लाख क्यूसेकने पाण्याचा विसर्ग सुरू

सकाळी 2 लाख क्यूसेक गतीने सुरू होता विसर्ग

कराड : खंडोबाची पाली गाव पाण्याखाली, दुपारपासून ढगफुटी सदृष्य पावसाने तारळी नदीला पूर, प्रथमच पाली गावात शिरले पुराचे पाणी, खंडोबा मंदिर जलमय झालं आहे, तारळी धरणातूनही सुरु आहे पाणी विसर्ग

कोयना धरणातून सकाळी सोडलेल्या पाण्याने कराडच्या कृष्णा कोयना नदीच्या  पाणी पातळी वाढ झाली आहे. कराडच्या प्रीतिसंगमावर यशवंतराव चव्हाण यांच्या समाधीला पाणी लागले  असून प्रीतीसंगम  बाग पूर्णपणे पाण्याखाली गेली आहे तर कृष्णामाई घाटावरील मंदिरे निम्म्याहून अधिक पाण्याखाली आहेत.

रायगड : सावित्री नदीचा प्रवाह पुन्हा वाढला, नदीपात्राबाहेर पाणी जाऊन वाहत आहे, आजूबाजूच्या गावांना पुन्हा धोका, सुरक्षितस्थळी स्थलांतरित होण्याचं प्रशासनाकडून आवाहन

कराड : कोयना धरणातून सकाळी सोडलेल्या पाण्याने कराडच्या कृष्णा कोयना नदीच्या पाणी पातळी वाढ झाली आहे. कराडच्या प्रीतिसंगमावर यशवंतराव चव्हाण यांच्या समाधीला पाणी लागले असून प्रीतीसंगम बाग पूर्णपणे पाण्याखाली गेली आहे तर कृष्णामाई घाटावरील मंदिरे निम्म्याहून अधिक पाण्याखाली आहेत.

कोयना धरणाचे सहा वक्री दरवाजे 10 फुटावर, एकूण 53360 क्युसेक पाणी विसर्ग कोयना नदी पात्रात सुरू

कोल्हापूर :

पुणे- बंगळुरू महामार्गावर शिरोली नाक्याजवळ महामार्गावर पाणी

थोड्याच वेळात महामार्गवरची वाहतूक पूर्णपणे बंद होणार

पंचगंगेची पाणी पातळी 53 फुटांच्यावर पोहचली

कोल्हापूर शहरातून पुणे-बंगलोर महामार्गकडे जाणारे सर्व रस्ते सुद्धा झाले बंद

रायगड : पोलादपूर तालुक्यातील केवनाळे, गोवेले सुतारवाडी येथे भूस्खलन झाले आहेत. यामध्ये दरडीखाली 11 जणांचा मृत्यू झाला आहे. तर 13 जखमींवर उपचार सुरु आहेत. त्याआधी महाड तालुक्यातील तळीये गावात भूस्खल होऊन आतापर्यंत 38 जणांचा मृत्यू झाला आहे. तर तिकडे साताऱ्यातील आंबेघरमध्ये दरड कोसळून 12 जणांचा मृत्यू झाला. त्यामुळे या तिन्ही घटनांतील मृतांचा आकडा आता 61 वर गेला आहे.

रायगड :

महाड तालुक्यातील आकले भोरावमध्ये जीवितहानी झालेली नाही, सर्व सुरक्षित आहेत.

परंतु अंदाजे 20 गुरे वाहून गेलीत. नुकसान जास्त झाले आहे, कपडे,अन्नधान्य काहीच राहिले नाही.

महाड तालुक्यातील तळई गावामध्ये काल रात्री दरड कोसळली होती.

आज सकाळी येथे एनडीआरएफ आणि स्थानिक नागरिकांच्या मदतीने बचावकार्याला सुरुवात झाली.

आतापर्यंत मातीच्या ढिगाऱ्याखालून 36 मृतदेह बाहेर काढण्यात आले आहेत.

तर आणखी 30 ते 40 जण या ठिकाणी अडकले असण्याची शक्यता व्यक्त करण्यात येत आहे.

या दरडीखाली 30 ते 35 घरे दबल्याची भीती होती. मात्र पूरपरिस्थितीमुळे सर्व रस्ते बंद असल्याने बचावकार्य सुरु करण्यात आले नव्हते.

आज सकाळी पूराचे पाणी ओसरायला लागल्यानंतर लगेचच या ठिकाणी स्थानिकांच्या व एनडीआरएफच्या मदतीने बचावकार्य सुरु करण्यात आले.

महाराष्ट्रातील विविध भागांमध्ये पावसाने दाणादाण उडवली आहे. रायगड (Raigad) जिल्ह्यातही पावसाने हाहाःकार उडवला असताना मोठी दुर्घटना घडली आहे. दरड कोसळून (Raigad Landslide) तब्बल 32 जणांचा मृत्यू झाल्याची माहिती आहे. महाड तालुक्यातील तळई गावात (Talai Village) ही भीषण दुर्घटना घडली. तुफान पावसामुळे 35 घरांवर दरड कोसळली असून 80 ते 85 जण ढिगाऱ्याखाली अडकल्याची भीती आहे. या भीषण दुर्घटनेनंतर NDRF कडून बचावकार्य सुरु आहे.

गडचिरोली जिल्ह्यात पुन्हा मुसळधार पावसाला सुरुवात

गडचिरोली जिल्ह्यातील सीमावर्ती भागात आणि तेलंगाना राज्यात मुसळधार पाऊस काल रात्रीपासून सुरू आहे

सकाळी काही तासासाठी पावसाने विश्रांती घेतली असली तरी पुन्हा मुसळधार पावसाला सुरुवात झालेली आहे

या पावसाच्या फटका अनेक नद्या व नाल्यांना बसत आहे

उद्या मुंबईकडे होणारा गोकूळचा दूध पुरवठा बंद राहणार

कोल्हापूर जिल्ह्यातील पूर परिस्थितीचा गोकुळ दूध संकलनावर परिणाम

काल 76 हजार लिटर संकलन घटल

आज तब्बल दहा ते अकरा लाख लिटर संकलन घटण्याचा अंदाज

पूर परिस्थितीमुळे ग्रामीण भागातील बहुतांशी रस्ते बंद असल्यामुळे गोकुळच्या दूध संकलन आणि विक्री वर देखील परिणाम

अध्यक्ष विश्वास पाटील यांची माहिती

साताऱ्यात देवरुखवाडीवर दरड कोसळून पाच घरं मातीच्या ढिगा-या खाली,

27 नागरिकांना सुखरूप बाहेर काढण्यात यश, 2 महिला अद्याप बेपत्ता

कोयनेचा विसर्ग वाढवला

धरणाचे सहा दरवाजे पाच फुटांवर

23714 कयुसेक पाणी विसर्ग नदीपात्रात सुरू

धरणात 78.31tmc पाणीसाठा झाला

जिल्ह्यात सरासरी 150 मिलीमीटर पाऊस झालाय

गरज भासल्यास एनडीआरएफ च्या आणखी दोन टीम मागणवार

आज रात्री पर्यंत पंचगंगा नदी 53 फुटांवर जाण्याचा अंदाज आहे

दुर्दैवाने एक 2019 सारखी परिस्थिती येत आहे

स्थलांतर मोठ्या प्रमाणावर केलंय

आज संध्याकाळी पर्यंत राधानगरी धरणाचे स्वयंचलित दरवाजे उघडतील

याचा फटका काही प्रमाणात बसणार आहे

सिंधुदुर्ग : पहाटे पासून पावसाचा जोर ओसरला. मात्र अजून सखल भागात पाणी
जिल्ह्यात मागील २४ तासात १३७ मिमी पावसाची नोंद
जिल्ह्यात सर्वात जास्त पाऊस वैभववाडी तालुक्यात २१९ मिमी पडला
तर सावंतवाडी तालुक्यात २१० मिमी पावसाची नोंद

सिंधुदुर्ग : राञी उशीरा झालेल्या ढगफूटी सदृश्य पावसामुळे अनेक ठिकाणी रस्त्यावर पाणी.
कुडाळ मधील माणगाव खो-यातील सर्वच नद्यांना आला पूर
अनेक रस्ते गेले पाण्याखाली
पावसाने आता विश्रांती घेतली असली तरी अनेक ठिकाणी सकल भागात पाणी
अनेक ठिकाणी विद्युतपुरवठा खंडीत…

कोल्हापूर जिल्ह्याची पूरस्थिती गंभीर रूप घेतीय. पुणे-बेंगलोर महामार्गालगत असणार्‍या नद्यांची पाणी पातळी वाढल्याने महामार्गावरची वाहतूक बंद करण्यात आलेली आहे. वाहनांच्या पाच किलोमीटरपर्यंत लांबच लांब रांगा लागलेल्या आहेत.

पंचगंगा नदीची पाणीपातळी अजूनही झपाट्याने वाढतेय

पाणी पातळी वाढत राहिल्यास परिस्थिती गंभीर बनेल

इंडिया रेप टीमचे प्रमुख ब्रिजेश रैकवार यांनी व्यक्त केली भीती

महाडमधील चवदार तळे, शहर, बाजारपेठ परिसरातील पूरस्थिती

पंचगंगा नदीने रात्री ओलांडली धोक्याची पातळी

पंचगंगा नदीचे पाणी पातळी 46 फूट एक इंचांवर

जिल्ह्यातील 110 हुन अधिक बंधारे पाण्याखाली

नदीकाठच्या गावातील लोकांचे स्थलांतर सुरू

बुलढाणा जिल्ह्यात गेल्या तीन ते चार दिवसांपासून संततधार पाऊस सुरु आहे..  काही ठिकाणी मुसळधार, तर काही ठिकाणी तुरळक पाऊस होत आहे… त्यामुळे जिल्ह्यातील पाणीसाठ्यातही वाढ झाली असून  जनजीवन विस्कळीत झालंय..  दुसरीकडे  प्रशासनाकडून  जिल्हाधिकाऱ्यांनी नागरिकांनी सतकर्तेचा इशारा दिलाय..

चिखली , मेहकर, लोणार,  शेगाव आणि खामगाव परिसरात पावसाचा जोर अधिक असल्याने या तालुक्यातील लघुपाटबंधारे प्रकल्प तुटुंब भरले आहेत… त्यामुळे नदी काठावरील नागरिकांना सतर्कतेचा इशारा देण्यात आला आहे… या पावसामुळे पिकांना जिवदान मिळालेले आहे…  आणखी पुढील दोन दिवस पावसाचा अंदाज वर्तविण्यात आलेला आहे

कोयना धरणातून 6 दरवाजे 1.5 फुट उचलणार
10 हजार क्युसेक चा करणार विसर्ग
धरणात आता 86 टिमएमसी पाणी

उल्हास नदीत पूर आला होता. कल्याण मुरबाड महामार्गावर असलेल्या रायता पूल पाण्याखाली होता. हा पूल उल्हास नदीवर आहे ,पुलाला जोडणारा रस्त्याच्या मोठा भाग खचल्याने रास्ता बंद  आहे , जवळपास 30 तासापासूम कल्याण मुरबाड महामार्ग बंद आहे . दुरुस्तीचा कामाला थोड्या वेळात सुरुवात होणार आहे. तोपर्यंत वाहतुकीसाठी बंद राहणार आहे.