राज्य सरकारचा मराठा आरक्षणाबाबत टाईमपास, त्यांच्या हलगर्जीपणामुळेच आरक्षण टिकलं नाही; प्रविण दरेकरांचा टोला
महाविकास आघाडी सरकारचा मराठा आरक्षणाबाबत टाईमपास सुरू आहे. आघाडी सरकारच्या अक्षम्य हलगर्जीपणामुळे हे आरक्षण टिकवता आले नाही, असा टोला प्रविण दरकेर यांनी लगावला.
मुंबई : महाविकास आघाडी सरकारचा मराठा आरक्षणाबाबत टाईमपास सुरू आहे. आघाडी सरकारच्या अक्षम्य हलगर्जीपणामुळे हे आरक्षण टिकवता आले नसून मराठा समाजाला आपल्या हक्काच्या आरक्षणापासून वंचित रहावे लागले. त्यांना त्यांच्या हक्कासाठी रस्त्यावर उतरावे लागले आहे, हा सरकराचा नाकर्तेपणा असल्याची टिका, विधान परिषदेचे विरोधी पक्षनेते प्रविण दरकेर यांनी केली. (Pravin Darekar says Maharashtra Govt passing time on Maratha reservation, because of them Community is deprived from reservations)
शिवसंग्राम सेनेचे नेते विनायक मेटे यांनी मराठा आरक्षणासाठी जनजागृती करण्याची मोहीम आखली आहे. मेटे यांनी जनजागृती मोहिमेअंतर्गत मुंबईत सायन ते सी. एस. टी अशी मोटारसायकल रॅली काढली होती. त्यावेळी विरोधी पक्षनेते प्रविण दरेकर, आमदार प्रसाद लाड, आमदार कालिदास कोळंबकर, तसेच कार्यकर्ते आणि मोठ्या संख्येने मराठा समाजातील नागरिक उपस्थित होते.
मराठा आरक्षण मोटारसायकल रॅलीत माध्यमांसोबत बोलताना दरेकर यांनी मुख्यमंत्र्यांवर टीका केली. दरेकर म्हणाले की, महाविकास आघाडी सरकारचा मराठा आरक्षणाबाबत टाईमपास सुरू आहे. एखादा समाज आपल्या हक्कासाठी रस्त्यावर उतरला आणि त्यांना पाठिंबा देणारे, नेतृत्व करणाऱ्या जनतेला आदळआपट करत आहेत अस बोलायचं आणि दुसऱ्या बाजुला बोलताना संघर्ष नको संवाद साधा, असंही म्हणायचं. परंतु सरकारकडून मराठा आरक्षणासंदर्भात कोणताही संवाद साधला जात नाही. त्यांना मराठा आरक्षणासंदर्भात काही घेणंदेणं नाही, असा टोला दरकेर यांनी यावेळी लगावला.
महाविकास आघाडी सरकारच्या मराठा आरक्षणा बाबत टाईम पास सुरू आहे. आघाडी सरकारच्या अक्षम्य हलगर्जीपणामुळे हे आरक्षण टिकवता आले नसुन मराठा समाजाला आपल्या हक्काच्या आरक्षणापासून वंचित रहावे लागले. pic.twitter.com/aE0XCQeZcY
— Pravin Darekar – प्रविण दरेकर (@mipravindarekar) June 27, 2021
मराठा आरक्षणावरून राज्यभरात रानं पटलं आहे. आंदोलनं झाली, लोक रस्त्यावर उतरली आहेत. सरकर मात्र मलिदा खाण्यात व्यस्थ आहे असा आरोप दरेकरांनी केला. पुढे बोलताना दरेकर म्हणाले की, मराठा समाजाला हलक्यात घेऊ नका, मराठा समाजाच्या चिंगारीचा वणवा पेटायला वेळ लागणार नाही. वणवा पेटण्याआधी मुख्यमंत्र्यांनी जाग व्हावं. भाजप, केंद्र, फडणवीस यांच्यावर आरोप करण्यापेक्षा या अधिवेशनात मराठा समजाला न्याय देण्यासाठी एक पाऊल पुढे टाकण्याची गरज आहे, असेही दरेकर म्हणाले.
माननीय पंतप्रधान @narendramodi जी यांचा #MannKiBaat बात कार्यक्रम आमदार @PrasadLadInd यांच्या कार्यालयात दाखवला जातो. आज लाईव्ह स्क्रीन द्वारे याचे प्रक्षेपण करण्यात आले तत्क्षणी उपस्थिती होतो. pic.twitter.com/s9ZQfWojWL
— Pravin Darekar – प्रविण दरेकर (@mipravindarekar) June 27, 2021
इतर बातम्या
जर ‘संघर्ष’ नको मग संवादातून मार्ग का काढत नाही? प्रवीण दरेकरांचा थेट मुख्यमंत्र्यांना सवाल
(Pravin Darekar says Maharashtra Govt passing time on Maratha reservation, because of them Community is deprived from reservations)
