Nagpur Corona | नागपुरात कोरोनाचे हजारापेक्षा जास्त रुग्ण; काय आहे आजची नेमकी स्थिती?

पुणे शहरात 19 हजार 452 रुग्णसंख्या

नागपूर : गेल्या काही दिवसांपासून दैनंदिन रुग्णसंख्येमध्ये प्रचंड झपाट्याने वाढ होत आहे. जिल्ह्यात जवळपास पावणेआठ महिन्यानंतर पुन्हा रुग्णसंख्येने हजारापलीकडे नोंद केली गेली. बुधवारला तब्बल एक हजार 461 नव्या बाधितांची भर पडली आहे. त्यामुळं प्रशासनाचीही (Administration) चिंता वाढली आहे. सातत्याने कोरोनाबाधित (Corona) वाढत असताना जनतेने जास्त काळजी घेण्याची आवश्यकता असल्याचे मत वैद्यकीय तज्ज्ञांनी व्यक्त केले. आजघडीला शहरात चार हजार 876, ग्रामीणमध्ये 775 व जिल्ह्याबाहेरील 37 असे तब्बल 5 हजार 688 वर सक्रिय रुग्ण आहेत. यापैकी लक्षणे असलेले 37 जण एम्समध्ये 17 जण मेडिकलला, 4 रुग्ण मेयोत तर इतर रुग्ण हे शासकीय व खासगी रुग्णालयात उपचार घेत आहेत. लक्षणे नसलेले गृह विलगीकरणामध्ये डॉक्टरांच्या देखरेखीखाली उपचार घेत आहेत.

गेल्या आठ महिन्यांतील रुग्णसंख्येचा उच्चांक

यापूर्वी जिल्ह्यात कोरोनाची दुसरी लाट सुरू असताना दैनंदिन रुग्णसंख्या आठ हजाराच्या घरात पोहचली होती. मे महिन्याच्या शेवटच्या आठवड्यापासून कोरोनाच्या दुसर्‍या लाटेचा प्रकोप ओसरण्यास सुरुवात झाली. त्यानंतरही दैनंदिन रुग्णसंख्या शंभरच्या घरात होती. जूननंतर यात मोठी घट झाली. जुलैमध्ये रुग्णसंख्या तीसच्या खाली आली. त्यानंतर सातत्याने रुग्णसंख्या वीसहून कमीच राहिली. यानंतर दररोज ही रुग्णसंख्या एक अंकीमध्ये नोंदविल्या गेली होती. यापूर्वी 15 मे 2021 रोजी म्हणजेच दुसरी लाट कायम असताना जिल्ह्यात 1 हजार 510 बाधितांची नोंद झाली होती. त्यानंतर बुधवारी जवळपास पावणेआठ महिन्यानंतर जिल्ह्यातील रुग्णसंख्येने उच्चांकी गाठली आहे. बुधवारला तब्बल 1 हजार 461 बाधितांची भर पडली आहे.

11.48 टक्के जणांचे अहवाल सकारात्मक

बुधवारला शहरात नऊ हजार 223 ग्रामीणमध्ये तीन हजार 506 अशा जिल्ह्यात 12 हजार 729 चाचण्या करण्यात आल्यात. त्यापैकी 11.48 टक्के जणांचे अहवाल सकारात्मक आलेत. यात शहरातून तब्बल 1157, ग्रामीणमधून 236 व जिल्ह्याबाहेरील 68 नव्या बाधितांची भर पडली. दिवसभरात शहरातून 328, ग्रामीणमधून 102 व जिल्ह्याबाहेरील 67 असे 497 जण बरे होऊन घरी परतले आहे. तर दिवसाआड कोरोनामुक्तांचे प्रमाण घटून बाधितांची संख्या वाढल्याने रुग्ण बरे होण्याची टक्केवारीही घटली आहे. सध्या जिल्ह्यातील रुग्ण बरे होण्याचे प्रमाण 96.84 टक्क्यांवर पोहचले आहे. कधी काळी पन्नासहून कमी सक्रिय रुग्णसंख्या असलेल्या नागपूर जिल्ह्यात कोरोनाने पुन्हा झपाट्याने पाय पसरविण्यास सुरुवात केली. दैनंदिन बाधितांचे प्रमाण वाढून कोरोनामुक्तांची संख्या घटल्याने सक्रिय रुग्णसंख्येत प्रचंड मोठी वाढ झाली.

Engineering | नागपूरमध्ये अभियांत्रिकी प्रवेशात आयटी, कम्प्युटर फुल्ल; मेकॅनिकल, सिव्हिलमध्ये शुकशुकाट का?

Vidarbha Sahitya Sangh | आज शंभराव्या वर्षात पदार्पण करणाऱ्या विदर्भ साहित्य संघाची अनोखी ओळख…!