Narayan Rane vs Shiv Sena LIVE : नितेश राणेंना जामीन नाकारला, न्यायालयाचा मोठा झटका

नितेश राणेंना अटकपूर्व जामीन नाही, न्यायालयाचा जोरदार झटका

भाजप आमदार नितेश राणेंच्या जामीन अर्जावर आज पुन्हा कोर्टात सुनावणी होत आहे, मात्र मतदान संपल्यानंतर कणकवलीत भाजप आणि सेना कार्यकर्ते पुन्हा आमनेसामने आल्याचे दिसून आले. यावेळी दोन्हीकडील कार्यकर्त्यांनी जोरदार घोषणाबाजी केली, शांतता राखण्यासाठी यावेळी मोठा पोलीस फौजफाटा तैनात करण्यात आला आहे. अजूनही कणकवलीत तणावाचे वातावरण आहे.

सिंधुदुर्ग- कोर्टातला युक्तिवाद संपल्यानंतर नितेश राणे यांचे वकील नारायण राणे यांच्या भेटीला

वकिलांचे पॅनल केंद्रीय मंत्री नारायण राणे यांना भेटणार

संग्राम देसाई यांच्यासह इतर वकिलांचा पॅनल देणार नारायण राणे यांना कोर्टातील माहिती

मी दोन-तीन दिवस व्यस्त आहे, चौकशीला प्रत्यक्ष येऊ शकत नाही, तुम्ही व्हिडिओ कॉन्फरन्सद्वारे जबाब नोंदवा असे पत्र नारायण राणे यांनी पोलिसांना पाठवले आहे.

नितेश राणेंच्या जामीन अर्जावर उद्या सुनावणी होणार आहे. आजच्या युक्तीवादानंतर न्यायालयाने उद्याची तारीख दिली आहे. उद्या या जामीन अर्जावर निर्णय दिला जाणार आहे. संतोष परब हल्लाप्रकरणी नितेश राणेंच्या यांच्यावर अटकेची टांगती तलवार कायम आहे.

राज्याचे विरोधी पक्षनेते देवेंद्र फडणवीस यांनीही राणेंना बजवलेल्या नोटीसीवर प्रतिक्रिया दिली आहे. राणेंच्या पाठिमागे भाजप खंबीरपणे उभे आहे, राज्यात पोलिसांना दरोडेखोर, बलात्काऱ्यांना पकडायला वेळ मिळत नाही. मात्र घरावरती जाऊन नोटिसा चिकटवतात हा प्रकार अत्यंत चुकीचा आहे, याचा मी निषेध करतो अशी प्रतिक्रिया देवेंद्र फडणवीस यांनी दिली आहे. सिंधुदुर्गमध्येही अनेक बेकायदेशीर धंदे सध्या आहेत, त्याकडे लक्ष द्यायला पोलिसांना वेळ नाही मात्र, राणेंच्या पाठिमागे लागायला वेळ आहे. असा टोला फडणवीसांनी लगावला आहे.

नितेश राणे आणि सचिन सातपुते यांचे फोटो एकत्र असल्याचे पुरावे कोर्टा समोर वकील घरत यांनी दाखवले

काय म्हणाले संजय राऊत?

पोलीस नितेश राणेंना शोधत आहेत
केंद्रीय मंत्री म्हणताय माहिती आहे पण सांगणार नाही
हे कायद्याचे उल्लंघन
आपण केंद्रीय मंत्री, पोलिसांना सहकार्य करा
कायद्या पासून महत्वाची माहिती लपवू नका
आपला मुलगा असेल तरी माहिती देणे गरजेचे
अन्यथा आरोपींना पाठिशी घातलं म्हणून तुमच्यावर देखील गुन्हा दाखल होऊ शकतो-राऊत

पोलिसांनी नारायण राणेंच्या घरावर नोटीस लावली होती ती घरावरील नोटीस राणेंच्या कर्मचाऱ्यांनी काढली