मुख्यमंत्री उद्धव ठाकरेंचं पहिल्यांदाच मास्कशिवाय जाहीर कार्यक्रमात भाषण; वाचा काय म्हणाले?

cm uddhav thackeray

नाशिक: मुख्यमंत्री उद्धव ठाकरे यांच्या हस्ते आज नाशिकच्या महाराष्ट्र पोलीस अकादमीच्या विविध प्रकल्पांचं उद्घाटन केलं. यावेळी एक छोटेखानी कार्यक्रम पार पडला. या कार्यक्रमात मुख्यमंत्री पहिल्यांदाच मास्क शिवाय सहभागी झाले. त्यांनी मास्क न घालताच भाषणही केलं. तसेच बऱ्याच दिवसानंतर मास्क काढून बोलत असल्याचंही मुख्यमंत्री उद्धव ठाकरे यांनी आवर्जून सांगितलं. (cm uddhav thackeray address police academy program without mask at nashik)

बऱ्याच दिवसानंतर मास्क काढून मोकळ्या वातावरणात बोलत आहे. मोकळ्या वातावरणात मास्क शिवाय बोलण्याचा माझा हा पहिलाच कार्यक्रम असेल. मुख्यमंत्री झाल्यावर पहिल्यांदा नाशिकला आलो होतो. त्यावेळी मी भारावून गेलो होतो. आजही भारावून गेलो आहे. पोलिसांचं संचलन बघूनही भारावलो आहे, असं मुख्यमंत्री म्हणाले.

हॉकी खेळण्याचं वय निघून गेलं

यावेळी त्यांनी अकादमीतील हॉकी मैदानाचीही पाहणी केली. त्यानंतर हाच धागा पकडून त्यांनी कोटी केली. भुजबळ साहेब हॉकी स्टिक वापरामध्ये फरक पडतो. तुम्ही हॉकी जपून वापरा. सरकारमध्ये आल्यावर त्याच हॉकी स्टिकचा व्यवस्थित वापर करता येतो आणि समोर असल्यानंतर हॉकी कशीही वापर करता येते. मलाही क्षणभर वाटलं हॉकी खेळावी. पण ट्रॅकवर उतरल्यानंतर त्याचा जो बाऊन्सिंग इफेक्ट आहे तो बघून लांबूनच बघाव वाटलं. कारण आता हॉकी खेळायचं वय निघून गेलं. आता फक्त उद्घटानं करत फिरायचं आणि पुढच्या पिढीला सुविधा द्यायच्या हेच काम आपल्या हातात आहे, असं मिश्किल उद्गार त्यांनी काढलं.

तुम्हीही गोल्ड मेडल आणा

नीरज चोप्राने गोल्ड मेडल आणलं. प्रत्येकाला वाटतं आपणही मेडल आणावं. आपल्यात ती हिंमत आहे. ते आणू शकतो. पण त्यासाठी सरकारने ताकद दिली पाहिजे. केवळ फिती कापणं आणि नारळ फोडणं हे सरकारचं काम नाही. तुम्ही गोल्ड मेडल आणावं ही आमची तुमच्याकडून अपेक्षा आहे. तशीच आम्ही तुम्हाला काही दिलं पाहिजे याचीही तुमची आमच्याकडून अपेक्षा हवी, असं ते म्हणाले. (cm uddhav thackeray address police academy program without mask at nashik)

संबंधित बातम्या:

Mumbai Local : मुंबई लोकल प्रवास करण्यासाठी केवळ दोन डोसच नव्हे, आणखी एक अट पूर्ण करावी लागणार!

रानडे इन्स्टिट्यूट स्थलांतराला आजी-माजी विद्यार्थ्यांचा मोठा विरोध, 15 दिवसांत निर्णय घेण्याचे कुलगुरूंचे आश्वासन

महादेव जानकर म्हणतात, मराठवाड्याचा कॅलिफोर्निया करतो!, पण अट काय?; वाचा

(cm uddhav thackeray address police academy program without mask at nashik)