अधिकारी होण्याच्या स्वप्नांना ब्रेक, विजेच्या धक्क्याने अकरावीतील मुलीचे हात निकामी…
असे म्हणतात ना...की, नियती पुढे कोणाचेही काहीही चालत नाही. नियतीसमोर प्रत्येकाला झुकावे लागते. याचा प्रत्यक्ष आणि दुखद अनुभव नांदेड येथील घटनेने आला आहे. जी तरूणी दिवस-रात्र मेहनत करून अभ्यास करत होती आणि रात्रीचा दिवस करून अधिकारी होण्याचे स्वप्न बघत होती.
प्रशांत चलींद्रवार tv9 मराठी नांदेड : असे म्हणतात ना…की, नियती पुढे कोणाचेही काहीही चालत नाही. नियतीसमोर प्रत्येकाला झुकावे लागते. याचा प्रत्यक्ष आणि दुखद अनुभव नांदेड येथील घटनेने आला आहे. भविष्यामध्ये मोठे अधिकारी होण्याचे स्वप्न बघणाऱ्या मुलीवर नियतीने घात केला… नांदेडमधील हृदय पिळवटून टाकणारी ही घटना आहे. जी तरूणी दिवस-रात्र मेहनत करून अभ्यास करत होती आणि रात्रीचा दिवस करून अधिकारी होण्याचे स्वप्न बघत होती. मात्र, तिच्या आयुष्यामध्ये असे काही घडले की, तिचे संपूर्ण आयुष्यच बदलून गेले. या तरूणीचे नाव संतोषी कौसल्ले असे आहे.
नांदेडमधील धक्कादायक घटना
संतोषी नांदेडमधील श्रीपाद नगर येथे भाड्याच्या खोलीत राहते. पहिलीपासूनच अभ्यासात संतोषी हुशार होती. दहावीत 94 टक्के गुण प्राप्त करुन 11 वी काॅमर्सला प्रवेश घेतला होता. संतोषीचे वडिल हे ट्रक ड्रायव्हर आहेत, त्यांनीही मुलगी हुशार आहे म्हणून दिवस रात्र मेहनत करत तिला शिकवले…मात्र, नियतीला काहीतरी वेगळेच मंजूर होते. एक महिन्यापुर्वी घराच्या छतावर असलेल्या विद्युत तारेचा संतोषीला स्पर्श झाला…आणि होत्याचे नव्हते झाले.
अकरावीमध्ये शिकणाऱ्या मुलीचे दोन्ही हात निकामी
या विजेच्या धक्यामुळे संतोषीचे दोन्ही हात भाजले…खाजगी रुग्णालयात उपचारा दरम्यान तिचा एक हात काढावा लागला. तर दुसरा हात देखील निकामी झाला आहे. बरेच दिवस तर संतोषीला हे सांगण्यात देखील आले नव्हते की, तिचा हात काढण्यात आला आहे. संतोषीच्या उपचारासाठी 9 लाख रूपये खर्च आला आहे. वडीलांनी शेत विकून मुलीचा जिव वाचवला. संतोषिला आलेल्या अपंगत्वामुळे कौसल्य कुटुंब पुर्णतःखचून गेल आहे. जी संतोषी अधिकारी होण्याची स्वप्न बघत होती तिला मात्र, मोठा धक्काच बसला आहे.
संंबंधित बातम्या :
