Gram Panchayat Election 2022 Voting Live : गुलाल कुणाचा? ग्रामपंचायत निवडणुकीसाठी मतदानाला सुरुवात

इंदापूर : लग्नानंतर नवरदेवानं गाठलं मतदान केंद्र

मतदानासाठी न जेवताचं लग्नातून परतला नवरदेव

९० किलोमीटर अंतर गाठून आधी केलं मतदान

कुरवली येथील अक्षय चांगदेव चव्हाणनं केलं मतदान

पंढरपुरातून गाठली ९० किमीवरील इंदापुरातील करवली

उस्मानाबाद जिल्ह्यातील 165 ग्रामपंचायत निवडणुकीसाठी मतदान प्रक्रिया पार,

तहसील कार्यालयातील महसूल भवन येथे कडक सुरक्षेत EVM मतपेट्या जमा करण्यात आल्या,

पोस्टल मतदान व इतर कागदपत्रे सीलबंद लिफाफ्यात जमा करण्यात आल्या,

मतदान केंद्रातून वाहनाने या मतपेट्या एकत्र जमा करण्यात आल्या

बारामती

ग्रामपंचायत निवडणुकीत मतदानाचा हक्क बजावण्यासाठी मतदानासाठी दाम्पत्य थेट दुबईहून गडदरवाडीला

80 हजार रुपये खर्चून दुबईहून बारामतीत दाखल झाले दाम्पत्य

कल्याण

कल्याण तालुक्यातील ८ ग्रामपंचायत ८६.६२टक्के मतदान

कल्याण ग्रामीण भागातील ९ ग्रामपंचायतीमध्ये सरपंच पदासाठी २६ तर सदस्य पदासाठी १०९ सदस्य निवडणुकीच्या रिंगणात उतरले होते.

गेरसे,वेहळे, कुंदे, पळसोली, वसतशेलवली, कोसले, नादंप, काकडपाडा, वासुंद्री या गावात सरपंच, सदस्य पदासाठी निवडणूका होत आहे

यापैकी काकडपाडा ग्रामपंचायत बिनविरोध झाल्याने आज ८ ग्रामपंचायतीसाठी मतदान प्रक्रिया पार पडली

यात सरासरी ८६.६२टक्के मतदान झाले असून एकुण ७, १५० मतदारापैकी, एकुण ६,१०६ मतदारांनी मतदानाचा हक्क ८ ग्रामपंचायती मध्ये मतदारांनी बजावला

मगंळवारी सकाळी ९.०० वा.या ग्रामपंचायची मतमोजणी प्रक्रिया होणार कल्याणच्या पंचायत समिती हाँल मध्ये मतमोजणी होणार

इचलकरंजी :

हातकणंगले तालुक्यात अजून काही गावांमध्ये मतदान प्रक्रिया सुरू

तारदाळ गावामध्ये अजून 200 मतदार मतदानाच्या प्रतीक्षेत

मतदान बूथच्या बाहेर मोठा पोलीस बंदोबस्त तैनात

मतदानाची प्रक्रिया सुरू असल्यामुळे निवडणूक आयोगाच्या खबरदारी

सांगली : नवऱ्या मुलीची गाडी थेट मतदान केंद्रावर

विटाच्या भाळवणी येथील अंजली जनार्दन शिंदेनं केलं मतदान

नवरोबानं डोक्याला बाशिंग बांधून बजावला मतदानाचा अधिकार

उमदी येथील विठ्ठल नगर येथील सुनील सातपुते यांनीही केलं मतदान

कर्नाटक विधिमंडळ अधिवेशनाला विरोध करण्यासाठी महाराष्ट्र एकीकरण समितीने 19 डिसेंबर रोजी महामेळाव्याचे आयोजन

महाराष्ट्रातील सर्वपक्षीय नेत्यांना निमंत्रणही दिले; पण या महामेळाव्याला महाराष्ट्रातील नेत्यांनी येऊ नये, यासाठी कर्नाटक पोलिसांकडून प्रयत्न

19 डिसेंबर रोजी होणार्‍या महामेळाव्याला महाराष्ट्रातील नेत्यांना आणणार नाही, हे लेखी देण्याची सूचना

महाराष्ट्र-कर्नाटक सीमावादात समन्वय राखून खबरदारी घेण्याची सूचना केंद्रीय गृहमंत्र्यांनी दिली

बेळगावच्या पोलिसांनी महाराष्ट्र एकीकरण समितीवर दबाव आणण्याचे काम सुरू

खानापूर तालुक्यातील करंजे मध्ये मतदारांनी मतदान केंद्रासमोरच मांडली बैठक

मतदान गतीने होत नसल्याने मतदारांनी कंटाळून मतदान केंद्रासमोर मांडली बैठक

करंजे गावामधील प्रभाग क्र. 4 च्या बूथ केंद्रावरची परिस्थिती

मशीनमध्ये बिघाड झाल्याने मतदान प्रकियेला सकाळपासून होतोय उशीर

नाशिक जिल्ह्यातील निवडणूक असलेल्या ग्रामपंचायत संख्या – 188

मतदान केंद्र संख्या – 745

स्त्री मतदार – 198551
पुरुष मतदार – 220272
इतर मतदार – 1
एकूण मतदार – 418824

सकाळी 7.30 ते 03.30 या वेळेत झालेले मतदान
स्त्री – 136714
पुरुष – 150648
एकूण – 287362
टक्केवारी – 68.61%

नक्षलग्रस्त भागातील मतदान पथके मतदान संपवून हेलिकॉप्टरनी परत

दहा तालुक्यात 27 ग्रामपंचायतीची निवडणूक आज पार पाडली

यापैकी 21 ग्रामपंचायती नक्षलग्रस्त व अति संवेदनशील भागात होत्या

मतदान पथके हेलिकॉप्टरने दोन दिवसांअगोदर पाठविण्यात आली होती

साडेचार वाजेपासून मतदान पथकांना हेलिकॉप्टरने परत आणण्याचे काम सुरू

पालघर जिल्ह्यात मतदानाला मतदारांचा उत्स्फूर्त प्रतिसाद

सकाळी साडे सात ते दीड वाजेपर्यंत 54.73 टक्के एवढे मतदान

ग्रामपंचायत निवडणुकीच्या मतदानासाठी उरले अवघे काही मिनीट…

गडचिरोली जिल्ह्यातील 27 ग्रामपंचायतीचे मतदानाची दीड वाजेपर्यंत ची टक्केवारी 70.11%

गडचिरोली जिल्हा अति संवेदनशील नक्षलग्रस्त भाग असल्यामुळे फायनल मतदानाची टक्केवारी अघाप प्राप्त नाही

गडचिरोली जिल्ह्यातील मतदान संपले

नक्षलग्रस्त भाग असल्यामुळे साडेसात वाजेपासून तीन वाजेपर्यंत होती मतदानाची वेळ

पालघरच्या वाडा तालुक्यातील 14 ग्रामपंचायत निवडणुकीसाठी आज मतदान होतंय

13 सरपंच पदासाठी 37 उमेदवार रिंगणात आहेत

तर सदस्य पदाच्या 199 जागांसाठी 319 उमेदवार रिंगणात आहेत 42 मतदान केंद्रावर मतदान प्रक्रिया पार पडली जात आहे

दुपारी चार वाजता वाडा तालुक्यातील 14 ग्रामपंचायतचे 77.97 टक्के मतदान झालं

ठाण्यातील नौपाडा पोलीस ठाण्यात शिरला साप

त्यामुळे एकच तारांबळ उडाली

सर्प मित्रांनी रेस्क्यू करत या सापाला जीवदान दिले

महाविकास आघाडीच्या आमदारांची उद्या चार वाजता बैठक. उद्धव ठाकरे अधिवेशनासाठी उद्या नागपूरात जाणार.

मुंबई पोलीस दलातील वरळी युनिटच्या अमलीपदार्थ विरोधी शाखेने नायजेरियन ड्रग पेडलरला माझगाव येथून अटक केली. त्याच्याकडून एमडी आणि अन्य ड्रग्ज जप्त करण्यात आले. आंतरराष्ट्रीय बाजारात त्याची किंमत 35.30 लाख रुपये आहे. एनडीपीएस कायद्याखाली गुन्हा दाखल झाला आहे.

एका विशिष्ट गटाला मतदान केंद्र परिसराच्या आतमध्ये तर दुसऱ्या गटाचा उमेदवाराला बाहेर ठेवल्यामुळे झाला वाद

काँग्रेस प्रदेश अध्यक्ष नाना पटोले यांचं मूळ गांव असलेल्या सुकळी येथील हाकेच्या अंतरावर असलेल्या कुंभली या गावात दोन गटामध्ये तुफान हाणामारी

करवीर तालुक्यातील नेर्ली येथे मतदान यंत्रात बिघाड

मतदान यंत्रात बिघाड झाल्यामुळे काही काळ गोंधळ

मतदान केंद्रांवर लांबच लांब मतदारांच्या रांगा

मतदान यंत्रात बिघाड झाल्याने अनेक जण मतदानासाठी खोळंबले

तब्बल तासभरापसून मशीन बंद पडल्याने मतदार ताटकळले

मावळ तालुक्यातील आठ ग्रामपंचायतीसाठी सकाळी 11:30 पर्यंत 32.46 टक्के मतदान

2176 महिला तर 2555 पुरुष अशा एकूण 4731 मतदारांनी बजावला मतदानाचा हक्क

गोंदिया जिल्ह्यात 348 ग्रामपंचायत पैकी 345 ग्रामपंचायतींसाठी मतदानाला सुरूवात

तर ३ ग्रामपंचायत बिनविरोध

दोन ग्रामपंचायत सरपंच बिनविरोध, सदस्यांचा मतदान सुरु

पिपरखारी ग्रामपंचायत क्षेत्रात पोलिसांचा चोख बंदोबस्त

काँग्रेस, राष्ट्रवादी,भाजप आणि चाबी यांच्यात सरळ लढतीची शक्यता

गडचिरोली जिल्ह्यात 27 ग्रामपंचायतींची मतदानाची टक्केवारी साडे अकरा वाजेपर्यंत 47.94%

गडचिरोली जिल्ह्यात मतदानाला उत्स्फूर्त प्रतिसाद

अति संवेदनशील दुर्गम भागातही मतदारांमध्ये मोठा उत्साह

स्वतंत्र्या आधी जन्मलेल्या दोन आजीबाईंनी मतदानाचा हक्क बजावला

मेंगडेवाडी ग्रामस्थांचा मतदानावर बहिष्कार

मतदान केंद्र दुसऱ्या गावात हलविल्याने ग्रामस्थ संतप्त, 845 मतदारांचा मतदानावर बहिष्कार

सहा किलोमीटर अंतरावर मतदान केंद्र असल्याने ग्रामस्थ नाराज

अचानक मतदान केंद्र बदलल्याने ग्रामस्थ आक्रमक, निवडणूक अधिकाऱ्यांवर कारवाई करण्याची मागणी

गावातच ग्रामस्थांचे ठिय्या आंदोलन सुरू

मतदान केंद्र गावात द्या, तरच मतदान करणार, संतप्त ग्रामस्थांचा पवित्रा

अमरावतीच्या चांदूर बाजार तालुक्यातील बेलोरा या गावी जाऊन बजावला मतदानाचा हक्क

बच्चू कडू यांचे मोठे बंधू भैय्या कडू बेलोरा ग्रामपंचायत निवडणुकीत सरपंच पदासाठी निवडणूक रिंगणात

जालना जिल्ह्यातील परतूर तालुक्यातल्या लोणी या गावी त्यांनी केले मतदान

राज्यातील साडे तीन हजाराहून अधिक ग्रामपंचायत निवडणुकीत भाजप युवा मोर्चाचे 100 ते 200 सरपंच विजयी होतील

राहुल लोणीकर यांनी व्यक्त केला विश्वास आहे

राज्यभर ग्रामपंचायत निवडणुकीसाठी मतदान

पालघर जिल्ह्यात पहिल्या 2 तासात 14.21 टक्के मतदान

सकाळच्या वेळेत मतदारांचा अल्प प्रतिसाद

हातकणंगले तालुक्यातील रुकडी येथे विष्णू देशमुख घोड्यावरून मतदानासाठी

धैर्यशील माने यांच्यासह नवरदेव वरात घेऊन जातोय मतदान केंद्रावर

मतदारांना दिल्या जाणाऱ्या चिठ्ठ्यांवर थेट उमेदवारांचे नाव आणि चिन्हाचा उल्लेख

मतदान केंद्र परिसरात या चिठ्ठ्या पोहोचल्या

बुलढाणा जिल्ह्यातील चिखली तालुक्यातील गंभीर प्रकार

सकाळी 7.30 वाजता मतदान प्रक्रियेला सुरुवात झाल्यानंतर एकाच केंद्रावरील इव्हीएम मशीन दोनदा बिघडली होती

मात्र काही वेळानंतर बंद पडलेल्या मशिन्स सुरु झाल्या.

ठाकरे गटाचे नेते आणि माजी मंत्री दिलीप सोपल यांच्या मूळ गावातील इव्हिएम मशीन बंद पडल्याने मतदान प्रक्रिया काही काळासाठी बंद पडली होती

मशीन बंद पडल्याने काही वेळ तणाव

मतदान केंद्र 57/1 वरील मशीन बंद, तहसीलदार घटनास्थळी दाखल

सकाळी 7.30 वाजता मतदान प्रक्रियेला सुरुवात, मात्र एकाच केंद्रावरील इव्हीएम मशीन दोनदा बिघडली

ठाकरे गटाचे नेते आणि माजी मंत्री दिलीप सोपल यांच्या मूळ गावातील इव्हिएम मशीन बंद पडल्याने मतदान प्रक्रिया काही काळासाठी बंद

भाजप पुरस्कृत आमदार राजेंद्र राऊत विरुद्ध माजी आमदार दिलीप सोपल यांची प्रतिष्ठा पणाला

सोपल गटातर्फे सरपंचपदासाठी भानुदास बोधले तर राऊत गटातर्फे भानुदास बोधले यांचेच चुलत नातू रमेश बोधले निवडणुकीच्या रिंगणात

आटपाडी तालुक्यातील पडळकरवाडीमध्ये आमदार गोपीचंद पडळकर यांनी मतदानाचा हक्क बजावला

या गावात पडळकर यांच्या मातोश्री हिराबाई पडळकर सरपंचपदाच्या उमेदवार आहेत

मालेगाव तालुक्यातील प्रतिष्ठेच्या मानल्या जाणाऱ्या दाभाडी ग्रामपंचायत प्रवेशद्वारावर चक्क उमेदवार मतदारांचे पाया पडत आहेत

मतदान करतेवेळी मतदारांचा पाया पडून मतदारांना साकडे घातले जात आहे

याच ग्रामपंचयतीत पालकमंत्री भुसे आणि माजी मंत्री प्रशांत हिरे यांची प्रतिष्ठा पणाला लागलीय

तर 3 ग्रामपंचायत बिनविरोध

सकाळी सकाळी लोकांचा मतदानाला चांगला प्रतिसाद

काँग्रेस, राष्ट्रवादी, भाजप आणि चाबी यांच्यात सरळ लढत

थोड्याच वेळात मतदान प्रक्रियेला सुरुवात होणार

श्रीगोंदा तालुक्यातील काष्टी ग्रामपंचायत माजी मंत्री आमदार बबनराव पाचपुते यांच्यासाठी प्रतिष्ठेची

पाचपुते यांचा पुत्र प्रतापसिंह पाचपुते आणि पुतण्या साजन पाचपुते एकमेकांच्या विरोधात

प्रहारचे आमदार बच्चू, आमदार राजकुमार पटेल यांची प्रतिष्ठापणाला

बेलोरा ग्रामपंचायत निवडणुकीत बच्चू कडू यांचे मोठे भाऊ भैय्या कडू सरपंचपदासाठी निवडणूक रिंगणात

आमदार देवेंद्र भुयार यांच्याही गावात ग्रामपंचायत निवडणुकीची रंगत

257 पैकी 5 ग्रामपंचायत अविरोध

ग्रामपंचायत निवडणुकीसाठी 3 लाख 51 हजार 368 मतदार करणार निवडणूकित मतदान

यावेळी राजन तेली यांनी कुडाळ- मालवणचे आमदार वैभव नाईक यांनी नांदगाव येथे केलेल्या वक्तव्याचा खरपूस समाचार घेतला

तेली म्हणाले की, वैभव नाईक हे ‘एक्सिडेंटली’ झालेले आमदार असून त्यांनी आपल्या मालवणमध्ये आधी लक्ष द्यावे

लोणावळा उपविभागीय पोलीस अधिकारी सत्यसाई कार्तिक यांनी काल रूट मार्च केला

वडगांव मावळसह लोणावळा ग्रामीण आणि लोणावळा शहर पोलीस स्टेशन अंतर्गत येणाऱ्या ग्रामपंचायत निवडणूक गावात पोलिसांचा रूट मार्च झाला

मतदारांना वाटण्यासाठी आणलेल्या साड्या आणि पाचशे रुपयांच्या दोन नोटा जप्त

कोणत्या उमेदवारांनी साड्या आणि वस्तू आणल्या याचा तपास सुरू

भरारी पथक गावात यायच्या अगोदर चौकात साड्या आणि पैसे टाकले

अक्कलकुवा तालुक्यातीसल 04 आणि अक्राणी तालुक्यात 04 ग्रामपंचायतींचा यात समावेश

या 08 ही ग्रामपंचायती अतिदुर्गम भागात वसलेल्या असल्याने याठिकाणी पोहचण्यासाठी मतदान यंत्रणेला अनेक किलोमीटरची पायपीट करावी लागते.

त्यामुळे परतताना रात्रीच्या अंधारात काही अघटीत घडू नये म्हणून या ग्रामपंचायतींच्या मतदानाची वेळ फक्त साडेतीन वाजेपर्यत असणार आहे

अक्कलकुवा तालुक्यातील मणीबेली, डनेल, जांगठी, धनखेडी तर अक्राणी तालुक्यातील उडद्या, भादरी, भादल, भमाणे अशा ग्रामपंचायती आहेत.

पालघर जिल्ह्यात एकूण 63 ग्रामपंचायतीच्या निवडणुका होत आहेत

त्यातील एक नवजाई ही ग्रामपंचायत बिनवीरोध निघाल्याने 62 ग्रामपंचायतसाठी निवडणुका होत आहेत

यात 62 सरपंचासह 443 सदस्य असे 505 सदस्य आणि सरपंचपदासाठी ही निवडणूक होत आहे

या निवडणुकीसाठी 1254 उमेदवार निवडणुकीच्या रिगणात उभे आहेत.

पालघर जिल्ह्यात एक नवजाई ही ग्रामपंचायीसह 101 ग्रामपंचायत सदस्य बिनविरोध निवडून आले आहेत

तर एकही उमेदावारांचा अर्ज न आल्याने 16 सदस्य पदासाठी निवडणूक होणार नाही