कोल्हापूर जिल्ह्यातील व्यापाऱ्यांचे व्यवसाय सुरु करण्याला परवानगी द्या, राज्यमंत्री यड्रावकरांची अजितदादांकडे मागणी
कोल्हापूर जिल्ह्यातील व्यापाऱ्यांचे व्यवसाय सुरू करण्यास परवानगी देण्यासंदर्भात राज्यमंत्री यड्रावकर यांनी उपमुख्यमंत्री अजितदादा पवार यांची भेट घेतली. | Rajendra Yadravkar meet Ajit Pawar
कोल्हापूर : कोल्हापूर जिल्ह्यातील व्यापाऱ्यांचे व्यवसाय सुरू करण्यास परवानगी देण्यासंदर्भात राज्यमंत्री यड्रावकर यांनी उपमुख्यमंत्री अजितदादा पवार यांची भेट घेतली. यावेळी कोरोना रुग्णसंख्या आटोक्यात असलेल्या गावातील व्यावसायिकांना पुन्हा व्यवसाय सुरु करण्यासाठी परवानगी देण्यात यावी, अशी मागणी यावेळी यड्रावर यांनी केली. (Minister Rajendra patil yadravkar Meet DCM Ajit pawar Demand Allow traders from Kolhapur district to start business)
कोल्हापूर शहराच्या धर्तीवर जिल्ह्यामध्ये बाधित रुग्णांची संख्या ज्या शहर व गावांमध्ये कमी आहे, अशा ठिकाणच्या व्यापाऱ्यांना आपले व्यवसाय सुरू करण्यास परवानगी मिळावी यासाठी सार्वजनिक आरोग्य राज्यमंत्री राजेंद्र पाटील-यड्रावकर यांनी राज्याचे उपमुख्यमंत्री नामदार अजितदादा पवार यांची बुधवारी सकाळी भेट घेतली.
कोल्हापुर जिल्ह्यातील सर्व व्यवसाय शुक्रवार पासून सुरू होणार.
कोल्हापूर शहराच्या धर्तीवर जिल्ह्यातील इतर सर्व ठिकाणचे व्यवसाय शासनाच्या अटीस अधीन राहून शुक्रवारपासून सुरू करण्याचे आदेश राज्य शासनाने कोल्हापूर जिल्हा प्रशासनाला दिले . pic.twitter.com/XXViJFA5Tq— Rajendra Patil Yadravkar (@yadravkar) July 7, 2021
व्यापाऱ्यांच्या समस्या अजितदादांच्या कानावर
जिल्ह्यातील कोरोना संसर्गाची विस्तृत माहिती देताना, व्यापारी वर्गासमोर व्यवसाय बंद असल्यामुळे निर्माण झालेल्या अडचणी देखील मांडल्या. कोल्हापूर जिल्ह्याच्या सर्व शहरांमधील तसेच ग्रामीण भागातील छोट्या मोठ्या व्यापाऱ्यांचे व्यवसाय सातत्याने बंद राहत असल्यामुळे सर्व व्यापारी वर्ग अडचणीतून मार्गक्रमण करीत असल्याचं राज्यमंत्री यड्रावकर यांनी उपमुख्यमंत्र्यांना सांगितलं.
लवकरच व्यवसाय सुरु होतील, अजितदादांचा शब्द
संबंधित व्यापाऱ्यांचे व्यवसाय शासनाच्या अटी व शर्तीसह सुरू करण्यासाठी आपण प्रशासनाला आदेश द्यावेत अशी विनंतीही केली. या भेटीनंतर उपमुख्यमंत्री अजितदादा पवार यांच्यासोबत सकारात्मक चर्चा झाली असल्याचं सांगताना राज्यमंत्री यड्रावकर यांनी उपमुख्यमंत्र्यांनी राज्याच्या मुख्य सचिवांना व्यापाऱ्यांच्या प्रश्नासंदर्भात तातडीने आदेश दिले आहेत. तसंच रुग्ण बाधित होण्याचे प्रमाण ज्या ठिकाणी कमी असेल अशा जिल्ह्यातील सर्व ठिकाणचे व्यवसाय सुरू करण्यासंदर्भात प्रशासनाकडून लवकरच आदेश पारित होतील, असंही शेवटी यड्रावकरांनी सांगितलं.
(Minister Rajendra patil yadravkar Meet DCM Ajit pawar Demand Allow traders from Kolhapur district to start business)
हे ही वाचा :
भारती पवार यांचा मोदी टीममध्ये समावेश होणार?; पवार यांच्या नावाची दिल्लीत जोरदार चर्चा
Modi Cabinet Expansion: रावसाहेब दानवे आणि संजय धोत्रेंचा राजीनामा?; दिल्लीत राजकीय घडामोडींना वेग
