Sadabhau Khot: राष्ट्रवादी काँग्रेस आणि पवार कुटुंबाकडून मला धोका; सदाभाऊ खोत यांचा गंभीर आरोप
Sadabhau Khot: अशा प्रकारची षडयंत्रे रचून सदाभाऊंचा आवाज दाबला जाऊ शकणार नाही हे राष्ट्रवादीच्या नेत्यांना माहीत आहे. मी या प्रकरणी पोलिसांनी गुन्हा दाखल करून घेतला नाही. पोलिसांवर दबाव होता का? त्याची देखील चौकशी झाली पाहिजे.
सोलापूर: हॉटेलचं बिल दिलं नाही म्हणून एका हॉटेल मालकाने रयत क्रांती संघटनेचे नेते सदाभाऊ खोत (sadabhau khot) यांचा ताफा अडवला होता. त्यामुळे सदाभाऊ खोत प्रचंड संतापले आहेत. खोत यांनी पत्रकार परिषद घेऊन आपला आणि या हॉटेल मालकाचा काहीच संबंध नसल्याचा दावा केला आहे. तसेच, राष्ट्रवादीचे (ncp) नेते आपल्याला सातत्याने लक्ष्य करत आहेत. त्याची तक्रार गृहमंत्री, मुख्यमंत्री त्याचबरोबर देवेंद्र फडणवीस (devendra fadnavis) यांच्याकडे करणार आहे. राष्ट्रवादी गुन्हेगारांना पाठीशी घालत असून असले कुभांड रचून आम्हाला आयुष्यातून उठवण्याचा डाव कधीच यशस्वी होऊ देणार नाही, असं सांगतानाच राष्ट्रवादी काँग्रेस आणि पवार कुटुंबापासून आपल्या जीवाला धोका आहे, असा गंभीर आरोप सदाभाऊ खोत यांनी केला आहे. सदाभाऊ खोत यांच्या या आरोपामुळे एकच खळबळ उडाली आहे.
अशा प्रकारची षडयंत्रे रचून सदाभाऊंचा आवाज दाबला जाऊ शकणार नाही हे राष्ट्रवादीच्या नेत्यांना माहीत आहे. मी या प्रकरणी पोलिसांनी गुन्हा दाखल करून घेतला नाही. पोलिसांवर दबाव होता का? त्याची देखील चौकशी झाली पाहिजे. या प्रकरणाची दखल घेण्याचं आवाहन मी गृहमंत्र्यांना करणार आहे. तसेच याबाबत विरोधी पक्षनेते देवेंद्र फडणवीस यांच्याकडे मदत मागणार आहे, असं सदाभाऊ खोत यांनी सांगितलं.
शिखंडीला आड आणून वार करू नका
अशा प्रकाराला रयत क्रांती संघटना घाबरणार नाही. रयत क्रांती संघ संघर्ष करेला. येत्या 21 आणि 22 तारखेला आमचं राज्यव्यापी अधिवेशन बोलावले आहेय. राजाविरोधी गावगाडा संघर्ष अटळ आहे. शिखंडीला आड आणून वार करू नका, असा इशाराही त्यांनी दिला.
शिंदाडेला मोक्का लावा
अशोक शिंदाडे हा गुन्हेगार आहे. त्यांच्यावर कर्नाटकात गुन्हा दाखल आहे. त्यांच्यावर 6 ते 7 गुन्हे दाखल आहेत. तो वाळू माफिया आहे. त्यांच्या फोनवर कोणी फोन केले त्याचे रेकॉर्ड काढाय याच्या मागे राष्ट्रवादीच्या मोठ्या नेत्याचा हात आहे. त्यामुळे या गुन्हेगारावर मोक्का लावणार का? असा सवाल त्यांनी केला.
चिरेंबंदी वाडा पाडल्याशिवाय राहणार नाही
या प्रकरणात कोणत्या राष्ट्रवादीच्या नेत्याचा हात आहे असं विचारता योग्यवेळी नाव सांगेन असं त्यांनी स्पष्ट केलं. हे बग्गलबच्चे कोणाचे ते कळेलच. तुमचा चिरेबंदीवाडा मी पाडल्याशिवाय राहणार नाही. त्याशिवाय गप्प बसणार नाही, असंही ते म्हणाले.