कर्नाटकातील हिजाब बंदी प्रकरण : पुण्यातील IISER मध्ये हिजाब बंदीचा केला निषेध
कर्नाटकातील एका महाविद्यालयाने हिजाब काढण्यास नकार देणाऱ्या सहा विद्यार्थिनींना प्रवेशबंदी केली होती. मात्र हिजाब घालूनच आम्ही महाविद्यालयात येऊ, अशी भूमिका या विद्यार्थिनींनी डिसेंबरच्या शेवटच्या आठवड्यापासून घेतली आहे. त्या प्रकरणावरुन सध्या कर्नाटकात वादंग निर्माण झाला आहे.
पुणे – कर्नाटकमध्ये हिजाबवरून सुर झालेल्या वादाचे पडसाद महाराष्ट्रात उमटत आहेत. हिजाब बंदीवरून मुस्लीम समुदायातील मुलींना या निर्णयाच्या विरोधात आंदोलन केले होते. त्या मुलींना विविध स्तरांतून पाठिंबा व्यक्त केला जातोय. काल राष्ट्रवादी काँग्रेसने गंजपेठेतील भिडेवाडा येथे आंदोलन केलं या आंदोलनात (Protest) मोठ्याप्रमाणात महिला सहभागी झाल्या होत्या. त्यानंतर आता पुण्यातील(Pune)राष्ट्रीय संस्था असलेल्या आयसरमधील (IISER) विद्यार्थी आणि प्राध्यपकांनी कर्नाटकच्या उडपीमधील मुस्लीम समुदायातील त्या मुलींना पाठिंबा दर्शविला आहे. संस्थेतील विद्यार्थी व शिक्षकांनी संस्थेच्या प्रिमायसेसमध्ये एकत्र येत आपला निषेध नोंदवला.
हिजाब बंदीचा केला निषेध
Faculty and students of IISER, Pune, stand in solidarity with the students who were barred from entering the Pre-University College in Udupi, Karnataka for wearing the hijab. pic.twitter.com/IJprC88Dmg
— Kalpa IISER Pune (@KalpaIISERPune) February 9, 2022
गंज पेठेत आंदोलक महिलांनी नोंदवला निषेध
गंज पेठेतील फुले वाड्यात हे आंदोलन करण्यात आलं. मुस्लिम महिलांसह इतरही महिला पारंपरिक वेशभूषेत महिला आंदोलक सहभागी झाल्या होत्या. कर्नाटकमधील काही कॉलेज कॅम्पसमध्ये हिजाबवर बंदी घालण्याची मागणी याचिका उच्च न्यायालयात नोंदवली गेली होती. ‘कर्नाटकात मुस्लीम मुलींसोबत झालेला प्रकार अत्यंत निंदनीय आहे. देशात भाजप आणि आरएसएस सध्या महिलांचे जीवन असुरक्षित करत आहेत’, असा आरोप राष्ट्रवादी काँग्रेस शहराध्यक्ष प्रशांत जगताप यांनी केला. कर्नाटकमध्ये हिजाबवरून सुरू असलेला वादाचे देशभर गाजत आहे.
नेमकं प्रकरण काय?
कर्नाटकातील एका महाविद्यालयाने हिजाब काढण्यास नकार देणाऱ्या सहा विद्यार्थिनींना प्रवेशबंदी केली होती. मात्र हिजाब घालूनच आम्ही महाविद्यालयात येऊ, अशी भूमिका या विद्यार्थिनींनी डिसेंबरच्या शेवटच्या आठवड्यापासून घेतली आहे. त्या प्रकरणावरुन सध्या कर्नाटकात वादंग निर्माण झाला आहे. हिजाब घालणाऱ्या युवतींचा विरोध म्हणून काही संघटना भगवी शाल अंगावर घालून कॉलेजमध्ये येण्याचा प्रयत्न करत आहेत. याबरोबर हिजाब घालून महाविद्यालयात आलेल्या तरुणीला अडवण्याची प्रयत्नही करण्यात आला. यावेळी ‘जय श्रीराम च्या घोषणात देत , भगवे झेंडे हात घेऊन तरुणांच्या जमावाने गोंधळ घातला होता.
VIDEO | अलविदा करण्याआधी शेवटचं शूट, सिद्धूसोबत डान्स, रमेश देव यांचे अखेरचे क्षण
नागपूर जिल्हा वार्षिक योजनेचा फक्त पन्नास टक्केच निधी खर्च, उर्वरित निधी महिनाभरात कसा होणार खर्च?