पुणे शहरातील अटक केलेल्या अतिरेक्यांनी उभारली प्रयोगशाळा, ड्रोनने अनेक ठिकाणांचे काढले फोटो
Pune Crime News : पुणे शहरातून दहशतवाद्यांना अटक करण्यात आली होती. या दोन्ही दशतवाद्यांच्या निशाण्यावर पुणे अन् मुंबई शहर होते. दोन्ही शहरात घातपात घडवण्याचा त्यांचा कट होता. त्यांनी प्रयोगशाळाही उभारली होती.
पुणे | 4 ऑगस्ट 2023 : पुणे शहरातून इम्रान खान आणि मोहम्मद युनूस साकी या दोन दहशतवाद्यांना पोलिसांनी अटक केली होती. एका मोटारसायकल चोरीच्या प्रकरणात ही अटक झाली होती. अटक केलेले दोघे दहशतवादी निघाल्यानंतर हा तपास एटीएसकडे देण्यात आला. एटीएसने या प्रकरणात अटक केलेले दहशवाद्यांना मदत करणाऱ्या इतर तिघांनाही अटक केली आहे. या अतिरेक्यांनी पुणे, मुंबईत बॉम्बस्फोट करण्याचा कट रचला होता. त्यांनी एक प्रयोगशाळाही उभारली होती. त्या प्रयोगशाळेतून अनेक आक्षेपार्ह ऐवज जप्त करण्यात आले.
प्रयोगशाळाच उभारली
दोन्ही दहशतवादी विविध प्रयोग करत होते. त्यांच्या त्या प्रयोगशाळेतून 500 GB डाटा मिळाला आहे. त्यात पुणे जिल्ह्यातील अनेक स्थळांचे फोटो आहेत. हे फोटो ड्रोनने घेतले गेले आहे. केमिकल पावडर, गुगल मॅपचे विविध ठिकाणांचे स्क्रीन शॉट मिळाले आहे. मुंबईतील छाबडा हाऊसचे फोटो त्यांना घेतले होते. या सर्व वस्तू त्यांनी एका गुप्त ठिकाणी ठेवल्या होत्या. आरोपींनी ज्या दुकानावरुन सामानाची खरेदी केली होती, ती दुकानही मिळाली आहे. दोन्ही दहशतवादी ऑडिओ, व्हिडिओ फोटो घेण्यासाठी ड्रोनचा वापर करत होते. त्यांनी पुणे शहरातील अनेक ठिकाणांचे फोटो घेतले आहेत. एटीएसने त्यांच्याकडून जप्त केलेला ऐवज प्रयोगशाळेत पाठवला आहे. त्यात केमिकल पावडराचा समावेश आहे. त्याचा अहवाल येणे बाकी आहे.
दहशतवाद्यांच्या घरुन टेन्ट जप्त
दहशतवाद्यांच्या घरुन बांबूचा टेन्ट जप्त करण्यात आला आहे. हे दोघे कुठेही गेल्यानंतर हॉटेल ऐवजी टेन्ट उभारुन राहत होते. राज्यातील अनेक ठिकाणी ते टेन्टमध्येच राहिले आहे. यामुळे एनआयएच्या मोस्ट वॉन्टेडच्या यादीत असतानाही दीड वर्षांपासून ते सापडत नव्हते.
यांना झाली आहे अटक
इम्रान खान आणि मोहम्मद युनूस साकी यांना अटक केल्यानंतर त्यांना मदत करणाऱ्या इतर तिघांना अटक केली आहे. त्यात झुल्फीकार अली बडोदावाला, अब्दुल पठाण आणि सीमाब नसरुद्दीन काजी यांचा समावेश आहे. आतापर्यंत या प्रकरणात पाच जणांना अटक झाली आहे. बडोदावाला याला इसिस प्रकरणात यापूर्वीच एनआयएने अटक केली होती. तो मुंबईतील आर्थर रोड कारागृहात होता. त्याचा संबंध साकी आणि इम्रान खानशी आल्यानंतर एटीएसने प्रोडक्शन वारंट त्याला ताब्यात घेतले आहे.
हे ही वाचा
पुणे, मुंबईत टाईम बॉम्बचा वापर करुन घातपातचा होता कट, पुणे शहरात कुठे करणार होते स्फोट