पुण्यातील सेक्स रॅकेटमध्ये अडकली अभिनेत्री अन् मॉडेल, तीन जणांना अटक

पुणे : पुणे शहर आणि परीसरात वेश्या व्यवसाय अनेक ठिकाणी सुरु आहे. कधी पोलीस स्पा सेंटरच्या नावाखाली सुरु असलेल्या वेश्या व्यवसाय उघड करतात तर कधी पंचतारांकीत हॉटेलमधील सेक्स रॅकेटवर कारवाई केली जाते. गेल्या काही महिन्यात वेश्या व्यवसायाचे अनेक प्रकार पोलिसांनी उघड केले आहे. आता पोलिसांनी पिंपरी चिंचवडमध्ये सुरु असलेला वेश्या व्यवसाय उघड केला आहे. या प्रकरणात एक मॉडेल आणि एक अभिनेत्री अडकली आहे. तसेच तीन दलालांना पोलिसांनी अटक केली आहे.

नुकतीच पिंपरी चिंचवड पोलिस आयुक्तालयाच्या पथकाने पिंपळे सौदागरमधील येज लाईन टच दी ब्यूटी या स्पा सेंटरवर धापा टाकला होता. त्यात ५ महिलांची सुटका केली होती. त्यानंतर कोरेगाव पार्कमध्ये टाकलेल्या छाप्यात दोन एजंटांना अटक झाली होती. आता पुणे पोलिसांनी पिंपरी-चिंचवड येथील एका पंचतारांकित हॉटेलवर छापा टाकून एका सेक्स रॅकेट उघड केला आहे. यामध्ये भोजपुरी चित्रपटातील अभिनेत्रीसह दोन महिलांची सुटका केली. त्यात एक मॉडेलही आहे.

कशी झाली कारवाई

वकाड पोलीस ठाण्याचे अधिकारी देवेन चव्हाण यांनी सांगितले की, गुप्त माहितीच्या आधारे पोलिसांनी पिंपरी-चिंचवाडमधील एका पंचतारांकीत हॉटेलमध्ये बनावट ग्राहक पाठवला. त्या बनावट ग्राहकाने आधी दलालांशी संपर्क केला. दलालांनी त्यांना अभिनेत्रीचे फोटोही पाठवले. मग हॉटेलमध्ये एक रुमही बुक केले. पोलिसांचा बनावट ग्राहक घटनास्थळी गेल्यावर त्या ठिकाणी भोजपुरी अभिनेत्री आणि मॉडेलला वेश्या व्यवसाय करण्यासाठी प्रवृत्त केले जात असल्याचे दिसून आले.

तिघांना अटक

पोलिसांनी प्रबीर मजुमदार, दिनेश यादव आणि विराज यादव अशी अटक केली आहे. हे आरोपी महिलांना फसवून त्यांना मोठ्या रक्कमेचे आश्वासन देऊन वेश्याव्यवसायात अडकत होते. आता वाकड पोलीस महिलांना या रॅकेटमध्ये फसवणाऱ्या लोकांचा शोध घेत आहे. या सेक्स रॅकेटचे धागेदोर कुठपर्यंत आहेत? ग्लॅमर इंडस्ट्रीतील महिलांचा यामध्ये सहभाग आहे का? याची शोधही पोलीस घेत आहेत.