पुणे-मुंबई द्रुतगती मार्गावर वाहतुकीची कोंडी, कशामुळे झाली एवढी ट्रॅफीक जाम?

traffic jam mumbai pune express way

पुणे : पुण्यात वाहतूक कोंडी (Pune Traffic Issue) ही एक गंभीर समस्या बनली आहे. पुण्यात जिथे जाल तिथे तुम्हाला वाहतूक कोंडीच्या समस्येला सामोरं जावं लागतं. पुण्याप्रमाणे पुणे-मुंबई एक्स्प्रेसवेवर (Pune-Mumbai Expressway) वाहतूक कोंडी होत असते. शुक्रवारी पुन्हा मुंबई पुणे महामार्गावर मोठी वाहतूक कोंडी झाली आहे. मुंबईकडे येणाऱ्या वाहनांची संख्या अचानकपणे वाढल्यानं वाहनांच्या रांगा लागल्याचं चित्र आहे. 3 ते 4 किलोमीटर पर्यंत वाहनांच्या रांगा लागल्या आहेत. पुण्यावरुन मुंबईला जाणारी मार्गिका विस्कळीत झाली आहे. त्यातच बोरघाटात सकाळी अपघातही झाला आहे.

कुठे झाली वाहतुकीची कोंडी

पुणे-मुंबई द्रुतगती मार्गावर वाहतूक कोंडी झालेली आहे. मुंबईकडे येणाऱ्या वाहनांची संख्या अचानकपणे वाढल्यानं वाहनांच्या रांगा लागल्याचं चित्र आहे. या ठिकाणी वाहनांच्या लांबच्या लांब रांगा लागल्या आहेत. आता ही वाहतूक कोंडी फोडण्याचं आव्हान महामार्ग वाहतूक पोलिसांसमोर आहे. यासाठी पोलिसांना बोरघाटात तैनात करण्यात येत आहे.

बोरघाटात पाहाटे अपघात

पुणे-मुंबई द्रुतगती मार्गावर बोरघाटात पुन्हा एकदा ट्रकचा ब्रेकफेल झाला. यामुळे विचित्र अपघात झालाय. बोरघाट उतरत असताना ब्रेकफेल झाल्यानं चालकाचा गाडीवरील ताबा सुटला आणि ट्रक तिसऱ्या लेनवर पलटला. पहाटे चारच्या सुमारास खोपोली परिसरात हा अपघात झाला. सुदैवाने यात कोणतीही जीवितहानी झाली नाही. चालक आणि क्लिनर किरकोळ जखमी झाले आहेत. 27 एप्रिलला ट्रकचा असाच ब्रेकफेल झाल्यानेच विचित्र अपघात झाला होता.

मुंबईकडे येणाऱ्यांना त्रास

मुंबई-पुणे महामार्गावर अनेक लोक रोज मुंबईच्या दिशने प्रवास करत असतात. यामुळे आधीच या मार्गावर वाहतूक जास्त असते. त्यामध्ये मुंबई-पुणे महामार्गावर अपघात झाला आहे. यामुळे मुंबईच्या दिशेने येणारी वाहतूक कोलमडली आहे. तर याठिकाणी मोठी वाहतूक कोंडी झाली निर्माण झाली आहे.

महामार्गावर अपघाताच्या घटना

मुंबई-पुणे महामार्गावर अनेक अपघाताच्या घटनाही घडतात. मागील आठवड्यात विचित्र अपघात झाला होता. एकूण अकरा वाहनं एकमेकांना धडकली आहेत. या अपघातानंतर एक चारचाकी तर अक्षरशः दुसऱ्या वाहनावर उभी आहे. खोपोली एक्झिटजवळ हा अपघात झाला होता.