वादग्रस्त IAS अधिकारी पूजा खेडकर यांचा आणखी एक कारनामा, मुलाखतीत…
probationary IAS officer Dr Puja Khedkar: दृष्टिहीन आणि मानसिक आजारी असल्याचा दावा करत त्या आधारे पूजा खेडकर आयएएस झाली. त्यासाठी तिला सहा वेळा वैद्यकीय चाचणीसाठी बोलवले होते. परंतु सहा वेळा ती हजर राहिली नाही. त्याऐवजी बाहेरुन वैद्यकीय अहवाल दिला.
IAS Probationer Pooja Khedkar : पुणे येथील प्रशिक्षणार्थी IAS अधिकारी डॉ. पूजा खेडकर यांची बदली झाल्यानंतर त्या चर्चेत आल्या. संघ लोकसेवा आयोगाच्या (UPSC) परीक्षेत खोट्या प्रमाणपत्राद्वारे पद मिळवल्याचा प्रकार उघड झाला. दृष्टिहीन आणि मानसिक आजारी असल्याचा दावा करत त्या आधारे पूजा खेडकर आयएएस झाली. त्यासाठी तिला सहा वेळा वैद्यकीय चाचणीसाठी बोलवले होते. परंतु सहा वेळा ती हजर राहिली नाही. त्याऐवजी बाहेरुन वैद्यकीय अहवाल दिला. केंद्रीय प्रशासकीय न्यायाधिकारणाकडून बाहेरचा अहवाल नाकारला होता. त्यानंतर काही घडामोडींमध्ये तो अहवाल स्वीकारला. आता आयएसआय पूजा खेडकर यांचा आणखी एक कारनामा समोर आला आहे. तिला मुलाखतीमध्ये महाराष्ट्राशी संबंधित दोन प्रश्न विचारले होते. परंतु त्याची उत्तरे देता आली नाही.
कोणती प्रश्न विचारली
पूजा खेडकर यांना मॉक इंटरव्ह्युमध्ये महाराष्ट्राशी संबंधित 2 प्रश्न विचारले. परंतु या प्रश्नांचीही उत्तर देता आली नाहीत. त्यात एक प्रश्न बीड जिल्ह्यामध्ये महिलांच्या गर्भपिशवी काढून टाकण्यात आल्याचा होता. हे प्रकरण राज्यभरात नव्हे तर देशभरात गाजले होते. त्याबद्दल पुजा यांना विचारले असता त्यांनी आपल्याला याबद्दल कोणतीही माहिती नसल्याचे मुलाखतीत म्हटले होते. त्यानंतर तिची निवड झाली. यामुळे त्यावर एक प्रश्नचिन्ह उभे राहिले आहे.
सरकारी नोकरीत असताना कंपनी स्थापन केली
सरकारी नोकरीत असताना पूजा यांनी एका कंपनीची स्थापना केली. पूजा ऍटो नावाची कंपनी त्यांची आहे, असा दावा माहिती अधिकार कार्यकर्ते विजय कुंभार यांनी केला. या संदर्भात पीएमओ आणि महाराष्ट्र सरकार तक्रार करणार असल्याचे त्यांनी म्हटले.
काय आहे पूजा खेडकर प्रकरण
स्वतंत्र गाडी, बंगला अन् कर्मचारी अवास्तव मागण्या केल्यानंतर प्रशिक्षणार्थी आयएएस अधिकारी पूजा खेडकर यांची राज्य सरकारने उचलबांगडी केली. त्यानंतर तिची प्रकरणे समोर येऊ लागली. खोट्या प्रमाणपत्राच्या आधारे नोकरी मिळाल्याचा प्रकार उघड झाला. पूजा खेडकर यांनी केंद्रीय नागरी सेवा आयोगाला सादर केलेल्या अपंगत्वाच्या प्रमाणपत्रांव्यतिरिक्त ओबीसी नॉन क्रिमीलेयर प्रमाणपत्रात विसंगती आढळल्या. त्यांच्या वडिलांनी अहमदनगर लोकसभा मतदार संघातून निवडणूक लढवली. त्यात उत्पन्नाचे तपशील समोर आले होते. त्यात ४० कोटींचे उत्पन्न दाखवले. ओबीसी नॉन क्रिमिलेयरसाठी ८ लाखांच्या उत्पन्नाची अट आहे. त्यामुळे तिच्या वडिलांची संपत्ती पाहता नॉन क्रिमिलेयरमधील पात्रतेवर प्रश्न निर्माण होत आहे.