Pune Weather | काल पावसाची संततधार, आज पुण्यात हलक्या सरींची शक्यता
पुणे : काल पुणे (Pune City) शहर आणि परिसरात जोरदार पाऊस (Rain) बरसल्यानंतर आजही सामान्यतः आकाश ढगाळ राहणार आहे. शहर आणि परिसरात आज अनेक ठिकाणी हलक्या पावसाच्या सरी कोसळण्याची शक्यता आहे.
पुणे : काल पुणे (Pune City) शहर आणि परिसरात जोरदार पाऊस (Rain) बरसल्यानंतर आजही सामान्यतः आकाश ढगाळ राहणार आहे. शहर आणि परिसरात आज अनेक ठिकाणी हलक्या पावसाच्या सरी कोसळण्याची शक्यता आहे. काल दिवसभर शहर आणि परिसरात ढगाळ वातावरण होतं. सकाळपासून शहराच्या अनेक भागात पावसाची संततधार सुरू होती. दुपारनंतर संततधार थांबली, अनेक भागात हलक्या स्वरूपाच्या सरी कोसळल्या. लोहगाव परिसरात मात्र, जोरदार पाऊस बरसला. (Light showers are expected in and around Pune today)
वातावरण ढगाळ असल्याने गारवा
पुण्यात आज सरासरी तापमान हे 26 अंश सेल्सिअसच्या घरात आहे. कमाल तापमान हे 29 अंश सेल्सिअसपर्यंत जाऊ शकतं. पुण्यात दिवसा वाऱ्याचा सरासरी वेग हा 38 किमीप्रतितास असेल. दिवसा वातावरणातलं आर्द्रतेचं प्रमाण हे 75 टक्क्यांपर्यंत असणार आहे. दुपारनंतर पावसाच्या सरी कोसळण्याची शक्यता आहे. सध्या वातावरण ढगाळ असल्याने वातावरणात गारवा आहे. रात्रीचं सरासरी तापमान हे 26 अंश सेल्सिअस असणार आहे. रात्रीच्यावेळी पावसाची शक्यता नाही.
कोकणातल्या रायगड, रत्नागिरी, ठाणे, पालघर, उत्तर महाराष्ट्रातल्या नाशिक, खानदेशातल्या धुळे, नंदुरबार जिल्ह्यांत बहुतांश ठिकाणी जोरदार पाऊस पडेल असा इशारा हवामान खात्याने दिला आहे. उर्वरित जिल्ह्यांमध्ये पावसाच्या हलक्या सरींची शक्यता वर्तवण्यात आली आहे.
राज्यातल्या अनेक भागातला पावसाचा जोर ओसरला
बंगालच्या उपसागरातल्या कमी दाबाच्या क्षेत्राची तीव्रता कमी झाल्याने राज्यात पावसाचा जोर कमी झाला आहे. राज्यात कोकण, खानदेशातलं वातावरण अंशतः ढगाळ आहे. विदर्भात गेल्या दोन दिवसांत कमी दाबाचे क्षेत्र सक्रिय आहे. उत्तरेकडे मॉन्सूनचा आस असलेला कमी दाबाचा पट्टा राजस्थानच्या बिकानेर, कोटापासून ते बंगालच्या उपसागराच्या पश्चिम मध्य भागापर्यंत आहे. त्यामुळे राज्यातल्या अनेक भागातला पावसाचा जोर ओसरला आहे. अनेक ठिकाणी ढगाळ वातावरणाची स्थिती मात्र, कायम आहे.
मुंबई हवामान विभागाचा अंदाज काय?
दरम्यान, मुंबई हवामान विभागाने मंगळवारी (31 ऑगस्ट) सॅटेलाईट आणि रडार इमेजेसच्या आधारे महाराष्ट्रात मुसळधार पावसाचा अंदाज व्यक्त केलाय. पुणे, जळगाव, अहमदनगर, सोलापूर, औरंगाबाद, जालना, लातूर, उस्मानाबाद, नांदेड, परभणी आणि बीडमध्ये पावसाचा जोर अधिक असेल असंही नमूद करण्यात आलंय. पालघर, रायगड, ठाणे या कोकणातील भागात विजेचा कडकडाट आणि वादळी वाऱ्यासह पावसाची शक्यता आहे.
हवामान विभागाचे अधिकारी के. एस. होसाळीकर म्हणाले, “छत्तीसगडवर 30 ऑगस्टला कमी दाबाचे क्षेत्र आहे. 15 अंश उत्तरवर पूर्व-पश्र्चिम शियर जोन आहे. याचा प्रभाव म्हणून महाराष्ट्र राज्यासाठी IMD पुढील 3-4 दिवसांसाठी काही इशारे देत आहे. काही ठिकाणी मुसळधार ते अतीमुसळधार पावसाची शक्यता आहे. यात मुंबई, ठाणे, उत्तर कोकणाचाही समावेश आहे.”
इतर बातम्या :
