पुणेकरांनो, पाणी जपून वापरा, दोन दिवस पाणी पुरवठा बंद
बुधवारी १५ फेब्रुवारी आणि गुरुवार १६ फेब्रुवारी रोजी शहरातील काही भागाचा पाणीपुरवठा बंद ठेवण्यात येणार आहे. पाणी बंद असलेल्या भागात दुसऱ्या दिवशी सकाळी आणि उशिराने पाणीपुरवठा होणार आहे.
पुणे : पुणे शहरातील नागरिकांना दोन दिवस पाण्याचा जपून वापर करावा लागणार आहे. कारण काही भागांत दोन दिवस पाणीपुरवठा होणार नाही. महापालिकेकडून समान पाणी योजनेंतर्गत पाण्याचे ऑडिट करण्यासाठी मुख्य जलवाहिन्यांवर फ्लो मीटर बसवण्यात येणार आहेत. या कामांमुळे बुधवारी १५ फेब्रुवारी आणि गुरुवार १६ फेब्रुवारी रोजी शहरातील काही भागाचा पाणीपुरवठा बंद ठेवण्यात येणार आहे. पाणी बंद असलेल्या भागात दुसऱ्या दिवशी सकाळी आणि उशिराने पाणीपुरवठा होणार आहे, असे मनपाने दिलेल्या प्रसिद्ध पत्रकात म्हटलंय.
कुठे कधी राहणार पाणी पुरवठा बंद
बुधवारी पाणी बंद असलेला भाग
सणस पंपिग स्टेशन – नऱ्हे, धायरी मानस परिसर, धायरी खंडोबा मंदिर परिसर गल्ली क्रमांक. बी १० ते बी १४
गुरुवारी पाणी बंद असलेला भाग
– चतुश्रुंगी टाकी परिसर : बोपोडी, अनगळ पार्क, खडकी, सहारा हॉटेल, राजभवन, पंचवटी, औंध, खडकी ॲम्युनेशन फॅक्टरी, अभिमानश्री सोसायटी, एसएनडीटी टाकी परिसर – शिवाजीनगर, भोसलेनगर, घाेले रोड, सेनापती बापट रोड, हनुमाननगर, जनवाडी, वैदुवाडी, मॉडेल कॉलनी, वडारवाडी, रेव्हेन्यू कॉलनी, पोलिस लाइन, गोखलेनगर, भांडारकर रोड आणि परिसर पद्मावती टाकी परिसर – बिबवेवाडी, अप्पर व सुपर इंदिरानगर, संभाजीनगर, काशीनाथ पाटीलनगर, लोअर इंदिरानगर, चिंतामणीनगर, स्टेट बॅंकनगर लेक टाउन, गंगाधाम, बिबवेवाडी, कोंढवा रस्ता, विद्यासागर कॉलनी, सॅलिसबरी पार्क, महर्षीनगर, डायस प्लॉट, मार्केट यार्ड, धनकवडी, गुलाबनगर, चैतन्यनगर, तळजाई वसाहत परिसर. नवीन कॅन्टोन्मेंट जलशुद्धीकरण केंद्र – ससाणेनगर, काळे बोराटेनगर, हडपसर गावठाण, ग्लायडिंग सेंटर, फुरसुंगी, सय्यदनगर, सातववाडी, इंद्रप्रस्थ, मगरपट्टा, वानवडी, चंदननगर, खराडी, रामटेकडी, माळवाडी, भोसले गार्डन, १५ नंबर आकाशवाणी, लक्ष्मी कॉलनी, महादेवनगर, मगरपट्टा परिसर.