83 वर्षांचा योद्धा लढतोय, सर्वसामांन्याना ऊर्जा देतोय, आता शरद पवारांचा 83 फूट उंच पुतळा उभारणार
sharad pawar statue in maharashtra: पवार साहेबांच्या वाढदिवशी या पुतळ्याच्या उभारणीला सुरुवात होईल. सर्वसामान्य शेतकऱ्यांच्या लोकवर्गणीतून हा पुतळा उभा होईल. भविष्यात पवार साहेब यांच्या जीविताला धोका आहे. शासनाने हे शोधून काढले पाहिजे.
महाराष्ट्रातील विधानसभा निवडणुकीचा प्रचार अंतिम टप्प्यात आला आहे. या निवडणुकीत वाढत्या वयाचा विचार न करता राष्ट्रवादी काँग्रेस शरदचंद्र पवार पक्षाचे नेते शरद पवार महाराष्ट्र पिंजून काढत आहे. त्यांचे झंझावत प्रचार दौरे सुरु आहे. त्यांच्या कार्याची दखल म्हणून शरद पवार यांचा वयाइतक्या उंचीचा पुतळा उभारण्याचा निर्णय घेतला आहे. जनशक्ती शेतकरी संघटनेचे शेतकरी नेते अतुल खुपसे यांनी ही माहिती दिली. 83 वर्षांचा योद्धा आज लढत आहे, त्यामुळे त्यांचा 83 फूट उंच पुतळा उभारणार असल्याचे खुपसे यांनी सांगितले.
शरद पवार यांचे सरकार येणार
सोलापूर जिल्ह्यातील करमाळा विधानसभा मतदारसंघात उपळवाटे गावात शरद पवार यांचा 83 फूट उंच पुतळा उभा करणार जनशक्ती शेतकरी संघटनेचे शेतकरी नेते अतुल खुपसे यांनी सांगितले. मराठवाड्यातील व विदर्भातील अनेक वारकरी या मार्गावरून जातात त्यांना हा पुतळा बघून ऊर्जा मिळेल. भविष्यात शरद पवार यांचे राज्य येणार आहे. सरकार येणार आहे, असे खुपसे यांनी सांगितले.
यामुळे पुतळा उभारणार
महाराष्ट्रातील शरद पवार गटाच्या सर्व उमेदवारांना जनशक्ती शेतकरी संघटनेचा पाठिंबा आहे. कारण खरी कर्ज माफी शरद पवार यांच्या काळात झाली होती. भाजपच्या काळात कागदावरच कर्जमाफी झाली. शरद पवार यांचे सरकार आल्यावर शेतकऱ्यांना चांगले दिवस येतील. 83 वर्षांचा योद्धा आज लढत आहे. 83 वर्षांचा योद्धा लढत असताना सर्वसामान्याना ऊर्जा मिळत आहे. त्यामुळे करमाळा विधानसभा मतदारसंघात उपळवाटे गावात शरद पवार यांचा 83 फूट उंचीचा पुतळा उभारणार आहे, असे अतुल खुपसे यांनी सांगितले.
शरद पवार यांच्या जीवाला धोका
पवार साहेबांच्या वाढदिवशी या पुतळ्याच्या उभारणीला सुरुवात होईल. सर्वसामान्य शेतकऱ्यांच्या लोकवर्गणीतून हा पुतळा उभा होईल. भविष्यात पवार साहेब यांच्या जीविताला धोका आहे. शासनाने हे शोधून काढले पाहिजे. भाजपकडून 100 टक्के शरद पवार यांच्या जीविताला धोका आहे, असा दावा खुपसे यांनी केला.