Maharashtra Political News live : उमेदवारी अर्ज दाखल करण्यासाठी उमेदवार आला रेड्यावर

पीडीपीच्या अध्यक्षा मेहबूबा मुफ्ती यांनी आपल्या उमेदवारीवरून सांगितले की, ही निवडणूक वीज, पाणी, रस्त्यांसाठी नाही, ही निवडणूक आमची अस्मिता, आमची जमीन आणि 2019 नंतर जम्मू-काश्मीरमधील आमच्या तरुणांच्या नोकऱ्यांवर होणाऱ्या हल्ल्याच्या विरोधात आहे. आता उभे राहण्याची वेळ आली आहे. वर जम्मू-काश्मीरचे खुल्या कारागृहात रूपांतर झाले आहे. आम्हाला बंधपत्रित मजूर बनवण्याचा प्रयत्न केला जात आहे.

गोव्याचे मुख्यमंत्री प्रमोद सावंत म्हणाले की, लोक देशभरात 400 हून अधिक घोषणा देत आहेत. विरोधकही चारशेचा आकडा पार करणार नाही, तर चारशेच्या जवळपास पोहोचणार असल्याचे सांगू लागले आहेत. ते स्वतःच्या न्याय पत्रिकेवर बोलत नाहीत तर मोदींच्या हमींवर बोलतात.

DRDO ने इंटिग्रेटेड टेस्ट रेंज (ITR), चांदीपूर येथून ओडिशाच्या किनाऱ्यावरील स्वदेशी तंत्रज्ञान क्रूझ क्षेपणास्त्र (ITCM) चे यशस्वी उड्डाण केले. चाचणी दरम्यान सर्व उपप्रणाली अपेक्षेप्रमाणे कार्य करतात. चाचणी यशस्वी मानली जाते.

इस्रायली जहाजातून इराणी सैनिकांनी ओलीस ठेवलेल्या 17 भारतीयांपैकी एक मायदेशी परतला आहे. उर्वरित 16 जणांच्या सुटकेबाबत भारत सरकार इराणच्या संपर्कात आहे. परराष्ट्र मंत्री जयशंकर यांनी या लोकांच्या सुटकेबाबत इराणच्या परराष्ट्रमंत्र्यांशी चर्चा केली होती.

भाजपा खासदार संजय काका पाटील यांनी आपला उमेदवारी अर्ज दाखल करत सांगली मधून रॅली द्वारे शक्तिप्रदर्शन केले. या रॅलीमध्ये भाजपा आणि महायुतीचे नेते देखील सहभागी झाले. यावेळी आमदार गोपीचंद पडळकर यांनी खासदार संजय काका पाटील यांना खांद्यावर उचलून घेतले,यावेळी हजारो कार्यकर्ते या बाईक रॅलीत सहभागी झाले होते.

रोहिणी खडसे यांनी देवेंद्र फडणवीस यांच्यावर निशाणा साधला. बारामतीत सुप्रिया सुळे यांचा विजय निश्चित आहे. बारामतीची जनता ही शरद पवारांच्या पाठीशी आहे. सरकारचीच आता भाकरी फिरवण्याची वेळ आल्याचं त्या म्हणाल्या.

धाराशिवमधील वंचित बहुजन विकास आघाडीचे उमेदवार भाऊसाहेब आंधळकर यांनी उमेदवारी अर्ज दाखल केला.उमेदवारी अर्जात अनेक त्रुटी असल्याने जिल्हाधिकारी तथा निवडणूक निर्णय अधिकारी डॉ सचिन ओम्बासे यांनी बजावली त्रुटीची नोटीस बजावली.

धाराशिवमधील महाविकास आघाडी उमेदवार ओमराजे निंबाळकर यांनी आज अर्ज सादर करताना ab फॉर्म दिला नाही, उद्या शिवसेना पक्षाचा ab फॉर्म सादर करणार असल्याचे त्यांनी स्पष्ट केले. आज शपथपत्र व इतर कागदपत्रे सादर करण्यात आली.

पुण्यात झालेल्या सभेत पृथ्वीराज चव्हाण यांनी सुद्धा पंतप्रधान नरेंद्र मोदी यांच्यावर हल्लाबोल केला. मोदी सांगत आहेत की देशाची अर्थव्यवस्था पाचवी क्रमांक झाली आहे याचा मला अभिमान आहे. मात्र मनमोहन सिंग पंतप्रधान असते तर भारत तिसऱ्या क्रमांकाची अर्थव्यवस्था झाली असती हे आयएम चे रिपोर्ट असल्याचा दावा त्यांनी केला. भाजपाच्या जाहीरनामावर मोदींचे 42 फोटो आहेत.अनेक ठिकाणी मोदी आपला फोटो वापरत आहेत.मोदींना भीती आहे की आपला फोटो नसला तर लोक आपल्याला विसरतील, असा टोला त्यांनी लगावला.

दरवर्षी दोन कोटी मुलांना नोकऱ्या देण्याचे आश्वासन पतंप्रधान नरेंद्र मोदी यांनी दिले होते. पण गेल्या दहा वर्षांत नोकऱ्या कमी झाल्याचा घणाघात शरद पवार यांनी केला. सध्या देशातील तरुणाईचा जो आकडा आहे, त्यातील 86 टक्के मुलं ही बेरोजगार आहेत, असे ते म्हणाले.

माढा लोकसभेसाठी रेड्यावर बसून उमेदवारी अर्ज दाखल करण्यासाठी उमेदवार आला. मराठा समाजाचे राज्य समन्वयक राम गायकवाड यांनी लोकसभेचा उमेदवारी अर्ज दाखल केला आहे.

अजित पवार यांनी बारामती लोकसभा मतदारसंघासाठी डमी अर्ज भरला. खबरदारी म्हणून अजित पवारांनी भरला डमी उमेदवारी अर्ज भरला आहे. छाननी पूर्ण झाल्यावर सुनेत्रा पवार यांचा अर्ज मंजूर होईल.  तेव्हा अजित पवार आपला डमी अर्ज मागे घेणार आहेत.

मुंबई युवक काँग्रेसच्या कार्यकर्त्यांनी अंधेरीतील गोखले पुलावर पोस्टर लावून बीएमसी आणि सरकारचा निषेध केला आहे. युवक काँग्रेसने लावलेल्या पोस्टरवर हा माझा विकास… असं लिहिलं आहे. तसेच पंतप्रधान नरेंद्र मोदी, मुख्यमंत्री एकनाथ शिंदे, उपमुख्यमंत्री देवेंद्र फडणवीस यांची फोटो लावण्यात आली आहेत.

महाराष्ट्र आणि देशाचे ठरलंय स्वाभिमानाची मशाल पेटवायची आणि तुतारी वाजवायची. मला प्रश्न पडलाय की ग्रामपंचायत की लोकसभा निवडणूक आहे. नटसम्राट ,कार्यसम्राट परवडतो. परंतु पलटूराम किंवा खोकेराम परवडत नाहीत. निधी हा जनतेच्या पैशातून दिला जातो. ही बाब लक्षात ठेवली पाहिजे, असं म्हणत अमोल कोल्हे यांनी अजित पवार यांच्यावर अप्रत्यक्षपणे टीका आहे.

महाविकास आघाडीचे उमेदवार भाऊसाहेब वाकचौरे उद्या उमेदवारी अर्ज दाखल करणार आहेत. भाजप नेते राधाकृष्ण विखे पाटील यांचा बालेकिल्ला असलेल्या राहाता शहरात उद्या महाविकास आघाडीचे शक्ती प्रदर्शन होणार आहे.  आदित्य ठाकरेंसह काँग्रेस नेते बाळासाहेब थोरात, राष्ट्रवादीचे आमदार प्राजक्त तनपुरे, माजी मंत्री आमदार शंकरराव गडाख उपस्थित राहणार आहेत.  उद्या दुपारी 12 वाजता करणार उमेदवारी अर्ज दाखल आहेत.  राहाता शहरात आदित्य ठाकरे यांचा रोड शो आणि प्रचार सभेचे आयोजन करण्यात आले आहे.

वैभव नाईक यांनी नारायण राणे यांच्यावर हल्लाबोल केला आहे. नारायण राणे हे त्यांच्या दोन मुलांसाठी भांडत होते. अखेर त्यांच्यासाठी त्यांनी ऊमेदवारी घेतली. त्यामुळे विनायक राऊत यांचा विजय निश्चित झाला आहे. खरंतर राणे पहिल्या बाकावर ते नेते, पण किरण सामंत सारख्या व्यक्तीमुळे राणेंची ऊमेदवारी १३ व्या यादीत जाहीर त्यामुळे ते १३ व्या बाकावरचे नेते झालेत. केवळ आपल्या दोन मुलांचं राजकीय करीअर सेट करण्यासाठी राणेंनी ऊमेदवारी घेतली पण त्यांची गुंडगिरी आत्ता चालणार नाही.  कोकणातील जनता राणेंना हरवणार आहे, असं वैभव नाईक म्हणालेत.

अमरावती लोकसभा मतदारसंघातील महाविकास आघाडीचे उमेदवार बळवंत वानखडे यांच्या प्रचारार्थ ठाकरे गटाचे नेते खासदार संजय राऊत यांच्या उपस्थितीत ठाकरे गटाच्या मेळाव्याचे आयोजन करण्यात आले आहे. यावेळी बोलताना राज्याच्या मुख्यमंत्र्यांला भेटीसाठी आठ आठ दिवस वेटींग वर ठेवलं जातं. महाराष्ट्रचा मुख्यमंत्री एवढा लाचार आहे रोज उठतो आनी दिल्लीला जातो. राज्यात मविआचे जागावाटप झालं आहे, असं संजय राऊत म्हणाले.

सुनेत्रा पवार उमेदवारी अर्ज दाखल करण्यासाठी पोहोचल्या आहेत.  सुनेत्रा पवार यांच्यासोबत एकनाथ शिंदे, देवेंद्र फडणवीस, अजित पवार, रामदास आठवले, चंद्रकांत पाटील, राहुल कुल, विजय शिवतारे, प्रफुल पटेल उपस्थित आहेत. पार्थ आणि जय पवार देखील दाखल यावेळी सुनेत्रा पवार यांच्यासोबत आहेत.

मुंबईच्या पवई भागातील जयभीमनगर झोपडपट्टीला भीषण आग लागली  आहे. अग्निशमन दलाच्या दहापेक्षा अधिक गाड्या घटनास्थळी दाखल झाल्या.  आगीवरती अग्निशमन दलाने नियंत्रण देखील मिळवले आहे.  आगीत दहा ते बारा झोपड्या जळून पूर्णतः खाक झाल्या आहेत.  आगीत कुठल्याही प्रकारची जीवितहानी झाली नाही. मात्र परिसरात भीतीचे वातावरण पसरले आहे.  ही आग घरातील असलेल्या देव मंदिरातील दिव्यामुळे लागली असल्याची माहिती समोर आली आहे.

शरद पवार यांना मुलगा नाही म्हणून सुप्रिया सुळे यांची थट्टा केली जातेय. महाराष्ट्राची जनता चुकले की ठोकते. चंद्रकांत पाटील यांनी महिलांच्या मतदारसंघात डल्ला मारलाय. जनतेने ठरवलंय गद्दाराना गाडायचे आहे, असे सक्षणा सलगर यांनी म्हटले.

मनुवादी विचार अजित दादांनी लवकर आत्मसात केले. अजित पवार यांच्यावर संगतचा असर लवकर झालाय. शरद पवार यांनी महिलांना कायम आदर दिलाय.

जळगावच्या एमआयडीसी मधील मोरया ग्लोबल लिमिटेड या कंपनीत शॉर्टसर्किटमुळे लागली होती भीषण आग.

सोशल मीडियावर आलेल्या धमकीनंतर नाशिक पोलिसांकडून अतिरिक्त पोलीस बंदोबस्त. मध्यरात्रीच्या सुमारास गोंधळ घालणाऱ्या जमाविरुद्ध आवाज उठवल्याने आमदार देवयानी फरांदे यांना आली होती धमकी.

सोलापूर- काँग्रेस उमेदवार प्रणिती शिंदे आज उमेदवारी अर्ज भरणार आहेत. प्रणिती शिंदे आज शक्ती प्रदर्शन करत उमेदवारी अर्ज भरायला निघाल्या आहेत. रोड शो करत प्रणिती शिंदे उमेदवारी अर्ज दाखल करणार आहेत.

नवी दिल्ली- ईव्हीएमबाबत सुप्रीम कोर्टात जस्टिस संजीव खन्ना आणि दीपांकर दत्ता यांच्यासमोर सुनावणी सुरू आहे. निवडणूक बॅलेट पेपरवर व्हावी किँवा 100 टक्के VVPAT मिळावेत, असं वकिल प्रशांत भूषण म्हणाले. त्यावर देशात 98 कोटी मतदार असल्याचं कोर्टाने म्हटलंय. वारंवार एकाच प्रकारच्या मागण्या करू नका, असं कोर्टाने याचिकाकर्त्यांना सुनावलं आहे.

अभिनेता सलमान खानच्या घराबाहेर गोळीबार प्रकरणी पुण्यातील दोघांना अटक करण्यात आली आहे. सचिन पोटे आणि तुषार काळे अशी अटक करण्यात आलेल्या आरोपींची नावं आहेत. सलमानच्या घरावर गोळीबार करण्यात आलेली पिस्तुल या दोघांच्या गाडीतून जप्त केली असल्याचा पोलिसांचा अंदाज आहे.

मुंबई – नाशिक महामार्गावरील साकेत पुलालगत उभारण्यात आलेल्या पादचारी पुलावर गार्डर उभारले जाणार आहे. या कामासाठी ठाणे वाहतूक पोलिसांनी नाशिक येथून मुंबईच्या दिशेने वाहतूक करणाऱ्या मार्गिकेवर आज रात्री ११.५९ ते १९ एप्रिल पहाटे ४ वाजेपर्यंत वाहतूक बदल लागू केले आहेत.

नाशिक, भिवंडी इथून ठाणे, मुंबईच्या दिशेने वाहतूक करणाऱ्या सर्व प्रकारच्या वाहनांना खारेगाव टोल नाका इथं बंदी असेल. इथली वाहने टोल नाका इथून डावं वळण घेऊन गॅमन रोड, रेतीबंदर मार्गे वाहतूक करतील.

नारायण राणेंना भाजपची उमेदवारी जाहीर करण्यात आली आहे. रत्नागिरी, सिंधुदुर्गमधून नारायण राणे निवडणूक लढवणार आहेत. भाजपच्या उमेदवारांची 13वी यादी जाहीर झाली आहे.

भूषणसिंह होळकर राष्ट्रवादी काँग्रेस शरदचंद्र पवार गटात प्रवेश करणार आहे. होळकर यांनी पुण्यात शरद पवारांची भेट घेतली. अहिल्यादेवी होळकर यांचे वंशज भूषणसिंह होळकर लवकरच शरद पवार गटात जाणार आहेत.

आगामी लोकभा निवडणुकीत बारामतीमध्ये सुप्रिया सुळे वि. सुनेत्रा पवार असा सामना रंगणार आहे. आज सुप्रिया सुळे पुण्यात उमेदवारी अर्ज दाखल करणार असून त्या आंबेडकर चौकात दाखल झाल्या आहेत. त्या निमित्नाने मोठे शक्तीप्रदर्श करण्यात येण्याची शक्यता आहे.

विजयकुमार गावित हे काम करण्यासाठी टक्केवारी घेतात असा गंभीर आरोप के.सी. पाडवींनी केला आहे. मात्र पाडवींनी हे आरोप सिद्ध करून दाखवावेत असं प्रत्युत्तर गावित यांनी दिलं आहे.

माझी लढाई ही वैयक्तिक नाही, वैचारिक आहे. मी आत्तापर्यंत लोकसभेत जे बोलले ती भाषणं ऐका. मी फक्त जनतेच्या हितासाठी बोलत आले, यापुढं ही बोलत राहीन, असं सुप्रिया सुळे म्हणाल्या.

देवेंद्र फडणवीस यांचे मनःपूर्वक आभार मानते. काश्मीर ते कन्याकुमारी ज्यांची सत्ता आहे, ते आज खरं बोलले. सातत्याने चंद्रकांत पाटील म्हणतात की आम्हाला शरद पवारांना संपवायचं आहे. शरद पवार आणि महाराष्ट्राच्या विरोधात हे षडयंत्र आहे. भाजपच्या पोटात होतं ते ओठांवर आलं.

मुख्यमंत्री एकनाथ शिंदे यांचा आज पुणे सातारा दौऱ्यावर. पुण्यात महायुतीच्या जाहीर सभेत राहणार उपस्थित. त्यानंतर बारामती लोकसभा मतदार संघातील महायुती उमेदवाराचे भरणार नामनिर्देश पत्र. संध्याकाळी साताऱ्यात महायुतीच्या उमेदवारांकरिता प्रचार रॅलीत व जाहीर सभेत राहणार उपस्थित.

उद्या फुटणार सुप्रिया सुळे यांच्या प्रचाराचा नारळ. काटेवाडी मधील कन्हेरी मारुतीचे दर्शन घेऊन प्रचाराला होणार सुरुवात. राष्ट्रवादी काँग्रेसचे अध्यक्ष शरद पवार यांच्या उपस्थितीत होणार हा जाहीर कार्यक्रम. पवार कुटुंबातील अनेक सदस्य उद्या काटेवाडीत येणार.

नाशिकच्या जागेचा तिढा कायम असताना, हेमंत गोडसे मात्र अयोध्येत. हेमंत गोडसे यांनी आयोध्यमध्ये जाऊन घेतले राम लल्लाचे दर्शन. काल हेमंत गोडसे यांनी काळाराम मंदिरात जाऊन रामरायाचे दर्शन घेतल्यानंतर आयोध्याकडे झाले होते रवाना. आज महायुतीकडून होणाऱ्या संयुक्त पत्रकार परिषदेत नाशिकची जागा कुणाकडे जाणार याबाबत घोषणा होण्याची शक्यता आहे.

पुण्यात सिंहगड रोड भुमकर चौकात गोळीबार. गणेश गायकवाड यांच्यावर झाला गोळीबार. पहाटे अडीच वाजता झाला गोळीबार. काडे पेटी मागितल्याच्या कारणातून झाला वाद.

छत्रपती संभाजीनगर जिल्ह्यात राज्यातील पहिली चारा छावणी सुरू झाली आहे. छत्रपती संभाजीनगर जिल्ह्यातील गंगापूर तालुक्यातील खोजेवाडी गावात पहिली चारा छावणी सुरू करण्यात आली आहे. भाजप आमदार प्रशांत बंब यांनी ही चारा छावणी सुरू केली आहे. चारा छावणी सुरू झाल्याच्या पहिल्याच दिवशी 500 जनावरे छावणीत दाखल झाले. 10 हजार जनावरांची क्षमता चारा छावणीत आहे.

राष्ट्रवादी काँग्रेसचे नेते अन् उपमुख्यमंत्री अजित पवार आणि बारामती लोकसभा मतदार संघातील उमेदवार सुनेत्रा पवार यांच्याकडून पुण्यातील दगडूशेठ गणपती बाप्पाला आरती करण्यात आली. उमेदवारी अर्ज भरण्यापूर्वी सुनेत्रा पवार यांनी गणपतीची आरती करत गणपतीबाप्पाला साकडे घातले.

साडेतीन शक्तीपीठांपैकी एक असलेल्या सप्तशृंगी गडावरील चैत्रोत्सवाला मंगळवारपासून सुरुवात होणार या यात्रेत नाशिक जिल्ह्यासह धुळे नंदुरबार सह उत्तर महाराष्ट्रातून मोठ्या संख्येने भाविक एक येत असतात. गडावर जाणाऱ्या भाविकांची संख्या लक्षात घेता मालेगाव बस आगारातून दहा विशेष बसेसची व्यवस्था करण्यात आली आहे. आज दहा वर्षे सोडण्यात आले असून भाविकांची गर्दी लक्षात घेता अजूनही बस संख्या वाढवण्यात येणार असल्याची माहिती व व्यवस्थापकांकडून देण्यात आली आहे आहे.

पुणे जिल्ह्याला अवकाळी वादळी पावसाने झोडपले आहे. या पावसाचा मुळशी तालुक्यातील शेतकऱ्यांना याचा फटका सर्वात जास्त बसला आहे.वादळी वाऱ्याने अनेक शेतकऱ्यांच्या शेतीचं मोठं नुकसान झाले आहे. मुळशीच्या कोळवण येथील अनेक पॉली हाऊसचे वादळी पावसाने प्लास्टिक अच्छादन फाटले आहे. शेतकऱ्यांनी त्वरीत पंचनामे करुन नुकसान भरपाई देण्याची मागणी केली आहे.