पण एक वर्ष आम्ही विरोधात बसलो, दीड वर्ष कोरोनात गेले. त्यामुळे दीड वर्षात आम्ही पावणे तीन हजार कोटी दिले, असे अजित पवार यांनी म्हटले.
त्यामुळे कुणीही पंप बंद करायला कोणी शेतात जायची गरज नाही. उगाच पंप बंद करायला म्हणून इकडं तिकडे जायचे नाही घरीच लेकराबाळात बसायचे. अजित पवारांचे मिश्किल विधान
घरातील महिला सकाळी उठण्यापासून रात्री झोपेपर्यंत सगळी कामं करते. त्यांना कोणी आजपर्यंत विचारले का? आम्ही पण आम्हाला दोषी समजतो कारण मी पण इतके वर्षे त्याचा विचार केला नाही, असे अजित पवार यांनी म्हटले.
थोड्याच वेळात मराठा समाजाचे कार्यकर्ते वर्षावर येणार असून मुख्यमंत्री एकनाथ शिंदे याच्या सोबत बैठक होणार सुरु होईल
आमदार शहाजी बापू पाटील यांना पंढरपुरात धनगर समाजाने आडवून समोर ढोल वाजवत धनगर समाजाच्या सुरू असलेल्या उपोषणाला पाठिंबा देण्याची मागणी केली. सांगोल्याचे आमदार शहाजी बापू पाटील यांनी उपोषणकर्त्यांची भेट घेतली.
सोलापूरच्या माढ्यात बेरोजगार तरुणांच्या हाताला काम देण्यासाठी आरोग्य मंत्री तानाजी सावंत यांच्या भैरवनाथ समुहाच्या वतीने नोकरी महोत्सव पार पडला.या महोत्सवात १ हजार ५० तरुणांनी सहभाग घेतला होता.तर ४२५ बेरोजगारांना जागेवरच नोकरी मिळाली.
मनोज जरांगे पाटील यांच्या समर्थनार्थ आज सोलापूर जिल्हयातील करमाळा शहरात व जेऊर गावात बंद करण्यात आला. जरांगे पाटील यांच्या आंदोलनाची दखल न घेतल्याने करमाळा शहरात व जेऊर गावात शासनाच्या निषेधार्थ कडकडीत बंद करण्यात आला.
धाराशिव जिल्ह्यातल्या एका महिलेवर नोकरी लावण्याचे आमिष दाखवत चौघांनी अत्याचार केल्याची घटना समोर आली आहे. पिडीत महिलेच्या तक्रारीवरून एकाला अटक करण्यात आली आहे तर इतर तिघांचा शोध सुरू आहे.
अजित पवार यांच्या सभेनंतर शरद पवारांची सभा देखील चिपळूणमध्ये सभा आयोजित करण्यात आली आहे.
चिपळूणमधील सावरकर मैदानामध्ये ही सभा उद्या होणार होणार आहे. या सभेची जय्यत आणि भव्य तयारीला सुरुवात झाली आहे.
नवी दिल्ली- राष्ट्रवादी काँग्रेस आणि शिवसेना आमदार अपात्रता प्रकरणी सुप्रीम कोर्टात तारखांवर तारखा देण्यात येत आहेत. येत्या मंगळवारी अपात्रतेबाबत सुप्रीम कोर्टात सुनावणी होणार आहे. 313 क्रमांकवर आमदार अपात्रता प्रकरण असल्याने मंगळवारीही सुनावणी होण्याची शक्यता कमी आहे. अभिषेक मनू सिंघवी यांनी प्रकरण मेन्शन केल्यानंतर सुप्रीम कोर्टात तारीख देण्यात आली.
पंतप्रधान नरेंद्र मोदी अमेरिका दौऱ्यावर असून राष्ट्राध्यक्ष जो बाईडन आणि मोदी यांची आजच भेट होणार आहे. मोदींच्या दौऱ्यात भारतीय वस्तू परत मिळणार आहेत. अमेरिकेत तस्करीद्वारे गेलेल्या 297 भारतीय पुरातन वस्तू पुन्हा मिळणार आहेत. यापूर्वी 2021 साली 157 तर 2023 साली 105 भारतीय पुरातन वस्तू अमेरिकेने परत केल्या होत्या.
पाकिस्तानी अभिनेता फवाद खान आणि माहिरा खान यांचा बहुचर्चित पाकिस्तानी चित्रपट ‘द लेजंड ऑफ मौला जट्ट’ हा चित्रपट येत्या 2 ऑक्टोबर रोजी भारतात प्रदर्शित होणार आहे. याप्रकरणी आता मनसे अध्यक्ष राज ठाकरे यांनी एक्स (ट्विट) अकाऊंटवर पोस्ट लिहिली आहे. ‘मराठी सिनेमांना थिएटर्स उपलब्ध करून देताना मागेपुढे करणाऱ्या थिएटर मालकांनी जर पाकिस्तानी सिनेमाला या भूमीत पायघड्या घातल्या, तर हे औदार्य महागात पडेल हे विसरू नये,’ असं त्यांनी म्हटलंय.
फवाद खान नावाच्या पाकिस्तानी अभिनेत्याचा, ‘लिजेंड ऑफ मौला जट’ नावाचा सिनेमा लवकरच भारतात प्रदर्शित होणार आहे. महाराष्ट्र नवनिर्माण सेना हा सिनेमा कुठल्याही परिस्थितीत महाराष्ट्रात प्रदर्शित होऊ देणार नाही. पाकिस्तानी कलाकारांचे सिनेमे मुळात भारतात प्रदर्शित का होऊ दिले जातात?…
— Raj Thackeray (@RajThackeray) September 22, 2024
नवी दिल्ली- निवडणूक आयोगाची टीम महाराष्ट्रात येणार असून 26 सप्टेंबरपासून चार दिवसांचा दौरा असेल. मुख्य निवडणूक आयुक्त राजीव कुमार यांच्यासह आयोगाची टीम विधानसभा निवडणुकीबाबत माहिती घेणार आहे. राज्यातील वरिष्ठ अधिकाऱ्यांचीही चर्चा करणार आहेत.
“भारतीय जनता पक्ष आणि त्यांचे काही आमदार हे राज्यात धार्मिक वाद व्हावेत, टोकाचे भूमिका दोन्ही बाजूने घेतल्या जाव्यात यासाठी जाणीवपूर्वक प्रयत्न करत आहेत. भाजपच्या लक्षात आलंय आहे की यावेळी आपली खैर नाही. म्हणून कोणतेही मार्ग अवलंबण्याचे प्रयत्न सुरू आहेत. त्यातला हा शेवटचा मार्ग आहे. महाराष्ट्रात जातीय दंगली व्हाव्यात असा कट यातून मला दिसतो आहे,” असं जयंत पाटील म्हणाले. धारावी प्रकरणी नितेश राणेंच्या वक्तव्यावर ते बोलत होते.
उपमुख्यमंत्री अजित पवारांच्या सोलापूरमधील मोहोळ दौऱ्याच्या पार्श्वभूमीवर आज मोहोळ बंदची हाक देण्यात आली आहे. उपमुख्यमंत्री अजित दादा पवार हे आज लाडकी बहीण योजने निमित्त ‘जन सन्मान यात्रा’ कार्यक्रमासाठी मोहोळला येत आहेत. मोहोळ बंदला मोहोळकरांचा सकाळपासून उत्स्फूर्त प्रतिसाद प्रतिसाद मिळत आहे. मंजूर झालेले अप्पर तहसील कार्यालय रद्द व्हावे यासाठी मोहोळ बचाव संघर्ष समितीने दिलीय मोहोळ बंदची हाक देण्यात आलीय.
मुख्यमंत्री एकनाथ शिंदे यांच्या वर्षा निवासस्थानी बौद्ध भंतेजींना चिवरदान, धम्मदान आणि भोजनदान कार्यक्रमाचं आयोजन करण्यात आलं आहे. सकाळी 10 वाजता कार्यक्रमाला सुरुवात करण्यात आली आहे. महाराष्ट्रातील बौद्ध धर्मीय समुदायासाठी महत्त्वाचा असून, मुख्यमंत्री शिंदे यांच्या नेतृत्वाखाली धर्म आणि समाजाच्या उन्नतीसाठी महत्त्वपूर्ण पाऊल उचलले जात आहे.
मुंबई विद्यापीठाच्या सिनेट परिक्षेवर संजय राऊतांनी भाष्य केलं आहे. सिनेटचा मतदार विकत घेतला जाऊ शकत नाही. मतदार विकत घेतला जात नाही तिथे शिंदे, फडणवीस अजितदादा निवडणुका घ्यायला घाबरतात. ते डरपोक सरकार आहे. मुख्यमंत्री डरपोक आहेत. पैशाची ताकद ही निवडणुकीची ताकद नाही. सिनेटची निवडणूक हरतोय याची खात्री पटल्यावर निवडणूक रद्द केली, असा आरोप राऊतांनी केला आहे.
छत्रपती संभाजीनगरमध्ये सकल मराठा समाजाच्या वतीने केंब्रिज चौकात रास्ता रोको करण्यात आला आहे. मनोज जरांगे पाटील यांच्या समर्थनार्थ मराठा समाजाने रस्ता रोको केला आहे. सरकारने तात्काळ मराठा समाजाचा आरक्षणाचा प्रश्न मार्गी लावण्याची मागणी करण्यात आली आहे. मोठ्या प्रमाणात समाज बांधवांची उपस्थिती आहे.जालना-संभाजीनगर महामार्ग अडवून आंदोलकांची जोरदार घोषणाबाजी करण्यात येत आहे. घोषणाबाजी करत आंदोलकांकडून सरकार विरोधात रोष व्यक्त केला जात आहे.
राष्ट्रवादी काँग्रेस आणि शिवसेना आमदार अपात्रता प्रकरण… सुप्रीम कोर्टात तारखांवर तारखा… येत्या मंगळवारी अपात्रतेबाबत सुप्रीम कोर्टात सुनावणी… 313 क्रमांक वर आमदार अपात्रता प्रकरण… मंगळवारीही सुनावणी होण्याची शक्यता कमी… अभिषेक मनू सिंघवी यांनी प्रकरण मेन्शन केल्यानंतर सुप्रीम कोर्टात तारीख…
निवडणूक आयोगाची टीम महाराष्ट्रात येणार… 26 सप्टेंबर पासून चार दिवसांचा दौरा… मुख्य निवडणूक आयुक्त राजीव कुमार यांच्यासह आयोगाची टीम विधानसभा निवडणुकीबाबत माहिती घेणार… राज्यातील वरिष्ठ अधिकाऱ्यांचीही चर्चा करणार…
अरविंद केजरीवाल यांची आज जनता की अदालत… सकाळी 11 वाजता जंतर-मंतरवर जनता की अदालत चे आयोजन… मुख्यमंत्रीपदाचा राजीनामा दिल्यानंतर पहिल्यांदाच केजरीवाल संबोधन करणार… अरविंद केजरीवाल काय बोलणार याकडे संपूर्ण दिल्लीचे लक्ष…
सकल मराठा समाजाकडून आज परभणी बंदची हाक… सकाळपासून व्यापाऱ्यांनी बंद ठेवली व्यापारी प्रतिष्ठान… बीड, जालना पाठोपाठ आज परभणीत असणार बंद…
मराठा आंदोलक मनोज जरांगे पाटील यांनी मराठा आरक्षणासाठी पुन्हा एकदा आमरण उपोषण सुरु केलं आहे. आज त्यांच्या उपोषणाचा सहावा दिवस आहे. मनोज जरांगे यांच्या उपोषणाला पाठिंबा बंदची हाक देण्यात आली आहे. पुणे, जालना, परभणी शहरांमध्ये बंद पाळण्यात येणार आहे. मराठा आंदोलकांनी मंत्री शंभुराज देसाई यांची भेट घेतली. तर पाच आंदोलक मुख्यमंत्री एकनाथ शिंदे यांचीही भेट घेणार आहेत. तर महाराष्ट्राची विधानसभा निवडणूक तोंडावर येऊन ठेपली आहे. त्यामुळे सध्या राज्यातील राजकीय घडामोडींना वेग आला आहे. त्यातच सर्वच राजकीय पक्षांकडून मोर्चेबांधणीलाही सुरुवात झाली आहे. यासह, क्रीडा, मनोरंजन क्षेत्रातील घडामोडीही तुम्हाला या ब्लॉगमध्ये वाचायला मिळणार आहेत.