इराण आणि इस्त्रायल युद्धाला सुरुवात झाली आहे. शनिवारी मध्यरात्री इराणने इस्त्रायलवर २०० क्षेपणास्त्र डागले. त्यानंतर पश्चिम देश इराणच्या विरोधात एकत्र आले आहे. भारतात लोकसभेच्या पहिल्या टप्प्यातील मतदान जवळ आले आहे. १९ एप्रिल रोजी होणाऱ्या मतदानासाठी प्रचारला वेग आला आहे. भाजपाचा जाहीरनामा आज प्रसिद्ध होणार आहे. सकाळी 9 वाजता पंतप्रधान नरेंद्र मोदी यांच्या उपस्थितीत जाहीरनामा प्रसिद्ध होणार आहे. पुणे जिल्ह्यातील महायुतीच्या तिन्ही उमेदवारांचा आज एकत्रित प्रचार होणार आहे. सुनेत्रा पवार, मुरलीधर मोहोळ, शिवाजीराव आढळराव पाटील एकत्रित करणार प्रचार होणार आहे. यासह अन्य महत्वाच्या बातम्या क्रीडा, मनोरंजन, राजकीय क्षेत्रातील बातम्या तुम्हाला या ब्लॉगमध्ये वाचायला मिळतील. त्यामुळे आज दिवसभर हा ब्लॉग फॉलो करा.
नांदेड : अखेर यशवंत भिंगे यांनी काँग्रेस पक्षात प्रवेश केला आहे. त्यांनी 2019 मध्ये वंचित बहुजन आघाडीच्या वतीने नांदेड लोकसभा निवडणूक लढवली होती. यशवंत भिंगे नांदेड लोकसभेसाठी काँग्रेसकडून इच्छुक होते. त्यांनी आज मलिकार्जुन खर्गे, नाना पटोले, बाळासाहेब थोरात यांच्या उपस्थितीत नागपूर येथे काँग्रेसमध्ये प्रवेश केला.
सलमान खानच्या घराबाहेरील गोळीबार प्रकरणात पोलिसांचे 20 पथके तपासासाठी रवाना.
अभिनेता सलमान खानच्या घरासमोर घडलेली घटना ही नक्कीच गंभीर आहे. परंतू, अशा अनेक महाराष्ट्रात घटना घडत आहेत, गाव खेड्यात महिलांची धिंड काढली जातेय, शाळा, कॉलेजमध्ये मुली सुरक्षित नाहीत. दुसरीकडे करोडो रुपयांच ड्रग्स सापडत आहेत, असे सुषमा अंधारे यांनी म्हटले आहे.
संपूर्ण देशाला त्यांनी दिलेली घटना फार मोठी देणगी आहे. पुढचे हजार वर्ष घटनेचा मूळ भाव बदलावा लागणार नाही. जगामध्ये महिलांना मतदानाचा अधिकार मिळवण्यासाठी संघर्ष करावा लागला.
ठाणे- नाशिकचे खासदार हेमंत गोडसे मुख्यमंत्री एकनाथ शिंदे यांच्या ठाण्यातील शुभ-दीप निवासस्थानी दाखल झाले आहेत. दोन दिवसांपूर्वी त्यांनी खासदार श्रीकांत शिंदे यांच्यासोबत चर्चा केली होती. नाशिकची जागा शिवसेनेला मिळावी असा हेमंत गोडसे यांचा आग्रह आहे. नाशिकच्या जागेवरचा तिढा अजूनही कायम आहे.
भाजपच्या सर्व चिल्लर कार्यकर्त्यांनासुद्धा पोलीस संरक्षण दिलं जातंय. एकनाथ शिंदे यांच्या चिल्लर कार्यकर्त्यांना प्रचंड पोलीस संरक्षण आहे. अजित पवारांच्या चिल्लर कार्यकर्त्यांना पोलीस संरक्षण आहे आणि सामान्य जनता वाऱ्यावर आहे. सलमान खानच्या घराबाहेर झालेली फायरिंग हा इशारा नाही तर या बंदुकांच्या गोळ्यांनी भाजप पक्ष आणि यांचं सरकार यांची पोलखोल केलेली आहे, असं खासदार संजय राऊत म्हणाले.
सलमान खान हे सिने जगतातलं मोठं नाव आहे. त्यामुळे तुम्ही मला प्रश्न विचारत आहात. पण मुंबईसह महाराष्ट्राची कायदा-व्यवस्था पूर्णपणे उद्ध्वस्त झाली आहे. मुंबई ही महाराष्ट्राची आर्थिक राजधानी आहे. मुंबई आणि महाराष्ट्राचं संपूर्ण पोलीस खातं हे गद्दार आमदार, खासदार आणि शिवसेना राष्ट्रवादीतून पक्ष सोडून गेलेल्या त्यांच्या सुरक्षेसाठी तैनात आहेत. गल्लीतला एखादा माणूस पक्ष सोडून शिंदे गटात किंवा अजित पवार गटात जातोय. त्याला सुरक्षा पुरवली जातेय, अशा शब्दांत संजय राऊतांनी टीका केली.
ठाणे- माजी आमदार अभिजीत अडसूळ मुख्यमंत्री यांच्या निवासस्थानी दाखल झाले आहेत. ठाण्याच्या निवासस्थानी अभिजीत अडसूळ हे मुख्यमंत्री एकनाथ शिंदे यांच्या भेटीसाठी दाखल झाले आहेत.
सलमान खानच्या घरावर झालेल्या गोळीबारानंतर मुंबई गुन्हे शाखा आणि मुंबई पोलिसांनी आरोपींचा शोध सुरू केला आहे. या संदर्भात झोन 9 डीसीपी कार्यालयात वरिष्ठ पोलिस अधिकाऱ्यांची बैठक सुरू झाली आहे. पोलीस सीसीटीव्हीच्या मदतीने आरोपींपर्यंत पोहोचण्याचा प्रयत्न करत आहेत. पोलिसांना असे अनेक सीसीटीव्ही सापडले आहेत ज्यामध्ये दोन्ही आरोपी दिसत आहेत.
राजाभाऊ वाजे नाशिक मधून ठाकरे गटाचे उमेदवार जाहीर झाले आहेत त्यांच्या प्रचाराचे रणधुमाळी सुरू आहे. त्यासंदर्भात संजय राऊत यांची भेट घेण्यात आली.राजाभाऊ वाजे हे उमेदवार असल्याने महायुतीला उमेदवार मिळत नसल्याचे सुधाकर बडगुजर यांनी सांगितले
अकलूजला शरद पवारांची मोठी सभा होणार आहे. त्या सभेत विजयसिंह मोहिते राष्ट्रवादी शरद पवार गटात प्रवेश करणार असल्याची माहिती जयसिंह मोहिते पाटील यांनी दिली.
पंतप्रधान नरेंद्र मोदी यांनी वन नेशन-वन इलेक्शनचा पुन्हा हुंकार भरला. बहुमतातील सरकार कठोर निर्णय घेऊ शकते, याकडे त्यांनी जनतेचे लक्ष वेधले.
आता घरोघरी गॅस पाईपलाईन पुरविण्याचे उद्दिष्ट भाजपने समोर ठेवले आहे. देशातील प्रत्येक घराला पाईपलाईनद्वारे गॅस पुरविण्याची घोषणा पंतप्रधान नरेंद्र मोदी यांनी केली आहे.
70 वर्षांवरील सर्व ज्येष्ठ नागरिकांना आयुष्यमान भारत योजनेतंर्गत आणण्यात येणार आहे. गरिबापासून ते श्रीमंतापर्यंत सर्वांना या योजनेचा लाभ देण्यात येणार असल्याचे पंतप्रधान नरेंद्र मोदी यांनी भाजपच्या जाहिरनामा प्रसिद्ध केल्यानंतर सांगितले.
लोकसभा निवडणुकीसाठी भाजपने आता शंखनाद फुंकला आहे. भाजपने जाहीरनामा प्रसिद्ध केला. पंतप्रधान नरेंद्र मोदी यांच्या हस्ते जाहीरनामा प्रसिद्ध झाला. यावेळी भाजपचे अध्यक्ष जे.पी. नड्डा, अमित शाह आणि राजनाथ सिंह यांच्यासह ज्येष्ठ नेते, पदाधिकारी हजर होते.
10 वर्षात भाजपने सर्व संकल्प पूर्ण केले आहेत… पूर्ण देशाला भाजपच्या संकल्प पत्राची प्रतीक्षा असते… भाजपने आतापर्यंत दिलेली सर्व आश्वासनं पूर्ण केली आहेत… देशातील जनतेत भाजपबाबत विश्वास… पंतप्रधान नरेंद्र मोदी यांचं भाजपच्या जाहिरनाम्यात वक्तव्य…
मतदारांना हेलिकप्टरमधून आणण्याच्या वक्तव्यावर टीका करणाऱ्या जयंत पाटील यांना मुश्रीफ यांनी दिलं उत्तर… मी कार्यकर्त्यांमध्ये उत्साह येण्यासाठी ते वाक्य बोललो… पण यावर टीका करायला जयंत पाटील स्वतः हेलिकप्टरमधूनच आले… त्यांनी निदान कार ने तरी यायला हवं होत… मंत्री मुश्रीफ यांचा जयंत पाटील यांना टोला
मोदी सरकारच्या काळात अयोध्येत भव्य राम मंदिर उभारलं गेलं… गावागावात रस्ते बनले… इंटरनेट पोहोचलं… असं देखील नड्डा म्हणाले…
प्रधानमंत्री आवास योजनेमुळे गरीबांना हक्काची घरं मिळाली… प्रधानमंत्री आवास योजनेतून 4 कोटी घरं बांधली.. ग्रामीण भागातील महिलांच्या सशक्तीकरणासाठी सरकारचं मोठं काम… भाजपत्या जाहीरनाम्यात नड्डा यांचं वक्तव्य
डॉ. बाबासाहेब आंबेडकर जयंतीनिमित् आज शहरातील पुणे स्टेशन, अरोरा टॉवर कॅम्प, विश्रांतवाडी आणि दांडेकर पूल परिसरात नागरिक अभिवादन करण्यासाठी मोठ्या प्रमाणावर येतात. त्यामुळे मिरवणूक मार्गावरील वाहतूक आवश्यकतेनुसार इतर पर्यायी मार्गांनी वळविण्यात येणार आहे. हा बदल १३ एप्रिल रोजी सायंकाळी सात वाजल्यापासून १४ एप्रिल रोजी रात्री दोन वाजेपर्यंत राहील.
खासदार प्रतापराव पाटील चिखलीकर यांच्या प्रचारार्थ पंतप्रधान नरेंद्र मोदी यांची सभा 20 एप्रिलला नांदेड मध्येमध्ये होणार आहे. सकाळी 11 वाजता ही सभा पार पडणार आहे. अमित शहाच्या सभेनंतर आता नरेंद्र मोदी नांदेडमध्ये सभा घेणार आहे.
देशाचे गृहमंत्री अमित शाह आज विदर्भ दौऱ्यावर येत आहे. केंद्रीय गृहमंत्री अमित शहा आज भंडारा गोंदियाचे भाजप उमेदवार सुनील मेंढे यांच्या प्रचारार्थ साकोली येथे प्रचार सभा घेणार आहेत. कालच राहुल गांधी यांची साकोलीमध्ये जाहीर सभा पार पडली होती.
इराणने इस्रायलवर भीषण हल्ला केला आहे. इराणने 200 ड्रोन्स, बॅलेस्टिक आणि क्रूझ मिसाइलद्वारे हा हल्ला केला. अजूनही हा हल्ला सुरुच आहे, असं इस्रायली लष्कराच्या प्रवक्त्याकडून सांगण्यात आलय. सीरियाची राजधानी दमिश्कमध्ये 1 एप्रिलला इराणच्या दूतावासावर इस्रायलकडून एअर स्ट्राइक करण्यात आला होता. त्याला प्रत्युत्तर म्हणून इराणने इस्रायलवर हा ड्रोन हल्ला केला आहे.