नागपुरात इंजेक्शनचा काळाबाजार, Tocilizumab ची किंमत एक लाख रुपये, 2 डॉक्टरसह एकाला बेड्या

injuction and corona

नागपूर : राज्य कोरोनाच्या दुसऱ्या लाटेशी सामना करत आहेत. रोज हजारो कोरोनाग्रस्त नव्याने आढळत आहेत. सध्या रुग्णसंख्या कमी होत आहे. तसेच रुग्ण बरे होण्याचे प्रमाणही वाढले आहे. मात्र, अजूनही रेमडेसिव्हीर तसेच Tocilizumab सारख्या इंजेक्शनचा काळाबाजार थांबलेला नाही. नागपूरमध्ये काळेबाजीरचा एक प्रकार उघडकीस आला आहे. नागपूर पोलिसांनी Tocilizumab इंजेक्शन अवैधरीत्या विकणाऱ्यांना अटक केली आहे. या कारवाईत एकूण तीन आरोपींना अटक करण्यात आली आहे. (Two doctors with One more man held for black marketing of Tocilizumab injection in Nagpur Corona virus)

एक इंजेक्शन 1 लाख रुपयांना विकण्याच्या तयारीत

नागपुरात कोरोना रुग्णांची संख्या कमी होताना दिसत आहे. अनेक कोविड सेंटर्समध्ये बेड्स रिकामे आहेत. असे असले तरी काही ठिकाणी औषधांचा तुटवडा जाणवतो आहे. रेमडेसिव्हीर तसेच Tocilizumab सारखे इंजेक्शन वेळेवर मिळत नाहीयेत. याचाच फायदा घेऊन नागपुरात Tocilizumab हे इंजेक्शन अवैधरीत्या विकण्याची तयारी एका टोळीकडून सुरु होती. मात्र, माहिती मिळताच पोलिसांनी हा प्रयत्न हाणून पाडला. पोलिसांनी अवैधरीत्या इंजेक्शन विकणाऱ्या एकूण तीन आरोपींना अटक केले आहे. यातील दोन आरोपी हे बीएचएमएस डॉक्टर असल्याची माहिती आहे. काळ्याबाजारात इंजेक्शन विकणारी ही टोळी Tocilizumab इंजेक्शन तब्बल एक लाख रुपयांमध्ये विकणार होती. मात्र, हे इंजेक्शन विकण्याच्या तयारीत असताना पोलिसांनी त्यांचा पर्दाफाश केला.

तिन्ही आरोपी मध्य प्रदेशचे रहिवासी

सध्या पकडण्यात आलेल्या तीन जणांची टोळी Tocilizumab हे इंजेक्शन काळ्या बाजारात विकण्याच्या तयारीत होती. मात्र, गुप्त माहिती मिळताच पोलिसांनी सापळा रचून तीन आरोपींना ताब्यात घेतले. हे तिन्ही आरोपी मध्य प्रदेशातील रहिवासी असून नागपुरात भाड्याने राहतात. या प्रकरणाचा अधिक तपास पोलीस करीत आहेत.

नागपुरात 5 हजारच्यावर बेड उपलब्ध

सध्या नागपुरात बेड उपलब्ध व्हायला लागले आहेत. नागपुरात 7 हजार 754 बेड पैकी 5 हजारच्यावर बेड उपलब्ध आहेत. ऑक्सिजन आणि औषधांचा पुरवठासुद्धा आता उपलब्ध होत असल्याने नागपूरकरांना दिलासा मिळायला सुरवात झाली आहे. रुग्णालयावरील ताण कमी झालाय. मात्र, महापालिका कोरोनाच्या तिसरी लाटेची शक्यता बघता बालकांसाठी कोव्हिड रुग्णालयाची निर्मिती करणार असून आता प्रशासनाने तिसऱ्या लाटेसाठी सज्ज राहण्याची तयारी सुरु केली आहे.

इतर बातम्या :

VIDEO : ‘दारू विकाल तर घरात घुसून मारू’, चंद्रपुरात नागरिकांचा संयमाचा बांध फुटला, अवैध दारूविक्रेत्याच्या घरावर हल्लाबोल

Nagpur Corona | नागपुरात कोरोनाचं दिलासादायक चित्र, 5 हजारच्यावर बेड उपलब्ध

रुग्णालयांमध्ये लहान मुलांसोबत पालकांचीही व्यवस्था हवी, नागपुरात फडणवीसांच्या प्रशासनाला सूचना

(Two doctors with One more man held for black marketing of Tocilizumab injection in Nagpur Corona virus)