Exit Poll Results: जम्मूमध्ये भाजपची आघाडी, पण काश्मीरने फसवला पेच, कोण गाठणार बहुमत?

Jammu and Kashmir Election Exit Poll

Jammu and Kashmir Election Exit Poll Results : जम्मू-कश्मीरमधील 90 विधानसभा जागांसाठी तीन टप्प्यात मतदान झाले होते. 18, 25 सप्टेंबर आणि 1 ऑक्टोंबर रोजी मतदान झाले होते. 8 ऑक्टोंबर रोजी मतमोजणी होणार आहे. जम्मू-काश्मीरमध्ये नॅशनल कॉन्फ्रन्स आणि काँग्रेसची युती होती. परंतु महबूबा मुक्ती यांची पीडीपी आणि भाजप स्वबळावर रिंगणात उतरले होते. इंजिनिअर राशिदची आवामी इत्तेहाद पार्टीची चर्चा निवडणुकीत होती. आता हरियाणामधील मतदान संपताच एक्झीट पोलचे निष्कर्ष आले आहे. त्यात जम्मूमध्ये भाजपची आघाडी आहे. परंतु काश्मीरमध्ये भाजपचा सफाया आहे. यामुळे काँग्रेस आणि नॅशनल क्रॉन्फ्रन्स सर्वात मोठा पक्ष ठरत असल्याचे एक्झीट पोलमध्ये म्हटले आहे.

आजतक अन् सी-व्होटरचा एक्झीट पोल

कश्मीर घाटीतील 47 जागांपैकी नॅशनल कॉन्फ्रन्स आणि काँग्रेसच्या युतीला 29-33 जागा मिळण्याचा अंदाज आजतकच्या एक्झीट पोलमध्ये आहे. काश्मीरमध्ये भाजपला केवळ 0-1 जागा मिळणार आहे. पीडीपी 6-10 तर इतरांच्या खात्यात 6 ते 10 जागा जाणार आहे. आजतक आणि सी-व्होटरचा एग्झिट पोलनुसार जम्मूच्या 43 जागांपैकी नॅशनल कॉन्फ्रेन्स आणि काँग्रेसला 11-15 जागा मिळतील. पण भाजप 27-31 जागांवर आघाडी घेणार आहेत. पीडीपी 0-2 जागा जिंकण्याची शक्यता आहे.

18 जागांवर अटीतटीची लढत

आजतक आणि सी-व्होटरच्या एक्झिट पोलनुसार, जम्मू आणि काश्मीरमधील विधानसभेच्या 90 जागांपैकी 18 जागांवर अटीतटीची लढत आहे. यामध्ये नॅशनल कॉन्फरन्स आणि काँग्रेस आघाडीमध्ये 10 जागांवर चुरशीची लढत आहे. तर भाजप 3 जागांवर तर पीडीपी 4 जागांवर लढत आहे.

पीडीपी किंगमेकर ठरणार का?

एनसी आणि काँग्रेसला बहुमत मिळत असल्याचे काही एक्झिट पोलमध्ये स्पष्ट झाले आहे. पण हा पोल पाहता जम्मू-काश्मीरमध्ये सरकार स्थापनेत पीडीपी आणि इतर पक्षांची भूमिकाही महत्त्वाची ठरू शकते. दरम्यान, पीडीपीचे प्रवक्ते शेख नसीर यांनी मोठा दावा केला असून आमच्याशिवाय कोणतेही सरकार स्थापन होणार नाही.

कोणाच्या एक्झीटपोलमध्ये कोणास किती जागा